YAP Samux rayon təşkilatı bələdiyyə seçkilərinə hazırlıq işlərini sistemli şəkildə davam etdirir

Bakı:

12°C

94%

2m/s

AZ RU EN

Ana səhifə / YAP xəbərləri / YAP Samux rayon təşkilatı bələdiyyə seçkilərinə hazırlıq işlərini sistemli şəkildə davam etdirir

YAP Samux rayon təşkilatı bələdiyyə seçkilərinə hazırlıq işlərini sistemli şəkildə davam etdirir

06.11.2014 [09:56]

Gündüz Bayramov: Bütün işlər plan-qrafik əsasında həyata keçirilir, nəzərdə tutulmuş tədbirlərin zamanında və səmərəli şəkildə görülməsi üçün operativlik təmin edilib
Xəbər verildiyi kimi, Azərbaycanda cari ilin dekabr ayının 23-də keçiriləcək növbəti bələdiyyə seçkilərinə rəsmi şəkildə start verilib. Bu kontekstdə Yeni Azərbaycan Partiyası (YAP) seçki qanunvericiliyinə müvafiq surətdə bələdiyyə seçkilərinə hazırlıq işlərini mütəşəkkil qaydada davam etdirir. Belə ki, YAP-ın yerli strukturlarında yaradılmış seçki qərargahları öz fəaliyyətlərini aktiv şəkildə davam etdirir.
Qeyd etmək lazımdır ki, YAP-ın Samux rayon təşkilatının Seçki Qərargahı da hazırlıq işlərini sistemli şəkildə yüksək fəallıqla davam etdirir. Qərargahın rəhbəri, YAP Samux rayon təşkilatının sədri Gündüz Bayramov bildirib ki, rayon təşkilatı 70 ilk ərazi partiya təşkilatından ibarətdir. 102 saylı Samux-Şəmkir Seçki Dairəsində məntəqələrin sayı 51-dir. Dairə üzrə seçicilərin sayı 41 min 422 nəfərdir. Rayon üzrə isə bu göstərici 37 min 505 nəfərdir.
YAP Samux rayon təşkilatında üzvlərin sayının 5019 nəfər olduğunu deyən təşkilat sədri əlavə edib ki, onlardan 2871 nəfəri qadın, 1843 nəfəri isə gənclərdir.
Bildirilib ki, rayon üzrə namizədlərin sayı 191-dir. Onlardan 95 nəfəri gənclərdən, 64 nəfəri isə qadınlardan ibarətdir. Diqqətə çatdırılıb ki, qərargah üzvlərinin sayı 17 nəfərdir.
G. Bayramov vurğulayıb ki, hazırlıq çərçivəsində namizədlərin sənədləri hazırlanaraq müvafiq seçki komissiyasına təqdim olunmaqdadır. Namizədlik təsdiq edildikdən sonra imzatoplama kampaniyası başlayacaq: “Bələdiyyə seçkilərinə hazırlıq prosesi ümumi tapşırıq və tövsiyələrə müvafiq şəkildə uğurla davam etdirilir. Bütün işlər plan-qrafik əsasında həyata keçirilir, nəzərdə tutulmuş tədbirlərin zamanında və səmərəli şəkildə görülməsi üçün operativlik təmin edilib”.
Bildirilib ki, YAP-ın Samux rayon təşkilatının Seçki Qərargahının növbəti toplantısı da keçirilib. Tədbirdə bələdiyyə seçkiləri ilə əlaqədar görüləcək işlər müzakirə olunub, fikir mübadiləsi aparılıb.
Beləliklə, Yeni Azərbaycan Partiyasının Samux rayon təşkilatının Seçki Qərargahında bələdiyyə seçkiləri ilə əlaqədar operativ və effektiv hazırlıq işləri aparılır.
NURLAN

Paylaş:

Baxılıb: 887 dəfə