“Radikal müxalifətin mötəbər tədbirlər ərəfəsində fəallaşması təsadüfi deyil”
17.04.2024 [12:03]
“Azərbaycanda hər dəfə mötəbər tədbirlər keçirilən zaman ölkəmizə qarşı həm xaricdə, həm də daxildə qəribə bir təzyiq kampaniyasına start verilir. Bu ərəfələrdə biz Avropada və ölkəmizdə müəyyən qüvvələrin fəaliyyətlərinin sanki eyni mərkəzdən idarə olunduğunu müşahidə edirik. Beynəlxalq səviyyəli COP-29 sammitinin Azərbaycanda keçiriləcəyindən istifadə edən qüvvələrin fəallaşmasını təsadüfi saymaq olmaz. Maraqlıdır ki, bu fəallıq daha çox Ermənistana bağlı siyasi qüvvələrin, Fransa hökumətinin və radikal müxalifətin fəaliyyətlərində gözə çarpır”.
Bunu yeniazerbaycan.com-a açıqlamasında politoloq Ramiz Alıyev bildirib.
Onun sözlərinə görə, bir dövləti xarici qonaqlar üçün cəlb edən ən başlıca faktor sabitlikdir: “Söhbətləşdiyimiz xarici turistlər etiraf edirlər ki, onlar Azərbaycanda, Bakı şəhərində gördükləri sabitliyi, qonaqpərvərliyi başqa heç bir ölkədə görməyiblər. Bütün bunlar Azərbaycan dövlətinin düzgün siyasəti, hüquq mühafizə orqanlarının peşəkar fəaliyyətinin, ayıq-sayıqlığının nəticəsində mümkün olub. Ölkəmizdə sabitliyi pozmaq istəyən xarici və daxili qüvvələr mövcuddur. Hətta bəzi qonşu dövlətlərimizə bağlı olan qüvvələr COP-29 sammiti ərəfəsində ölkəmizdə sabitliyi pozmaq üçün hərəkətə keçiblər. Son günlər hüquq-mühafizə orqanları xarici xüsusi xidmət orqanlarının tapşırıqlarını yerinə yetirməklə məşğul olan qrupları, şəxsləri ifşa edirlər, saxlayırlar. Erməni lobbisi beynəlxalq təşkilatlarda məsələ qaldırırlar ki, Azərbaycanda insan haqları, ekoloji təhlükəsizlik pozulur, odur ki, COP-29 sammiti Bakıda keçirilə bilməz və s. Fransa dövləti də bu məsələdə erməni lobbisinə dəstək verir. Fransanın Azərbaycandakı səfirinin geri çağırılması da ölkəmizə qarşı aparılan qarayaxma kampaniyasının tərkib hissəsidir. Təsəvvür edin ki, Rusiya ilə düşmən münasibətdə olan Qərb dövlətləri rus hərbçilərinin sərhədlərini qoruduğu Ermənistana qucaq açır, amma rus sülhməramlılarını ölkə ərazisindən çıxaran Azərbaycana qarşı qərəzli mövqe sərgiləyirlər. Ötən gündən başlayaraq Qarabağdakı Rusiya sülhməramlı kontingenti Azərbaycanı tərk etməyə başlayır. Əslində dünya mediasının gündəmində olacaq bir mövzudur. Dünyanın super güclərinin bacara bilmədiyi Rusiya kimi bir ölkənin hərbçilərinin Azərbaycandan çıxarılması rəsmi Bakının çox böyük siyasi-diplomatik uğurudur və Qərb dövlətləri bunu dəyərləndirməlidir”.
R.Alıyev onu da qeyd etdi ki, Azərbaycanda hər dəfə beynəlxalq tədbir keçiriləndə aktivləşən qüvvələrdən biri də radikal müxalifət və onların media orqanlarıdır: “Avroviziya” musiqi yarışması, Avropa oyunları, “formula-1” yarışları və digər beynəlxalq tədbirlər ərəfəsində də müxalifə aksiyalar keçirirdi, insan hüquqları, siyasi məhbus məsələsini, hətta heyvan haqlarını gündəmə gətirirdilər. Onların media orqanları Bakının kənarlarında axsayan, ölən itlərin, pişiklərin şəkillərini çəkib dünyaya hay salırdılar ki, Azərbaycanda küçə heyvanlarına qarşı kobud davranılır və s. Həmin qüvvələr yenidən fəallaşıblar. “5-ci kolon”un üzvləri ölkədə təxribatlar törətmək üçün hərəkətə keçiblər. Payızda keçiriləcək COP-29 tədbirlərinin yüksək səviyyədə keçirilməsinə maneə olmaq üçün onlar erməni lobbisinin, Fransadakı ayrı-ayrı təşkilatların pullu sifarişlərini yerinə yetirəcəklər. Radikal müxalifətdən şou göstərmək üçün istifadə edilir. Uzun müddətdir ki, heç bir aksiya keçirməyən, hətta prezident seçkiləri ərəfəsində belə fəallıq göstərməyən radikalların indi aktivləşməsi təsadüfi deyil”.
