Lerikdə "Yay məktəbi"nin IV turu çərçivəsində “Leadership” (Gənclərə Liderlik xüsusiyyətlərinin öyrədilməsi) mövzusunda təlim keçirilib

Bakı:

13 °C

71 %

9 m/s

AZ RU EN

Ana səhifə / YAP xəbərləri / Lerikdə "Yay məktəbi"nin IV turu çərçivəsində “Leadership” (Gənclərə Liderlik xüsusiyyətlərinin öyrədilməsi) mövzusunda təlim keçirilib

Lerikdə "Yay məktəbi"nin IV turu çərçivəsində “Leadership” (Gənclərə Liderlik xüsusiyyətlərinin öyrədilməsi) mövzusunda təlim keçirilib

30.07.2014 [14:05]

Lerikdə gənclərin “Yay məktəbi” uğurla davam edir. Bu dəfəki təlimdə gənclərə liderlik keyfiyyətləri aşılanıb
Yeni Azərbaycan Partiyası (YAP) Gənclər Birliyinin Lerik rayonunda təşkil etdiyi “Gənc liderlər” gənc siyasətçilər üçün “Yay məktəbi” layihəsinin dördüncü turu uğurla davam edir. Layihə çərçivəsində, iyulun 30-da, qrup rəhbərliyinin müəyyənləşdirdiyi plana uyğun olaraq, “Leadership”(Gənclərə Liderlik xüsusiyyətlərinin öyrədilməsi) mövzusunda təlim keçirilib.
Öncə Lerik IV tur qrupunun rəhbəri, YAP Siyasi Şurasının üzvü və partiyanın Qaradağ rayon təşkilatının sədri Aydın Hüseynov mövzu ilə bağlı gənclərə öz təvsiyyələrini verib.
Sonra tədbir Mahmud Məmmədzadənin moderatorluğu ilə davam etdirilib. Təlim zamanı gənclərlə praktiki oyunlar keçirilib, gənclərə komandada işləmək bacarıqları öyrədilib, Liderliyin müxtəlif növləri haqda məlumat verilib. Əsl liderin necə formalaşması, onun insanları öz ideyalarına inandıra bilməsi, onları öz ətrafına toplaya bilməsi keyfiyyətləri öyrədilib.
Təlim qarşılıqlı dialoq şəklində davam etdirilib və gənclər aktiv şəkildə müzakirələrlə qoşulublar.
Təlim zamanı Ümummilli liderimiz Heydər Əliyevin Liderlik keyfiyyətləri barədə danışılıb, Onun Azərbaycana rəhbərlik etdiyi ayrı-ayrı dövrlərdə ölkəmizin beynəlxalq imicinin yüksəldilməsi, respublikamızın inkişafı, onun keçmiş SSRİ-nin adi bir aqrar respublikasından güclü iqtisadiyyata malikr sənaye ölkəsinə çevirməsindən, təhsilin inkişafı, ana dilimizn dövlət dili səviyyəsinə yüksəldilməsi, gələcək Milli Ordumuzun əsasını təşkil edəcək hərbi kadrlaın hazırlanması istiqamətindəki fəaliyyəti qeyd olunub.
Eyni zamanda, Ulu öndər Heydər Əliyevin xalqın təkidli tələbi ilə, 1993-cü ildə yenidən ölkədə siyasi hakimiyyətə gəlməsi, bütün riskləri öz üzərinə götürərək, ordusu dağılmış, cəbhədə ağır məğlubiyyətlərə uğramış, xəzinəsi boşaldılmış, iqtisadiyyatı çökmüş, milli ziyalı elitasının çörək pulu qazanmaq məqsədilə başqa dövlətlərə üz tutmuş bir məmləkəti çox qısa bir zamanda necə dirçəldə bilməsi xüsusi olaraq vurğulanıb.
Heydər Əliyevin Liderlik keyfillətləri dünyanın tanınmış dövlət xadimlərinin şəxsi keyfillətləri ilə müqayisə edilib, Onun daha üstün Liderlik keyfiyyətlərinə malik olması qabardılıb. Qeyd olunub ki, həqiqətən də əsl Lider ətrafındakı olan kadrlar və ölkənin üzləşdiyi mövcud çətinliklərdən asılı olmayaraq, istənilən halda, riskləri öz üzərinə götürərək ölkəsini düşdüyü çətin durumdan xilas etməyi bacarmalıdır və bütün bu keyfiyyətlərin hamısı Ümummilli lider Heydər Əliyevdə cəmlənmişdi.
Fasilədən sonra gənclər qruplara bölünərək, ayrı-ayrı siyasi partiyalar şəklində qarşıdan gələn “prezident seçkiləri”nə hazırlaşıblar. Hər “partiya” özünün plarformasını hazırlayıb və “prezidentliyə namizədini” irəli sürüb.
“Prezidentliyə namizəd”in vəkilləri partiyalarının seçki proqramlarını səsləndiriblər və “Lider”lərini ictimaiyyətə təqdim ediblər. Bütün “namizədlər”in seçki platformaları dinlənildikdən sonra Yeni Azərbaycan Partiyasından olan namizədin seçki platforması daha mükəmməl hesab edilib. Əminliklə vurğulanıb ki, bu dəfəki prezident seçkisində də Yeni Azərbaycan Partiyasının irəli sürdüyü namizəd seçicilərin mütləq əksəriyyətinin səsini qazanacaq.
Günün ikinci yarısında isə gənc liderlər müxləlif idman yarışlarında iştirak ediblər. Həmçinin interaktiv və intelektual oyunlarda öz bilik və bacarıqlarını nümayiş etdiriblər.
Səlim Loğmanoğlu

Paylaş:

Baxılıb: 980 dəfə