YAP Qubadlı rayon təşkilatı partiyanın yaranmasının 22-ci ildönümü münasibətilə tədbir keçirib

Bakı:

26 °C

57 %

9 m/s

AZ RU EN

Ana səhifə / YAP xəbərləri / YAP Qubadlı rayon təşkilatı partiyanın yaranmasının 22-ci ildönümü münasibətilə tədbir keçirib

YAP Qubadlı rayon təşkilatı partiyanın yaranmasının 22-ci ildönümü münasibətilə tədbir keçirib

22.11.2014 [11:55]

Yeni Azərbaycan Partiyası (YAP) Qubadlı rayon təşkilatı partiyanın yaranmasının 22-ci ildönümü ilə əlaqədar tədbir keçirib. Tədbiri giriş sözü ilə açan Qubadlı rayon İcra Hakimiyyəti başçısının müavini, YAP Qubadlı rayon təşkilatının sədri Allahverdi Haqverdiyev Yeni Azərbaycan Partiyasının Azərbaycan tarixinin son dərəcə ağır və keşməkeşli günlərində, ölkənin ciddi sınaqlara məruz qaldığı bir dövrdə Azərbaycan ziyalılarının təşəbbüsü və fəal iştirakı ilə yarandığını bildirib. O qeyd edib ki, Yeni Azərbaycan Partiyası ötən 22 ilin hər anında Azərbaycanın inkişafına xidmət edib: “Yeni Azərbaycan Partiyası bu gün cəmiyyətin aparıcı qüvvəsidir. Ətrafında 630 mindən artıq üzvü birləşdirən Yeni Azərbaycan Partiyasının nail olduğu siyasi birlik modeli Azərbaycan xalqı üçün də bir nümunəyə çevrildi. Məhz Yeni Azərbaycan Partiyası milli birliyin yaranmasında böyük rola malik oldu. Yeni Azərbaycan Partiyası hər zaman dövlət maraqlarından çıxış edir. Yeni Azərbaycan Partiyası üçün ən əsas Azərbaycan dövləti və millətidir və YAP yenilənən Azərbaycanın simasıdır”.
Natiq bildirib ki, hazırda YAP-ın Qubadlı rayon təşkilatının 3200-dən çox üzvü var. Məcburi köçkün rayonu olan Qubadlı rayonunun əhalisi Ulu öndər Heydər Əliyev siyasətinə, Yeni Azərbaycan Partiyasına daim sadiqdir. Hər bir Azərbaycan vətəndaşı kimi qubadlılılar da aparılan siyasətin nəticəsində Azərbaycanın bir nömrəli problemi olan Dağlıq Qarabağ probleminin həll ediləcəyinə, torpaqlarımızın işğaldan azad olunacağına qəti şəkildə əmindirlər.
Daha sonra tədbirdə çıxış edən Ramin Heydərov, Aşağı Mollu kənd tam orta məktəbin direktoru Allahverən Allahverdiyev, şəhid atası İsgəndər Məmmədov və digərləri Yeni Azərbaycan Partiyasının proqramında irəli sürülmüş əsas vəzifələrin dövlət müstəqilliyinin möhkəmləndirilməsi, demokratik, hüquqi, dünyəvi dövlətin qurulması, vətəndaşların dinc və firavan həyatının təmin edilməsi olduğunu diqqətə çatdırıblar.
Tədbirdə YAP Qubadlı rayon təşkilatının ictimai-siyasi həyatında fəal iştirak edən bir qrup YAP üzvünə fəxri fərmanlar, partiya sıralarına yeni qəbul olunanlara isə üzvlük vəsiqəsi təqdim olunub. Daha sonra Sumqayıt şəhəri Ceyranbatan qəsəbəsi ərazisində yerləşən şəhid İsa Məmmədov adına Aşağı Mollu kənd tam orta məktəbinin həyətində “IDEA” İctimai Birliyi tərəfindən həyata keçirilən I “Ümumrespublika Yaşıllaşdırma” marafonu çərçivəsində ağacəkmə kampaniyası keçirilib.
Pərviz SADAYOĞLU

Paylaş:

Baxılıb: 1157 dəfə