Dünyanın xilası qlobal dialoqun və əməkdaşlığın güclənməsindədir

Bakı:

29 °C

43 %

5 m/s

Əlaqə

AZ RU EN

Ana səhifə / YAP xəbərləri / Dünyanın xilası qlobal dialoqun və əməkdaşlığın güclənməsindədir

Dünyanın xilası qlobal dialoqun və əməkdaşlığın güclənməsindədir

16.03.2026 [14:11]

Bu gün dünyamız siyasi və iqtisadi baxımdan mürəkkəb bir durumda- qarşıdurma və müharibələrin astanasındadır. Qlobal güclər arasında rəqabətin artması, regional münaqişələrin davam etməsi və beynəlxalq hüququn bəzən selektiv şəkildə tətbiq olunması beynəlxalq münasibətlər sistemində yeni çağırışlar yaradır. Belə bir şəraitdə dialoq və əməkdaşlıq platformalarının rolu daha da artır.

Məhz bu baxımdan Bakıda keçirilən XIII Qlobal Bakı Forumu qlobal problemlərin müzakirəsi və qarşılıqlı anlaşmanın gücləndirilməsi üçün mühüm əhəmiyyət kəsb edir.

Forumun açılış mərasimində çıxış edən Azərbaycan Respublikasının Prezidenti cənab İlham Əliyev qeyd etmişdir ki, dünya hazırda keçid mərhələsindədir və mövcud beynəlxalq sistem hələ tam formalaşmamış yeni nizamın axtarışı prosesindədir. Onun sözlərinə görə, bu dövrdə dövlətlər arasında qarşılıqlı etimadın və əməkdaşlığın gücləndirilməsi qlobal sabitliyin təmin olunması üçün əsas şərtlərdən biridir. Cənab Prezident vurğulamışdır ki, qlobal təhlükəsizlik, iqtisadi inkişaf və humanitar əməkdaşlıq yalnız birgə səylər nəticəsində təmin edilə bilər.

Çıxışda beynəlxalq münasibətlərdə artan parçalanma meyillərinə də diqqət çəkilmişdir. Müxtəlif regionlarda baş verən münaqişələr, geosiyasi qarşıdurmalar və siyasi fikir ayrılıqları beynəlxalq sabitliyə ciddi təsir göstərir. Bu baxımdan dövlətlər və beynəlxalq təşkilatlar arasında konstruktiv dialoq və qarşılıqlı hörmət prinsipləri xüsusi əhəmiyyət daşıyır. Cənab Prezident qeyd etmişdir ki, qlobal problemlərin həlli üçün beynəlxalq hüquqa hörmət, suverenlik prinsiplərinə riayət və multikultural əməkdaşlıq vacibdir.

Azərbaycanın bu prosesdə oynadığı rol da çıxışda xüsusi vurğulanmışdır. Möhtərəm Prezident bildirmişdir ki, Azərbaycan uzun illərdir ki, müxtəlif beynəlxalq platformalar vasitəsilə sivilizasiyalararası dialoqu, multikultural dəyərləri və sülh təşəbbüslərini təşviq edir. Qlobal Bakı Forumu da məhz bu məqsədə xidmət edən mühüm beynəlxalq tədbirlərdən biridir. Forum müxtəlif ölkələrdən gələn siyasətçilər və ekspertlər üçün açıq müzakirə meydanı yaradaraq qlobal problemlərin həllinə dair yeni ideyaların formalaşmasına imkan verir.

Ölkə başcısı həmçinin qeyd etmişdir ki, müasir dünyada davamlı inkişafın təmin olunması üçün siyasi dialoqla yanaşı iqtisadi əməkdaşlığın genişləndirilməsi də vacibdir. Enerji təhlükəsizliyi, iqlim dəyişiklikləri, texnoloji inkişaf və humanitar məsələlər qlobal gündəmin əsas mövzuları sırasındadır. Bu problemlərin həlli üçün beynəlxalq ictimaiyyətin birgə fəaliyyət göstərməsi böyük əhəmiyyət kəsb edir.

Nəticə etibarilə, XIII Qlobal Bakı Forumu müasir dünyanın üzləşdiyi problemlərin müzakirəsi və fikir ayrılıqlarının aradan qaldırılması istiqamətində mühüm beynəlxalq platforma kimi çıxış etdi. Cənab İlham Əliyev forumdakı çıxışında qlobal dialoqun və əməkdaşlığın gücləndirilməsinin vacibliyini bir daha vurğulayaraq, beynəlxalq münasibətlərdə qarşılıqlı hörmət və əməkdaşlıq prinsiplərinin əhəmiyyətini ön plana çıxardı.

Nazim Bünyatov

YAP Ağcabədi rayon təşkilatının sədr müavini

Paylaş:

Baxılıb: 293 dəfə