Heydər Əliyev
yeni azerbaycan logo

Ana səhifə / YAP xəbərləri / Samux seçicilərinin vahid seçimi Yeni Azərbaycan Partiyasıdır

Samux seçicilərinin vahid seçimi Yeni Azərbaycan Partiyasıdır

11.12.2014 [10:21]

Yeni Azərbaycan Partiyası (YAP) Samux rayon təşkilatı bələdiyyə seçkiləri ilə əlaqədar təbliğat-təşviqat kampaniyasını uğurla davam etdirir. Təbliğat kampaniyası çərçivəsində növbəti görüşlər rayonun İnstitut qəsəbəsində, Əhmədbəyli və Yuxarı Ağasıbəyli kəndlərində keçirilib.
Görüşdə çıxış edən YAP Samux rayon təşkilatının və Seçki Qərargahının sədri Gündüz Bayramov Yeni Azərbaycan Partiyasının cəmiyyət daxilindəki yüksək nüfuzundan və geniş beynəlxalq əlaqələrindən bəhs edərək qeyd edib ki, YAP bu gün Prezident İlham Əliyevin Sədrliyi ilə inkişaf yolunda irəliləyir: “Yeni Azərbaycan Partiyası Azərbaycan dövlətinin müstəqilliyinin qorunub saxlanılmasında və dövlətçiliyimizin inkişaf etdirilməsində müstəsna xidmətləri olan bir siyasi təşkilatdır. Ulu öndər Heydər Əliyev tərəfindən yaradılmış və Prezident İlham Əliyevin Sədrliyi ilə uğurla fəaliyyət göstərən, Azərbaycanımızın tərəqqisi naminə fədakarlıq nümayiş etdirən YAP nəinki regionda, hətta dünyada sayılıb-seçilən siyasi təşkilatlardan birinə çevrilib”.
Onun sözlərinə görə, Yeni Azərbaycan Partiyası Azərbaycan xalqının alternativsiz seçimidir: “Bu mənada, Samux seçicilərinin də vahid seçimi Yeni Azərbaycan Partiyasıdır. Əminliklə qeyd edə bilərik ki, partiyamızın namizədləri bu seçkilərdə də qələbə qazanacaqlar”.
Görüşlərdə Yeni Azərbaycan Partiyasının bələdiyyə üzvlüyünə namizədləri və təşviqat qrupunun üzvləri çıxış edərək Yeni Azərbaycan Partiyasının Sədri, Azərbaycan Prezidenti İlham Əliyevin həyata keçirdiyi uğurlu siyasətdən, əhalinin sosial rifah halının mütəmadi olaraq yaxşılaşdırılmasından, ölkəmizdə, eləcə də, rayonda görülən işlərdən danışaraq seçiciləri Yeni Azərbaycan Partiyasının namizədlərinə səs verməyə dəvət ediblər.
NURLAN

Paylaş:
Baxılıb: 739 dəfə

Xəbər lenti

Hamısına bax

Gündəm

Analitik

Xəbər lenti

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30