Heydər Əliyev
yeni azerbaycan logo

Ana səhifə / YAP xəbərləri / YAP Tərtər rayon təşkilatının yaradılmasının 21-ci ildönümü ilə əlaqədar tədbir keçirilib

YAP Tərtər rayon təşkilatının yaradılmasının 21-ci ildönümü ilə əlaqədar tədbir keçirilib

25.07.2014 [10:05]

İyulun 24-də Yeni Azərbaycan Partiyası (YAP) Tərtər rayon təşkilatının yaradılmasının 21-ci ildönümü ilə əlaqədar tədbir keçirilib. Tədbir iştirakçıları əvvəlcə Ulu öndərin rayondakı Heydər Əliyev mərkəzinin foyesindəki büstü önünə gül-çiçək dəstəsi qoyaraq, xatirəsini ehtiramla yad ediblər.
Sonra Heydər Əliyev mərkəzinin konfrans zalında öz işini davam etdirən tədbiri giriş sözü ilə YAP Tərtər rayon təşkilatının sədri Ramiz Şabanov açaraq geniş məruzə ilə çıxış edib. Məruzəsində partiyanın yaranma tarixindən söhbət açan natiq həmin illərin xalqımızın yaddaşında dərin izlər buraxdığını bildirib. Qeyd olunub ki, xalqın təkidli tələbi ilə yenidən siyasi hakimiyyətə qayıdan Ulu öndər Heydər Əliyev dərin düşünülmüş siyasəti, qətiyyəti və müdrik qərarları sayəsində Azərbaycanı düşdüyü böhranlı vəziyyətdən çıxara bilib, qısa müddətdə böyük uğurların qazanılmasında müstəsna xidmətlər göstərib, xalqın etimadını layiqincə doğruldub. Məhz bütün bunların nəticəsidir ki, Ulu öndərin yaratdığı və hazırda Prezident İlham Əliyevin Sədri olduğu YAP xalqın güvənc mənbəyinə çevrilib.
Natiq onu da deyib ki, YAP Tərtər rayon təşkilatının üzvləri rayonda həyata keçirilən abadlıq-quruculuq işlərində yaxından iştirak edirlər.
Sonra YAP Tərtər rayon təşkilatının Nəzarət-Təftiş Qrupunun sədri Adil Hüseynov, Tərtər şəhər 6 saylı tam orta məktəbin müəllimi Zülfiyyə Abdullayeva, Zolgörən ərazi ilk partiya təşkilatının sədri Firdovsi Hüseynov və YAP Tərtər rayon təşkilatı Gənclər Birliyinin sədri Yadigar Səfərov məruzə ətrafında çıxış ediblər.
Tədbirdə çıxış edən Tərtər rayon icra hakimiyyətinin başçısı Müstəqim Məmmədov ölkəmizdə həyatın bütün sahələrində qazanılmış uğurlarda Yeni Azərbaycan Partiyasının rolunu yüksək qiymətləndirib, YAP-ın Sədri, Prezident İlham Əliyevin həyata keçirdiyi düzgün, məqsədyönlü siyasət nəticəsində Azərbaycanın Cənubi Qafqazda lider dövlətə çevrildiyini diqqətə çatdırıb.
Tədbirin sonunda partiya sıralarına yeni qəbul olunmuş bir qrup gəncə üzvlük vəsiqələri, rayon təşkilatının və rayonun ictimai-siyasi həyatında fərqlənənlərə fəxri fərmanlar təqdim olunub.
NADİR

Paylaş:
Baxılıb: 813 dəfə

Xəbər lenti

Hamısına bax

Gündəm

Analitik

Xəbər lenti

YAP xəbərləri

MEDİA

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30