Heydər Əliyev
yeni azerbaycan logo

Ana səhifə / Sosial / Qax və Oğuz rayonlarında Bilik evlərinin açılışı olub

Qax və Oğuz rayonlarında Bilik evlərinin açılışı olub

06.10.2015 [10:07]

Azərbaycan Respublikasının Prezidenti yanında Bilik Fondunun təşəbbüsü ilə Qax və Oğuz rayonlarında yaradılan Bilik evlərinin açılış mərasimi olub. Qax Bilik Evinin açılışında iştirak edən rayon İcra Hakimiyyətinin başçısı Musa Şəkiliyev Bilik Fondunun maarifçilik istiqamətində həyata keçirdiyi layihələrin əhəmiyyətindən danışıb, xüsusilə bölgələrdə bu istiqamətdə görülən işlərin ürəkaçan nəticələr verdiyini vurğulayıb. Tədbirdə iştirak edən nümayəndələr də bölgələrdə yaradılan Bilik evlərinin ali təhsil ala bilməyən gənclərin inkişafında müstəsna rol oynayacağına əminliklərini bildiriblər.
Bilik Fondunun icraçı direktoru Oktay Səmədov Bilik evlərində tətbiq olunacaq tədrisin istiqamətlərinin məhz rayon sakinlərinin və ziyalıların rəyi əsasında müəyyənləşdirildiyini diqqətə çatdırıb. Onun sözlərinə görə, ilkin mərhələdə ədəbi yaradıcılıq, avtomobillərə texniki xidmət ustalarının hazırlanması, ingilis və rus dili kursu, eləcə də kompüter operatoru və elektron kargüzarlıq işləri üzrə kurslar təşkil olunacaq.
Oğuz rayonunda fəaliyyət göstərəcək Bilik Evinin açılış mərasimində çıxış edən Bilik Fondunun icraçı direktoru Oktay Səmədovun sözlərinə görə, yaxın gələcəkdə Astara rayonunda da Bilik Evi açılacaq. Bərdə, Zərdab, Xaçmaz, Şamaxı, İsmayıllı və digər rayonlarda da Bilik evlərinin fəaliyyətə başlaması ilə bağlı müzakirələr aparılır. Tədbirdə rayon İcra Hakimiyyəti başçısının müavini Yusif Naxçıvanski, rayon Təhsil Şöbəsinin müdiri Elçin Kərimov, Bilik Fondunun yerli nümayəndəsi E.Abdullayev adına 2 saylı orta məktəbin direktoru Anar Məcidov, yerli ziyalılar və müdavimlər iştirak ediblər.
Qeyd edək ki, Qax və Oğuz Bilik evlərinin hər birində müxtəlif istiqamətlər üzrə artıq 50-dək gənc dərslərə yazılıb. Dinləyicilərə tədrisi yüksək ixtisaslı yerli və xarici mütəxəssislər aparacaq. İxtisasla yanaşı, Bilik evlərinin bütün müdavimləri Azərbaycan tarixi və mədəniyyəti, ədəbiyyatı, multikulturalizm siyasəti, eləcə də dünya ədəbiyyatı və mədəniyyəti ilə bağlı mühazirələr dinləyəcək, dəyirmi masalarda və disputlarda iştirak edəcəklər. Dərslərdə fərqlənən tələbələrə təqaüd veriləcək. Bilik evlərində təhsilini uğurla başa vuran müdavimlərə müvafiq sertifikatlar təqdim olunacaq.
PƏRVİZ

Paylaş:
Baxılıb: 654 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30