Müttəfiqlik münasibətlərinin yeni perspektivləri

Bakı:

26 °C

46 %

1 m/s

Əlaqə

AZ RU EN

Ana səhifə / YAP xəbərləri / Müttəfiqlik münasibətlərinin yeni perspektivləri

Müttəfiqlik münasibətlərinin yeni perspektivləri

21.10.2025 [12:05]

Azərbaycan Respublikasının Prezidenti İlham Əliyev Qazaxıstana dövlət səfəri ərəfəsində “Kazinform”a eksklüziv müsahibəsində iki ölkə arasında siyasi dialoqun yüksək səviyyəsindən, nəqliyyat, logistika, neft-qaz sahələrində əməkdaşlığın sürətli inkişafından, həmçinin yaşıl enerji sahəsində birgə işin perspektivlərindən və Türk Dövlətləri Təşkilatı çərçivəsində təşəbbüslərdən bəhs edib. Dövlətimizin başçısı deyib ki, Azərbaycan ilə Qazaxıstan arasında siyasi əlaqələr hazırda yüksək dərəcədə möhkəmlik və qarşılıqlı etimad ilə xarakterizə olunur. Ötən onilliklər ərzində xalqlarımız arasında tarixi qardaşlığa, dostluğa və qarşılıqlı dəstəyə, ortaq türk kimliyinin möhkəm təməlinə, oxşar mədəni ənənələrə və mənəvi dəyərlərə əsaslanaraq, biz həqiqi strateji tərəfdaşlıq və müttəfiqlik münasibətləri qurmuşuq.

Sözsüz ki, ikitərəfli əməkdaşlığın möhkəmlənməsinə töhfə verən mühüm amil ən yüksək səviyyədə aparılan və dövlətlərarası əlaqələrin bütün səviyyələrdə hərtərəfli dərinləşməsinə təkan verən fəal və konstruktiv dialoqdur.

Bu səfər cənab İlham Əliyevin son üç ildə qardaş ölkəyə yeddinci səfəridir. Prezident qeyd edib ki, Qazaxıstana hər səfərdə dinamik inkişafı, yeni uğurları müşahidə edib. Ölkənin modernləşdirilməsinə və iqtisadiyyatın şaxələndirilməsinə yönəlmiş islahatların uğurla həyata keçirilməsi xüsusi təsir bağışlayır. Həmin müddət ərzində Prezident Kasım-Jomart Kemeleviç Tokayev Azərbaycana altı dəfə səfər edib. Bütün bunlar ölkələrimiz arasında hərtərəfli tərəfdaşlıq və qarşılıqlı strateji fəaliyyətin inkişafına müştərək səylərimizi nümayiş etdirir. Bundan əlavə, dövlət liderlərinin müntəzəm təmasları gündəlikdə duran aktual məsələləri operativ şəkildə həll etməyə və əməkdaşlığın əsas istiqamətləri üzrə razılaşdırılmış mövqeləri müəyyənləşdirməyə imkan verir.

Füzuli şəhərində Kurmanqazı adına Uşaq Yaradıcılıq Mərkəzinin tikilib istifadəyə verilməsi Qazaxıstan-Azərbaycan əməkdaşlığının möhkəmlənməsinə mədəniyyət sahəsində sazişlərin həyata keçirilməsinə kömək edir. Bu Mərkəz mühüm mədəni-maarif müəssisəsinə çevrilib, hazırda orada 100-ə yaxın uşaq təhsil alır. Türküstan və Şuşa şəhərləri, eləcə də Uralsk ilə Mingəçevir, Çimkənd və Gəncə arasında qardaşlaşmış şəhərlər yaradılmışdır.

Şübhəsiz, budəfəki səfər də müzakirə olunacaq razılaşmalar münasibətlərimizin gələcək inkişafı üçün daha bir təkan olacaq. gələcəkdə Mərkəzi Asiyada Azərbaycanı gücünün və mövqelərinin möhkəmlənməyinə köməklik edəcək.

Neva Abdurahmanova,

YAP Qusar rayon təşkilatının sədr müavini

Paylaş:

Baxılıb: 532 dəfə