Türkiyədə "Azərbaycan Rüzgarı" proqramı yenidən efirə çıxıb

Bakı:

25 °C

76 %

10 m/s

Əlaqə

AZ RU EN

Ana səhifə / Xəbər lenti / Türkiyədə "Azərbaycan Rüzgarı" proqramı yenidən efirə çıxıb

Türkiyədə "Azərbaycan Rüzgarı" proqramı yenidən efirə çıxıb

13.03.2023 [17:20]

2018-2021 illərdə həftədə bir dəfə Türkiyə telekanallarından birində Azərbaycan mədəniyyətini, tarixini, coğrafiyasını təbliğ edən "Azərbaycan Rüzgarı" televiziya proqramı yenidən tamaşaçılarının görüşünə gəlib.
Proqramın müəllifi, telejurnalist, İstanbul Universitetinin aspirantı Səidə Ömərin “Yeni Azərbaycan” qəzetinin Türkiyə bürosuna verdiyi məlumata görə, layihə yeni formatda Türkiyənin “Ulusal” telekanalında hər həftənin bazar günləri efirə çıxır.

Proqramın əsas məqsədinin Azərbaycanın qədim tarixi, rəngarək coğrafiyası, ədəbi, tarix şəxsiyyətləri və zəngin mədəniyyəti ilə bağlı bilgiləri Türkiyə ictimaiyyətinə tanıtmaq olduğunu deyən teleaparıcı hazırda Türkiyə ictimaiyyətində buna çox ehtiyac olduğunu vurğulayıb: “Xüsusilə Azərbaycanın dövlət, ordu, xalq birliyilə əldə etdiyi Qarabağ Zəfərindən sonra Türkiyə cəmiyyətində Azərbaycanı, Qarabağı tanımaq baxımından ölkəmizə maraq yaranıb. Azərbaycanı Türkiyə tamaşaçısına tanıtmaq üçün azərbaycanlı olmaq, ölkəmizdə böyümək, musiqimizi, ədəbiyyatımızı, incəsənətimizi, adət-ənənələrimizi, təbiətimizi bilmək, bir sözlə Azərbaycan ruhundan anlamaq şərtdir. Bir Azərbaycanlı olaraq mənim də məqsədim həm Azərbaycan mədəniyyətini təbliğ etmək, həm də dünyada alternativi olmayan Azərbaycan-Türkiyə münasibətlərinin möhkəmlənməsinə bacardığım xidməti göstərməkdir”.

Səidə Ömər “Azərbaycan Rüzgarı”nın ilk qonaqlarının Türkiyənin Azərbaycandaki Səfirliyinin baş katibi Aygün Qocayeva, Azərbaycan parlamentinin millət vəkili tarixçi, professor Musa Qasımlı olduğunu bildirib: “Qonaqlarım Türkiyə və Azərbaycan arasında diplomatik əlaqələr, Türkiyədə baş verən güclü zəlzələnin Azərbaycanda dövlət və cəmiyyət tərəfindən necə həssasslıqla qarşılanması, iki qardaş ölkənin sarsılmaz əlaqələrinin tarixi faktlara əsaslanmasından bəhs etdilər. Türkiyədə yaşayan, gənc azərbaycanlı müğənni Elgün Quliyev isə Azərbaycan və Türkiyə haqqında ifaları ilə iki ölkənin qardaşlığını musiqi ilə dilə gətirdi. “Azərbaycan Rüzgarı” hələ öncədən də bütün dünya azərbaycanlılarının tamaşaçı rəğbətinə səbəb olmuşdu. Mən bu layihəni Türkiyədən dünyaya açılan pəncərə hesab edirəm və bu pəncərə vasitəsi ilə iki ölkə qardaşlığının, müttəfiqliyinin ən yaxşı nümunə kimi bütün dünyaya yayılmasını istəyirəm. Odur ki, hər həftənin bazar günü dünya türklərini Türkiyə vaxtı ilə saat 16.30-da ekran başında gözləyirəm”.

Sevil Hilalqızı Ünal, Ankara

Paylaş:

Baxılıb: 492 dəfə