KİVDF-nin Müşahidə Şurasının növbəti iclası keçirilib

Bakı:

26 °C

55 %

2 m/s

Əlaqə

AZ RU EN

Ana səhifə / Sosial / KİVDF-nin Müşahidə Şurasının növbəti iclası keçirilib

KİVDF-nin Müşahidə Şurasının növbəti iclası keçirilib

25.01.2017 [08:39]

Yanvarın 24-də Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının növbəti iclası keçirilib. Bu barədə Kütləvi İnformasiya Vasitələrinin İnkişafına Dövlət Dəstəyi Fondunun mətbuat xidmətindən AZƏRTAC-a məlumat verilib.
Fondun Müşahidə Şurasının sədri Umud Mirzəyev iclası giriş sözü ilə açaraq gündəlikdəki məsələlər barədə məlumat verib. İclasda Fondun 2016-cı ilin yekunlarına həsr olunmuş hesabatının, 2017-ci il üçün Tədbirlər Planının, Novruz bayramı münasibətilə keçirəcəyi fərdi jurnalist yazıları müsabiqəsinin elanının, jurnalist təşkilatları üçün elan etdiyi “Azərbaycanın media məkanında ədəbi dilin qorunması”, “Azərbaycan teleradio məkanında ədəbi dilin qorunması” və “Jurnalist peşəkarlığının artırılması” mövzularında müsabiqənin elanının, 2017-ci il üçün Fondun ekspertlərinin tərkibinin təsdiqi və cari məsələlər müzakirə edilib.
Fondun icraçı direktoru Vüqar Səfərli hesabat məruzəsi ilə çıxış edərək 2016-cı ildə respublikanın ictimai-siyasi, sosial-iqtisadi və mədəni həyatında baş vermiş hadisələrin diqqət mərkəzində saxlanıldığını bildirib. V.Səfərli mətbuatın maddi-texniki bazasının möhkəmləndirilməsi, jurnalistlərin peşəkarlıq səviyyəsinin yüksəldilməsi və sosial vəziyyətinin yaxşılaşdırılması, eləcə də digər istiqamətlərdə həyata keçirilən çoxsaylı layihələr barədə məlumat verib.
Sonra hesabat ətrafında müzakirələr aparılıb. Müşahidə Şurasının sədr müavini Vüqar Rəhimzadə, üzvlərdən - Vüqar Əliyev, Əflatun Amaşov, Bəxtiyar Sadıqov, Rəşad Məcid, Müşfiq Ələsgərli və İntiqam Hümbətov çıxış edərək Fondun 2016-cı ildəki fəaliyyətinin qənaətbəxş olduğunu bildiriblər və hesabat yekdilliklə qəbul edilib.
Daha sonra Fondun 2017-ci il üçün Tədbirlər Planı müzakirə olunub. 2017-ci ilin respublikamızda “İslam Həmrəyliyi İli” elan olunduğunu, Bakıda İslam Həmrəyliyi Oyunlarının keçiriləcəyini deyən V.Səfərli hazırlanmış Tədbirlər Planında bütün bunların nəzərə alındığını vurğulayıb. Tədbirlər Planı Müşahidə Şurasının üzvləri tərəfindən müsbət dəyərləndirilərək təsdiq edilib.
Gündəliyə əsasən iclasda, həmçinin Fondun Novruz bayramı münasibətilə keçirəcəyi fərdi jurnalist yazıları müsabiqəsinin elanı müzakirə olunub. Müzakirələrin sonunda növbəti müsabiqənin KİV-lərə Dövlət Dəstəyi Konsepsiyasında əksini tapmış 15 istiqamət üzrə, yanvarın 25-dən martın 7-dək keçirilməsi qərara alınıb.
Müşahidə Şurasının iclasında növbəti məsələ kimi Fondun jurnalist təşkilatları üçün elan etdiyi “Azərbaycanın media məkanında ədəbi dilin qorunması”, “Azərbaycan teleradio məkanında ədəbi dilin qorunması” və “Jurnalist peşəkarlığının artırılması” mövzularında müsabiqənin elanı müzakirə edilərək təsdiqlənib. Müsabiqənin yanvarın 25-dən fevralın 24-dək keçirilməsinə qərar verilib.
İclasda, həmçinin Fondun 2017-ci il üçün ekspertlərinin siyahısı müzakirə olunaraq təsdiq edilib.
Cari məsələlərin müzakirəsi zamanı icraçı direktor V.Səfərli Fondun qarşıdakı fəaliyyət istiqamətləri barədə ətraflı məlumat verib.

Paylaş:

Baxılıb: 642 dəfə