Politoloq onu da qeyd etdi ki, erməni lobbisinin maliyyəsi ilə hərəkət edən avropalı siyasətçilər beynəlxalq təşkilatların iclaslarında guya ölkəmizdə insan haqlarının pozulduğunu bəhanə edərək Azərbaycana qarşı sanksiya məsələsini gündəmə gətirirlər: “Onların bu çağırışına ölkəmizdə sevinən psevdo-demokratlar da var. AXCP sədri Əli Kərimli Qubad İbadoğlu, Tofiq Yaqublu və digərlərinin həbsini bəhanə edərək onların azadlığa buraxılması üçün aksiya keçirəcəklərini bəyan ediblər. Hər iki şəxs bir neçə ay öncə həbs olunublar və onlara konkret ittihamlar irəli sürülüb. Nə Qubad İbadoğlu, nə də digərlərinin yaxınları onların həbsini şoulaşdırmayıblar və məhkəmənin ədalətli qərar çıxaracağına inamlarını ifadə ediblər. O zaman sual olunur. Bəs nə üçün Əli Kərimli bu qədər narahatdır, özünü ortaya atıb? Milli Şura və Əli Kərimlinin indi yadına düşdü, Qubad İbadoğlunun həbsi? Təbii ki, Əli Kərimlinin davası maliyyə davasıdır. Onlar erməni lobbisinin və onlardan maliyyələşən təşkilatların sifarişlərini yerinə yetirirlər. AXCP üzvləri diqqət yetirsələr görərlər ki, Əli Kərimlinin aksiya tələbi həbs olunan şəxslərlə bağlı deyil. AXCP mitinq müraciətində göstərib ki, onlar üç yerdə aksiya keçirə bilərlər. “28 may”, “Nərimanov” metrolarının qarşısı və “Məhsul” stadionu. Hökumət dəfələrlə onlara aksiya keçirmək üçün “Məhsul” stadionunu təklif edib. Amma getməyiblər. Bilirdilər ki, aksiyaya gələn olmayacaq. Amma bu gün “Məhsul” stadionuna getməyə hazırdırlar. Çünki sifariş gəlib ki, nəyin bahasına olursa, olsun aksiya keçirin, polislə qarşıdurmaya gedib, təxribat törədin, şou düzəldin. Ona görə də heç şübhəsiz ki, aksiya iştirakçıları qəsdən polislə qarşıdurma yaradacaqlar, sonra fotolar çəkib onu dünyaya yayacaqlar ki, ölkədə müxalifətçilər sıxışdırılır, döyülür, həbs olunur və s. Bunlar bizə tanış ssenarilərdir. Təəssüf ki, müxalifətin sıravi üzvləri “liderlərinin” erməni lobbisinin sifarişi və maliyyəsi ilə hərəkət etdiklərinin fərqində deyillər. Bütün hallarda Azərbaycanın hüquq mühafizə orqanları radikal müxalifətin planlaşdırdığı təxribatların qarşısını alacaq və günahkarlar cəzalandırılacaq”.
Nardar Bayramlı
Xəbər lenti
Hamısına baxXəbər lenti
30 Aprel 13:18
Xəbər lenti
30 Aprel 13:03
Sosial
30 Aprel 12:39
Xəbər lenti
30 Aprel 12:37
Xəbər lenti
30 Aprel 12:33
Xəbər lenti
30 Aprel 12:06
Xəbər lenti
30 Aprel 11:46
Xəbər lenti
30 Aprel 11:44
Xəbər lenti
30 Aprel 11:37
Dünya
30 Aprel 11:35
Mədəniyyət
30 Aprel 11:34
Ədəbiyyat
30 Aprel 11:24
Mədəniyyət
30 Aprel 11:20
Gündəm
30 Aprel 11:15
İqtisadiyyat
30 Aprel 11:08
Siyasət
30 Aprel 10:55
Xəbər lenti
30 Aprel 10:53
Siyasət
30 Aprel 10:50
MEDİA
30 Aprel 10:45
Xarici siyasət
30 Aprel 10:40
Siyasət
30 Aprel 10:36
Xəbər lenti
30 Aprel 10:34
Siyasət
30 Aprel 10:31
İqtisadiyyat
30 Aprel 10:30
Xəbər lenti
30 Aprel 10:20
Gündəm
30 Aprel 10:10
Xəbər lenti
30 Aprel 10:00
Xəbər lenti
30 Aprel 09:54
Xəbər lenti
30 Aprel 09:45
Xəbər lenti
29 Aprel 23:00
Dünya
29 Aprel 21:33
Gündəm
29 Aprel 20:34
Siyasət
29 Aprel 19:43
Xəbər lenti
29 Aprel 18:42
Siyasət
29 Aprel 18:38
İqtisadiyyat
29 Aprel 17:35
Maraqlı
29 Aprel 17:14
YAP xəbərləri
29 Aprel 16:54
Dünya
29 Aprel 16:45
İdman
29 Aprel 16:24
Xəbər lenti
29 Aprel 15:55
Xəbər lenti
29 Aprel 15:28
Xəbər lenti
29 Aprel 15:14
Xəbər lenti
29 Aprel 15:08
Avropa
29 Aprel 14:54
Sosial
29 Aprel 14:28
Siyasət
29 Aprel 14:02
Xəbər lenti
29 Aprel 13:58
Dünya
29 Aprel 13:57
Xəbər lenti
29 Aprel 13:17
Dünya
29 Aprel 13:04
Xəbər lenti
29 Aprel 12:49
Xəbər lenti
29 Aprel 12:38
Siyasət
29 Aprel 12:18
Xəbər lenti
29 Aprel 12:07
Dünya
29 Aprel 11:41
Xəbər lenti
29 Aprel 11:34
Sosial
29 Aprel 11:20
Gündəm
29 Aprel 11:14
Xəbər lenti
29 Aprel 11:06
Xəbər lenti
29 Aprel 10:59
İqtisadiyyat
29 Aprel 10:34
İqtisadiyyat
29 Aprel 10:31
Xəbər lenti
29 Aprel 10:30
Siyasət
29 Aprel 10:23
Xəbər lenti
29 Aprel 10:00
Gündəm
28 Aprel 22:42
Xəbər lenti
28 Aprel 19:09
Xəbər lenti
28 Aprel 17:24
Xəbər lenti
28 Aprel 14:43