“Güney Azərbaycanda ictimai-mədəni fikrin intibahında türk kimliyi faktoru – beyin axını və müasir dövrün riskləri” adlı konfrans keçirilib

Bakı:

28 °C

56 %

9 m/s

AZ RU EN

Ana səhifə / Xəbər lenti / “Güney Azərbaycanda ictimai-mədəni fikrin intibahında türk kimliyi faktoru – beyin axını və müasir dövrün riskləri” adlı konfrans keçirilib

“Güney Azərbaycanda ictimai-mədəni fikrin intibahında türk kimliyi faktoru – beyin axını və müasir dövrün riskləri” adlı konfrans keçirilib

12.08.2023 [09:03]

Avqustun 11-də “Beynəlxalq hüquqi maarifləndirmə və tədqiqatlar” İctimai Birliyinin təşkilatçılığı ilə “Güney Azərbaycanda ictimai-mədəni fikrin intibahında türk kimliyi faktoru – beyin axını və müasir dövrün riskləri” adlı konfrans keçirildi. Konfrans QHT təmsilçilərinin, media nümayəndələrinin, gənclərin iştirakı ilə baş tutdu.

Konfransı giriş sözü ilə açan, “Beynəlxalq hüquqi maarifləndirmə və tədqiqatlar” ictimai birliyinin idarə heyətinin üzvü Aytən Rəhimli mövzunun aktuallığını və önəmini vurğulayaraq, Güney Azərbaycanda yaşayan soydaşlarımızın məcbur buraxıldığı assimilyasiya siyasətinə diqqət çəkdi.

Daha sonra çıxışçı Güney Azərbaycan Demokratik Türk Birliyinin sədri Əjdər Tağızadə Azərbaycanın güneyində yaşayan çoxmilyonlu soydaşımızın təhsil, elm problemlərindən danışaraq bildirdi ki, güneyli soydaşlarımız məruz qaldıqları ayrı -seçkiliyə görə xarici ölkələrə köçərək, bununla da vətənlərindən ayrı düşürlər. O, xarici ölkələrə beyin axınının sürətlənməsindən də danışdı.

BDU-nun beynəlxalq hüquq kafedrasının professoru Əfsər Sadıqov öz çıxışında, güney azərbaycanlıların hüquqlarının qorunmasının beynəlxalq hüquqda da öz təsbitini tapdığını bildirdi.

BDU Hüquq fakültəsinin dekan müavini, hüquq üzrə fəlsəfə doktoru, dosent Rahim Məmmədov güneyli soydaşlarımızın arasından beynəlxalq hüquqları bilən şəxslərin çıxmasının vacibliyinə diqqət çəkdi. O, bildirdi ki, soydaşlarımızın bu sahədə maariflənməsi onların öz haqlarını qorumaq baxımından hansı addımları atmalı olduqlarını da tənzimləyəcək.

Daha sonra “Milli Mədəniyyətin Təbliği” İctimai Birliyinin sədri, filologiya üzrə fəlsəfə doktoru Jalə Cəfərova Güney Azərbaycan mədəniyyətindən, ictimai fikir tarixi barədə məlumat verdi. J. Cəfərova güney Azərbaycanla bağlı xatirələrini dilə gətirərək, apardığı təbliğat fəaliyyətlərinə diqqət çəkdi.

Qadın və Uşaqların Təhsilinə Dəstək İctimai Birliyinin sədri Sevinc Fədai güneyli qadın fəallarla əlaqələr qurmağın vacibliyini dilə gətirdi. Onların problemlərinə diqqət çəkdi

Türk Dünyası Ağsaqqallar Birliyinin gənclər təşkilatının sədri Elgün Rüstəmli isə Güney Azərbaycan gəncləri ilə əlaqələrin inkişafına toxunaraq, qarşılıqlı əməkdaşlığın, iş birliyinin vacib olduğunu vurğuladı.

Sonra çıxışçılar gənclərin suallarını cavablandırdılar .

Paylaş:

Baxılıb: 585 dəfə