YAP Şamaxı rayon təşkilatında ilk dəfə səs verən seçicilərlə və bələdiyyələrə namizədlikləri irəli sürülmüş gənclərlə görüş keçirilib

Bakı:

32 °C

40 %

5 m/s

AZ RU EN

Ana səhifə / YAP xəbərləri / YAP Şamaxı rayon təşkilatında ilk dəfə səs verən seçicilərlə və bələdiyyələrə namizədlikləri irəli sürülmüş gənclərlə görüş keçirilib

YAP Şamaxı rayon təşkilatında ilk dəfə səs verən seçicilərlə və bələdiyyələrə namizədlikləri irəli sürülmüş gənclərlə görüş keçirilib

17.12.2014 [10:16]

Dünən Yeni Azərbaycan Partiyası (YAP) Şamaxı rayon təşkilatı dekabrın 23-də keçiriləcək bələdiyyə seçkiləri ilə əlaqədar ilk dəfə səs verən seçicilərlə və bələdiyyələrə namizədlikləri irəli sürülmüş gənclərlə görüş keçirib. Tədbirdə Yeni Azərbaycan Partiyası Siyasi Şurasının üzvü, “İki sahil” qəzetinin baş redaktoru Vüqar Rəhimzadə, Yeni Azərbaycan Partiyası Siyasi Şurasının üzvü, YAP Gənclər Birliyinin sədri Seymur Orucov, YAP Mərkəzi Aparatının məsul işçisi Həsən Daşdəmirov iştirak ediblər.
Tədbiri giriş sözü ilə YAP Şamaxı rayon təşkilatının sədri Bəxtiyar Abbasov açaraq bildirib ki, bir sıra siyasi partiyaların iştirak edəcəyi bələdiyyə seçkilərinə YAP Şamaxı rayon təşkilatı mütəşəkkilliklə hazırlaşır. B.Abbasov vurğulayıb ki, zəngin seçki təcrübəsinə malik olan rayonda bütün seçki proseslərində hər zaman yüksək seçici fəallığı nümayiş olunub. B.Abbasov rayon seçicilərinin tərəqqiyə, inkişafa - YAP-ın namizədlərinə səs verəcəklərini qeyd edib.
Yeni Azərbaycan Partiyası Siyasi Şurasının üzvü, “İki sahil” qəzetinin baş redaktoru Vüqar Rəhimzadə cəmiyyətdə gənclərin artan rolundan danışaraq bildirib ki, Azərbaycan gənci bu gün ölkəmizin siyasi, mədəni, ictimai həyatında mühüm yer tutur və partiyamız bundan sonra da bu tendensiyanın genişlənməsi üçün zəruri tədbirlər həyata keçirəcək. Vüqar Rəhimzadə vurğulayıb ki, seçkilərdə gənc namizədlərin sayının artması partiyamızın gənclərə olan etimadının bariz nümunəsidir.
Tədbirdə çıxış edən YAP Siyası Şurasının üzvü, Yeni Azərbaycan Pariyası Gənclər Birliyinin sədri Seymur Orucov qarşıdan gələn bələdiyyə seçkilərində qələbə qazanmaq üçün ciddi hazırlığın vacibliyini önə çəkərək bildirib ki, devizi “Rifah və quruculuq naminə” olan Yeni Azərbaycan Partiyası bu seçkilərdə də fəal iştirak edir. S.Orucov bələdiyyə seçkilərində gənclərin rolundan danışaraq vurğulayıb ki, gənclər cəmiyyətimizin ən aktiv üzvləridir. “Bu gün dövlətimizin yaratdığı əlverişli şərait nəticəsində gənclərimiz yüksək səviyyədə təhsil alır və əldə etdikləri bilikləri təcrübədə tətbiq etmək üçün onların qarşısında geniş imkanlar açılıb. Bələdiyyələrdə iştirak da bu imkanlardan biridir. Bu baxımdan, dekabrda keçiriləcək bələdiyyə seçkilərində namizədlərimizin arasında gənclər 30-35 faiz təşkil edir”.
YAP Şamaxı rayon təşkilatı tərəfindən irəli sürülən namizədlər vurğulayıblar ki, bütün seçkilərdə aktivlik göstərən şamaxılılar güclü Azərbaycan dövləti, ölkəmizin davamlı inkişafı, sabitliyi, hər kəsin rifahı naminə seçkilərdə fəal iştirak edəcəklər.

Paylaş:

Baxılıb: 935 dəfə