Heydər Əliyev
yeni azerbaycan logo

Ana səhifə / YAP xəbərləri / Mingəçevir şəhərində seçici fəallığı yüksək olub

Mingəçevir şəhərində seçici fəallığı yüksək olub

10.10.2013 [17:49]

Seçicilər səsvermənin keçirilməsi üçün yaradılan şəraiti yüksək qiymətləndiriblər
9 oktyabr prezident seçkiləri Mingəçevir şəhərində də demokratik və şəffaf şəkildə keçirilib. Şəhərdə seçici fəallığı kifayət qədər yüksək olub.
YAP Mingəçevir şəhər təşkilatının sədri Cavanşir Yusubovun verdiyi məlumata görə, mingəçevirli seçicilər 47 saylı Mingəçevir və 49 saylı Yevlax-Mingəçevir seçki dairəsi üzrə səs veriblər: “47 saylı dairə üzrə 30 seçki məntəqəsində 37 min 29 seçici qeydiyyatdadır. Bu dairə üzrə saat 17:00-a olan məlumata görə 23 min seçici səsvermədə iştirak edib ki, bu da kifayət qədər yüksək göstəricidir. Seçici fəallığı onu deməyə əsas verir ki, səsvermənin sonuna qədər bu göstərici daha da artacaq. Eyni fəallığı 49 saylı seçki dairəsi üzrə də söyləmək olar. Bu dairənin Mingəçevir şəhəri üzrə 12 seçki məntəqəsi və 12 min 48 seçicisi var”.
C.Yusubov deyib ki, hər məntəqə üzrə YAP-ın müşahidəçiləri var və onlardan mütəmadi olaraq məlumatlar alınır. Bu məlumatlarda isə seçici fəallığının yüksək olduğu, hər hansı ciddi qanun pozuntusuna rast gəlinməyib.
Seçici fəallığı 47 saylı dairənin 5 saylı seçki məntəqəsində də müşahidə olunub. Bu məntəqədə səsvermə prosesinin normal şəkildə getməsi üçün bütün şərait yaradılıb. Seçicilər öz mövqelərini sərbəst şəkildə ifadə ediblər.
Seçici Tahir Tahirov səsvermə prosesinin təşkilindən razılığını bildirib. O, prezident seçkilərinin milli maraqlarımıza xidmət etdiyini deyib: “Təbii ki, prezident seçkilərində iştirak hər bir vətəndaş üçün vacibdir. Mən bu seçkilərdə YAP-ın namizədi cənab İlham Əliyevə səs verdim. Çünki Prezidentimiz son 10 il ərzində fəaliyyəti ilə xalqımızın etimadını doğruldub”.
Digər seçici Vaqif Məhərrəmov da Yeni Azərbaycan Partiyasının namizədinə səs verdiyini bildirib: “Mənim seçimim cənab İlham Əliyevdir”.
N.BAYRAMLI

Paylaş:
Baxılıb: 1070 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30