Türkiyə seçkiləri dünyanın diqqət mərkəzində

Bakı:

32 °C

36 %

1 m/s

Əlaqə

AZ RU EN

Ana səhifə / Xəbər lenti / Türkiyə seçkiləri dünyanın diqqət mərkəzində

Türkiyə seçkiləri dünyanın diqqət mərkəzində

20.05.2023 [11:10]

20 illik uğurlu siyasət bundan sonra da davam edəcək

Günel ABBASOVA

Beynəlxalq təhlükəsizlik sisteminin yenidən formalaşdığı və ənənəvi dünya nizamının dəyişdiyi hazırkı mürəkkəb şəraitdə Türkiyə Respublikasında mayın 28-də keçiriləcək prezident seçkilərinin ikinci mərhələsi mühüm tarixi hadisə hesab olunur. Seçkilərlə bağlı aparılan obyektiv ictimai rəy sorğularında əsas rəqiblərin tərəfdar sayı təxminən bərabər qiymətləndirilsə də, ölkə miqyaslı on üç seçkinin qalibi, iyirmi illik təcrübəsi və beynəlxalq siyasətdə aktiv rolu və birinci mərhələdə topladığı səslə Rəcəb Tayyib Ərdoğanın öndə olduğu inkarolunmazdır.

Milli Məclisin üzvü Cavid Osmanov “Yeni Azərbaycan”a açıqlamasında bildirib ki, seçkilərin nəticələri təkcə Türkiyədə deyil, Balkan ölkələrindən Qərbə, Orta Şərqdən Afrikaya, türk dünyasından islam aləminə qədər geniş bir məkanda maraqla izlənilir: “Təkcə Türkiyə üçün deyil, region ölkələrinin maraqları və beynəlxalq siyasətin gələcəyi baxımından 20 illik daxili və xarici siyasətin davam etdirilməsi, yaxud kardinal dəyişməsi dünyada geniş müzakirə olunur. Şübhəsiz, son iyirmi illik dövr Türkiyənin dövlətçilik tarixində ən sürətli dəyişikliklərlə, miqyaslı tranformasiyalarla zəngin olub. Türkiyə dövlətinin konstitusion idarəçilik modelinin dəyişməsi fonunda lider amilinin mühüm faktora çevrilməsi onun qlobal rolunun artmasına mane olan ənənəvi hökumət böhranlarının aradan

qalxması özü ilə bərabər xarici təzyiqləri də artırıb, demokratiya və insan haqları adı altında kənar müdaxilələri intensivləşdirib, etnik-milli qrupların, siyasi və dini cərəyanların toqquşdurulması cəhdlərini artırıb. Lakin Türkiyənin daxili və xarici siyasətinin mərkəzində müstəqil və suveren inkişaf yolu dəyişməyib, xüsusilə də son 20 ildə türk xalqının milli dəyərlər əsasında dünyada mövqeyi güclənib, daha geniş coğrafiyalarda məhz mədəniyyət, din və millət idealları əsasında əməkdaşlıq formatları genişlənib”.

Onun sözlərinə görə, 14 may tarixində keçirilən prezident və parlament seçkiləri təkcə Türkiyədə deyil, regionda və ümumilikdə dünyada maraqla izlənildi: “Türkiyədə keçirilən seçkilər bir daha demokratiya dərsi oldu. Burada seçicilərin aktivliyi, şəffaf seçkilərin keçirilməsi xalqın iradəsini əks etdirən seçki nəticələri göz qabağında oldu. Prezident seçkiləri ikinci tura qaldı və may ayının 28-də Türkiyədə ikinci tur seçkiləri keçiriləcək. İkinci turda artıq Türkiyədə son 20 ildə həyata keçirilən uğurlu siyasət, Türkiyənin dünya miqyasında söz sahibi olması, qüdrətli bir ölkəyə çevrilməsi növbəti illərdə də seçkilərdən sonra da davam edəcək. Çünki bugünkü Türkiyə qədər güclü, öz sözünü deyən ölkə bəlkə də olmayıb. Düşünürəm ki, bu, 20 illik siyasətin, məntiqli addımların bir nəticəsidir. Bu baxımdan demokratik və şəffaf mühitdə keçiriləcək seçkilər Türkiyə xalqının iradəsini özündə əks etdirəcək. Qardaş ölkə Türkiyə bu seçkilərdən hər mənada qalib çıxacaq. Son 20 illik uğurlu siyasəti növbəti illərdə də davam edəcəkdir”.

Paylaş:

Baxılıb: 583 dəfə