Redikül müxalifət ənənəsinə “sadiqdir”

Bakı:

29 °C

55 %

1 m/s

Əlaqə

AZ RU EN

Ana səhifə / Xəbər lenti / Redikül müxalifət ənənəsinə “sadiqdir”

Redikül müxalifət ənənəsinə “sadiqdir”

23.09.2023 [10:28]

Xalqa və dövlətə xəyanət yolu seçənlər

Redikül müxalifət 2020-ci ildə olduğu kimi, 2023- cü ildə də antimilli mahiyyətini ortaya qoyur, özünü ifşa edir. Belə ki, 2020-ci ildə siyasi qüvvələrin milli birlik bəyanatına imza atmayan, bunun qarşılığında isə həm də qazanılan Zəfəri hədəfə almağa çalışan qaraguruh növbəti dəfə ermənipərəst mövqeyi ilə gündəmə gəlir.

Gültəkinin “ağ bayrağı”...

Ümumiyyətlə, postmüharibə dövründə erməni maraqlarının qorunmasına yönəlik fəaliyyət həyata keçirən, hətta işğaldan azad edilmiş regionlarımızda aparılan abadlıq-quruculuq işlərini hədəfə almağa cəhd göstərən dağıdıcı ünsürlər indi bir az da irəliyə gedərək Ermənistanın silahlı qruplaşmalarının suveren ərazilərimizdə təşkil etdiyi terror təxribatlarına açıq-aşkar dəstək nümayiş etdirir, onlara “haqq” qazandırmaqdan belə çəkinmirlər. Qondarma antimilli şuranın üzvü Gültəkin Hacıbəylinin sosial şəbəkələrdəki son paylaşımları da bunu deməyə əsas verir. Azərbaycan hərbçilərinin yüksək peşəkarlıq və şücaəti ilə 24 saata zərərsizləşdirən terrorçular rəsmi şəkildə təslim oldular. Azərbaycan dövlətinin irəli sürdüyü bütün şərtlərə qeyd-şərtsiz əməl edən terrorçu qruplaşma üzvləri silahlarını və texnikalarını təhvil verirlər. Redikül müxalifətin “öndə gedəni” Gültəkin Hacıbəyli isə deyir ki, “düşmən ağ bayraq qaldırmayıb”.

Şər-böhtan kampaniyasının “öncülü”...

Təsadüfi və təəccüblü deyil. O, 44 günlük Vətən müharibəsində Azərbaycanın möhtəşəm Qələbəsindən bəhs edərkən “Ermənistan kapitulyasiyaya uğramayıb” deyirdi. Redikül müxalifətin apardığı şər-böhtan kampaniyasında ən “öndə gedən”lərdən olan antimilli şuraçı Gültəkin Hacıyeva və onun kimiləri, başqa sözlə ölkəmizə qarşı çirkin kampaniyalar aparmaqla “görəvləndirilmiş”lər sosial şəbəkələrdə mütəmadi şəkildə qələbəmizə ləkə yaxmağa cəhd göstərirdilər. Təbii ki, onların bu uğursuz cəhdləri fiaskoya uğradı və xalq xəyanəti özünə peşə etmiş belələrinin yalanlarına inanmadı.

Bu dəfə də eyni “yolu” seçmiş Gültəkin Hacıbəylinin Fransa və digər ermənipərəstlərin diqtəsi ilə hərəkət etdiyi tam şəkildə bəlli olur. G.Hacıbəyli özünə siyasi “başbilən” seçdiyi Əli Kərimlinin “erməni maraqlarının müdafiəsi” biznesində “əhəmiyyətli” yerə malikdir. Məhz ermənipərəstlərin pulu ilə “danışan” redikül müxalifətin nümayəndəsinin belə bir “açıqlaması” bu baxımdan təəccüblü görünmür.

Erməni yalanlarının “təbliğatçıları”...

Redikül ünsürlərin bu kimi addımları onların ermənilərlə yanaşı separatizmi dəstəkləyən bəzi maraqlı dairələrlə işbirliyini də təsdiqləyir. Diqqət yetirsək, görərik ki, ermənilərin son antiterror tədbirləri ilə bağlı bağlı sosial şəbəkələrdə yaymağa çalışdıqları dezinformasiyaların mahiyyəti Gültəkin Hacıbəyli, Qənimət Zahid, Əli Kərimli və digərlərinin fikirləri ilə mütləq şəkildə uzlaşır. Bu, bir daha onların milli maraqlara düşmən kəsildiyi faktını sübuta yetirir. Gültəkin kimiləri Azərbaycanın əldə etdiyi nailiyyətləri hədəfə almağa öyrəşiblər - amma redikül müxalifət unutmamalıdır ki, xalqımız millətə və dövlətə edilən xəyanətləri heç bir zaman unutmur, bağışlamır...

SADİQ

Paylaş:

Baxılıb: 585 dəfə