Oğuzda “Yeni Azərbaycan Partiyası və gənclik” mövzusunda diskussiya təşkil olunub

Bakı:

24 °C

88 %

2 m/s

Əlaqə

AZ RU EN

Ana səhifə / YAP xəbərləri / Oğuzda “Yeni Azərbaycan Partiyası və gənclik” mövzusunda diskussiya təşkil olunub

Oğuzda “Yeni Azərbaycan Partiyası və gənclik” mövzusunda diskussiya təşkil olunub

11.07.2014 [10:03]

Yeni Azərbaycan Partiyası (YAP) Gənclər Birliyinin “Gənc liderlər” gənc siyasətçilər üçün “Yay məktəbi” layihəsinin I turu davam edir. Belə ki, I tur çərçivəsində Oğuzdakı “Afra” hoteldə gənclər arasında “Yeni Azərbaycan Partiyası və gənclik” mövzusunda diskussiya təşkil olunub. Diskussiyanın moderatoru YAP GB ofisinin koordinatoru Aytən Hüseynova olub.
A.Hüseynova Ulu öndər Heydər Əliyevin 1993-cü ilin iyununda xalqın təkidli tələbi ilə hakimiyyətə qayıdışından söz açaraq, eyni zamanda, Ümummilli liderin Azərbaycanın gənclər siyasətinin əsasını qoyduğunu, gəncliyə böyük önəm verdiyini qeyd edib. Çıxışında Prezident İlham Əliyevin rəhbərliyi ilə Azərbaycanda gəncliyin inkişafı istiqamətində həyata keçirilən işlərdən də bəhs edən moderator, ölkə başçısının Ulu öndər Heydər Əliyevin ideyalarını yüksək səviyyədə həyata keçirdiyini bildirib. O, daha sonra YAP-ın yaranma tarixindən, partiyanın hər zaman gənclərə dəstək verərək, onların ölkənin ictimai-siyasi həyatında iştirakını təmin etməsindən danışıb. Natiq, YAP GB-nin yaranması, özündə böyük gənclər kütləsini birləşdirməsi, həyata keçirdiyi layihələr barədə də ətraflı məlumat verib.
Qeyd edilib ki, ölkəmizin ən güclü siyasi qüvvəsi olan Yeni Azərbaycan Partiyasının sıralarında gənclər böyük üstünlük təşkil edir. Eyni zamanda, partiya sıralarına yeni qoşulanların mütləq əksəriyyəti də gənclərdən ibarətdir: “Ümumiyyətlə, Ulu öndərimizin ideyalarına sadiq qalan Yeni Azərbaycan Partiyası hər zaman gənclərə geniş imkanların yaradılmasına, onlarda milli şüurun, vətənpərvərlik ruhunun formalaşdırılmasına xüsusi diqqət yetirib. Beləliklə, partiyamız gənclərin inkişafı üçün bütün imkanları yaradıb və gənclərlə sıx işləməyi başlıca hədəflərindən biri hesab edir. Məhz bu səbəbdəndir ki, ölkəmizin intellektual gəncliyi öz siyasi talelərini YAP-la bağlayır. Partiyamız gənclərimizə qayğı göstərməklə yanaşı, gənclərdən gələn təklifləri, layihələri diqqətlə qarşılayır və lazımi dəstəyini verir”.
A.Hüseynovanın sözlərinə görə, Yeni Azərbaycan Partiyası gənclərin ictimai-siyasi fəallığının artırılması, beynəlxalq əlaqələrin genişlənməsi, asudə vaxtlarının səmərəli təşkili, ümumiyyətlə, ayrı-ayrı sahələr üzrə layihələrin həyata keçirilməsinə xüsusi diqqət yetirir. “Hazırda YAP üzvlərinin 40 faizə qədəri gənclərdən ibarətdir və partiyada birləşən gənclərin sayı 200 min nəfərdən artıqdır. Şübhəsiz ki, Azərbaycan gənclərinin YAP sıralarına qoşulmalarının, öz siyasi talelərini bu partiya ilə bağlamalarının ciddi əsasları var. Partiyamızın sıralarına, xüsusilə, intellektli, bilik və bacarıqlı, müxtəlif sahələrdə nailiyyətlər qazanmış gənclərin qoşulduğunu nəzərə alsaq, bu əsasların hansı amillərlə bağlı olduğunu əminliklə söyləmək olar. Bu, o deməkdir ki, YAP gənclərə öz bilik və bacarıqlarını nümayiş etdirmək üçün bütün şəraiti yaradıb və gənclərimiz bu partiyanın vasitəsilə özlərini cəmiyyətə təqdim edə bilirlər” - deyə, A.Hüseynova vurğulayıb.
A.Hüseynova region gəncləri ilə iş aparılmasının da vacibliyini qeyd edib. Daha sonra YAP GB-nin həyata keçirdiyi layihələr və tədbirləri əks etdirən fotoslayd nümayiş olunub.
Tədbir gənclər arasında diskussiya ilə davam etdirilib.

Paylaş:

Baxılıb: 1105 dəfə