20 Yanvar faciəsinin 36-cı ildönümü ilə əlaqədar Yeni Azərbaycan Partiyası Samux rayon təşkilatında tədbir keçirilib

Bakı:

12 °C

82 %

11 m/s

AZ RU EN

Ana səhifə / YAP xəbərləri / 20 Yanvar faciəsinin 36-cı ildönümü ilə əlaqədar Yeni Azərbaycan Partiyası Samux rayon təşkilatında tədbir keçirilib

20 Yanvar faciəsinin 36-cı ildönümü ilə əlaqədar Yeni Azərbaycan Partiyası Samux rayon təşkilatında tədbir keçirilib

19.01.2026 [17:13]

19 yanvar 2026-cı il tarixdə Yeni Azərbaycan Partiyası Samux rayon təşkilatında 20 yanvar faciəsinin 36-cı ildönümü ilə əlaqədar “20 Yanvar qürur və qəhrəmanlıq tariximiz” mövzusunda dəyirmi masa keçirilib.

Əvvəlcə Ümummilli Lider Heydər Əliyevin, habelə Azərbaycanın ərazi bütövlüyü və suverenliyi uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Samux rayon təşkilatının sədri Gündüz Bayramov qeyd edib ki, Azərbaycan tarixinə Qanlı Yanvar faciəsi kimi daxil olmuş 1990-cı ilin 20 Yanvar hadisəsi məqsədli şəkildə törədilmiş, xalqımızı qorxutmağa və susdurmağa yönəlmiş ən dəhşətli cinayətlərdən biridir. Yanvar hadisələri nə qədər faciəli olsa da, xalqımızın iradəsini, milli azadlıq uğrunda mübarizə əzmini qıra bilmədi. 20 Yanvar faciəsi Azərbaycan xalqının öz azadlığı və suverenliyi uğrunda apardığı mübarizənin şərəfli tarixidir. O tarix ki, Azərbaycan xalqı 36 il əvvəl baş verən hadisələri təkcə ağrı-acı ilə deyil, həm də qürur və şərəf günü kimi xatırlayır.

Dəyirmi masada şəhid atası İlham Məmmədov çıxış edərək 20 Yanvar hadisələrini milli azadlıq hərəkatının növbəti mərhələsi, xalqımızın qəhrəmanlıq və şücaətinin simvolu kimi qiymətləndirib. Qeyd edib ki, bu qanlı hadisə sovet imperiyasının qəddar siyasətini təsdiq etməklə yanaşı, xalqımızın azadlıq əzmini, müstəqillik və dövlətçilik ideyalarına sıx bağlı olduğunu bir daha nümayiş etdirdi.

Sonra ərazi partiya təşkilat sədrləri Kəmalə Xəlilova və Mirzəmməd Orucov, Rayon Ağsaqqallar Şurasının sədri Fidayıl Əliyev, Samux şəhər 3 saylı tam orta məktəbin müəllimi Səlminə Məmmədova və Samux şəhər 1 saylı uşaq bağçasının müdiri Ağca Atai çıxış edərək vurğuladılar ki, 20 Yanvar faciəsi Azərbaycan tarixində təkcə böyük bir faciə deyil, eyni zamanda milli azadlıq ruhunun və qəhrəmanlıq salnaməsinin parlaq nümunəsidir.

Dəyirmi masada Ulu Öndər Heydər Əliyevin 20 Yanvar hadisələrinə verdiyi siyasi-hüquqi qiymətdən, bu qanlı faciənin dünya ictimaiyyətinə çatdırılması istiqamətində gördüyü mühüm işlərdən bəhs olunub. Qeyd edilib ki, bu gün Prezident İlham Əliyevin rəhbərliyi altında şəhidlərin xatirəsi daim uca tutulur, onların ailələrinə dövlət səviyyəsində diqqət və qayğı göstərilir.

Paylaş:

Baxılıb: 383 dəfə