Türkiyə iqtisadiyyatı son 20 ildə 3 dəfə böyüyüb

Bakı:

31 °C

36 %

0 m/s

Əlaqə

AZ RU EN

Ana səhifə / Xəbər lenti / Türkiyə iqtisadiyyatı son 20 ildə 3 dəfə böyüyüb

Türkiyə iqtisadiyyatı son 20 ildə 3 dəfə böyüyüb

18.04.2023 [10:20]

Günel ABBASOVA

Qardaş Türkiyədəki prezident seçkiləri gününə təxmini, bir ay zaman qalıb. Türkiyədən əlavə dünyanın bir çox yerlərində, xüsusən də, başqa türkdilli ölkələrin siyasi-ictimai çevrələrində bu hadisəyə diqqət çoxdur. Seçkilərlə bağlı çox müzakirələr gedir. Türkiyə, minillik təcrübə sistemli, tarixli, böyük dövlətdir, xalqı da tam formalaşmış toplumdur. Bu xalq kənardan müdaxiləyə, dəstəyə ehtiyac olmadan, özü öz seçimini etmə qüdrətindədir.

Bütün bu hadisələr fonunda əksəriyyət türk dövlətləri iqtidara yenidən Rəcəb Tayyib Ərdoğanın gəlməsi arzusundadır. Bəli, bu sadəcə arzudur. Çünki seçmək və seçilmək yalnız ölkə daxilində baş verməli olan məsələdir. Qardaş ölkələr və dost dövlətlər seçki mərhələsində yalnız həqiqətləri, üstünlükləri vurğulayaraq, bəzi suallara cavab axtararaq dəstəyini nümayiş etdirə bilər. Belə olduqda, niyə Rəcəb Tayyib Ərdoğan seçilməlidir, sualının cavabı da aydınlaşır, çünki qardaş Türkiyənin hazırkı rəhbəri ilə bağlı hər şey açıq və birmənalıdır.

Bu mənada “Yeni Azərbaycan” qəzeti bir ay sonra qardaş Türkiyədə keçiriləcək prezident seçkiləri ilə bağlı yeni rubrikaya başlayır. Diqqətinizə çatdırmaq istərdik ki, seçkilər yekunlaşana qədər qəzetimizdə yerli siyasətçilərin gözü ilə Türkiyədəki vəziyyət şərh ediləcək...

Milli Məclisin Azərbaycan-Türkiyə parlamentlərarası işçi qrupunun üzvü Vüqar Bayramovun sözlərinə görə, Türkiyədə baş tutacaq seçki son 100 ilin ən vacib seçimlərindən hesab olunur: “Bir ay sonra qardaş Türkiyədə seçki baş tutacaq. Türkiyə vətəndaşları öz prezidentlərini və millət vəkillərini seçəcəklər. 2023-cü ildə Türkiyə vətəndaşlarının seçimi uzun illər üçün qardaş dövlətin strategiyasını müəyyənləşdirəcək.Təbii ki, seçmək hüququ Türkiyə vətəndaşlarındadır. İnanırıq ki, qardaş dövlətin vətəndaşları öz doğru seçimləri ilə ölkələrinin inkişafını dəstəkləyəcəklər. Türkiyə Azərbaycanın haqq işinə hər zaman dəstək verən ölkələrdəndir. İstər Vətən müharibəsində, istərsə də Qarabağ və Şərqi Zəngəzurda quruculuq prosesində Türkiyənin dəstəyi hər zaman hiss edilib. İşğaldan azad olunan ərazilərimizdəki hər iki beynəlxalq hava limanlarının açılışında, Zəngəzur dəhlizinin Azərbaycan hissəsinin təməlqoyma mərasimində Azərbaycan və Türkiyə Prezidentlərinin iştirakı və eləcə müttəfiqlik bəyannaməsinin Şuşada imzalanması da bunları təsdiq edir”.

Deputat qeyd edib ki, son illər qardaş ölkə iqtisadiyyatında müşahidə edilən volatilliyə, məzənnə enişlərinə və inflyasiyaya rəğmən Türkiyə iqtisadiyyatı son 20 ildə real ifadədə 3 dəfə böyüyüb: “2003-cü ildə 314 milyard dollar ÜDM-ə malik olan Türkiyə iqtisadiyyatı indi 900 milyard dollardan böyükdür. Beynəlxalq Valyuta Fondunun hesablamalarına görə, bu il Türkiyədə ÜDM-in 1 trilyon 29 milyard dollara çatması gözlənilir. Bu isə o deməkdir ki, xarici şoklar olmazsa, bu il Türkiyə trilyon dollarlıq iqtisadiyyata malik ölkələr qrupuna daxil olacaq. Digər tərəfdən, Türkiyə 20 il öncə daha çox aqrar və xidmət sektorları üzrə ixtisaslaşmışdısa, indi ölkə müasir sənaye dövlətinə çevrilməkdədir. Türkiyə hazırda hərbi, avtomobil sənayesində xüsusi üstünlüyə malik olan ölkələrdən hesab olunur. Türkiyədə seçkininin nəticələri region üçün də əhəmiyyətlidir. İnanırıq ki, nəticələr mövcud düzənin möhkəmlənməsinə xidmət edəcək”.

Paylaş:

Baxılıb: 587 dəfə