İmişlidə Polis günü qeyd olunub

Bakı:

15 °C

88 %

2 m/s

Əlaqə

AZ RU EN

Ana səhifə / Xəbər lenti / İmişlidə Polis günü qeyd olunub

İmişlidə Polis günü qeyd olunub

30.06.2023 [12:57]

Bu gün İmişli rayonunda “Azərbaycan Polisi Günü” münasibətilə tədbir keçirilib. İmişli rayon Polis Şöbəsinin inzibati binasında baş tutan tədbirdə RİH başçısı Elçin Rzayev, YAP İmişli rayon təşkilatının sədri Səfa Ağayev, rayonun hüquq-mühafizə orqanlarının rəhbərləri, eləcə də rayon Polis Şöbəsinin əməkdaşları iştirak ediblər.

Öncə Milli Qəhrəman İmamverdi Əliyevin rayon Polis şöbəsi binasının önündəki büstü ziyarət edilərək gül-çiçək dəstələri düzülüb və xatirəsi ehtiramla yad edilib. Tədbir Birinci Qarabağ və Vətən müharibəsi zamanı şəhid olan qəhrəmanlarımızın xatirələrinin bir dəqiqəlik sükutla yad edilməsi ilə başlayıb. İmişli rayon Polis Şöbəsinin rəisi Füzuli Şıxəliyev çıxış edərək hüquq-mühafizə orqanlarına göstərdiyi dəstəyə, diqqət və qayğıya görə prezident cənab İlham Əliyevə dərin minnətdarlığını bildirib, bundan sonra da sədaqətlə xidmət edəcəklərini, səmərəli fəaliyyət göstərəcəklərini, həmçinin polis adını şərəflə qoruyacaqlarını vurğulayıb. İmişli RİH başçısı Elçin Rzayev Azərbaycan Polisi Günü münasibətilə hüquq-mühafizə orqanlarının əməkdaşlarını təbrik edib, müstəqil dövlətçiliyimizin qorunmasında, ölkədə sabitliyin təmin edilməsində, cinayətkarlığa qarşı mübarizədə Azərbaycan polisinin müstəsna xidmətləri olduğunu qeyd edib. Çıxış edən YAP İmişli rayon təşkilatının sədri Səfa Ağayev bildirib ki, bugünkü sabitliyin, inkişafın, gələcəyə inamın təməlində Prezident İlham Əliyevin yürütdüyü siyasət durur. Eyni zamanda, siyasətin reallaşmasında xüsusi xidmətləri olan Daxili işlər orqanlarının fəaliyyətini də gözardı etmək olmaz. Ali Baş Komandan deyir: "Polisə olan hörmət dövlətə olan hörmətdir. Polis orqanları cinayətkarlığa qarşı mübarizə aparırlar. Onlar öz həyatlarını risk altına qoyurlar və vətəndaşlar bunu unutmamalıdırlar. Mən görülmüş işləri yüksək qiymətləndirirəm. Polis orqanlarını daim müdafiə edirəm və müdafiə edəcəyəm". İndi Azərbaycan qatarı müzəffər Ali Baş Komandanın rəhbərliyi ilə daha gözəl gələcəyə doğru istiqamət götürüb. Şübhəsiz, bu qatarın mənzil başına sağ-salamat çatması üçün, onun təhlükəsizliyinin tam təmin olunması üçün Azərbaycan polisi fədakar və şərəfli xidmətlə, adına yaraşan formada müşayiət edəcək. Digər çıxış edənlər qeyd ediblər ki, Polis yarandığı gündən xalqın və dövlətin mənafeyinə ləyaqətlə xidmət etmiş, asayişin və təhlükəsizliyin mühafizəsi, sabitliyin və əmin-amanlığın qorunması, cinayətkarlığa qarşı mübarizə kimi məsuliyyətli vəzifələrin öhdəsindən gəlmiş, polis orqanları mərdlik, cəsarət və rəşadətlərlə zəngin bir yol keçərək öz şərəfli missiyasını layiqincə yerinə yetirmişlər.

Tədbirin sonunda Polis günü münasibətilə bütün Azərbaycan polisləri, o cümlədən rayon Polis şöbəsinin əməkdaşları bir daha təbrik edilib, onlara möhkəm cansağlığı, şərəfli və məsuliyyətli işlərində uğurlar arzulanıb.

Paylaş:

Baxılıb: 481 dəfə