Rediküllərin “verbovka” olunmuş “qəniməti”...

Bakı:

10 °C

93 %

1 m/s

Əlaqə

AZ RU EN

Ana səhifə / Xəbər lenti / Rediküllərin “verbovka” olunmuş “qəniməti”...

Rediküllərin “verbovka” olunmuş “qəniməti”...

16.02.2024 [10:40]

Əli Kərimlinin adamı erməni lobbisinin pulu ilə “hay salır”...

Mütəşəkilliyi ilə yadda qalan 7 fevral prezident seçkiləri Azərbaycan xalqının iradəsinin növbəti təntənəli nümayişinə çevrildi. Xalqın azad şəkildə öz səsvermə hüququndan istifadə etməsi, demokratik seçki prosesi səsverməni izləyən beynəlxalq təşkilatların müşahidəçiləri tərəfindən xüsusi vurğulandı. Bu amil isə anti-Azərbaycan siyasəti yürüdən dairələri və onların bəzi əlaltılarını daha çox ağrıdır.

Ümumiyyətlə, xaricdəki antiazərbaycan mərkəzlərin hər zaman “sapı özümüzdən olan baltalar”dan istifadə etməsi heç kimə sirr deyil. Satın aldıqları, başqa sözlə “verbovka” etdikləri şəxslərin “xidmətindən” də geninə, boluna istifadə edirlər. Fəaliyyəti dövründə Azərbaycana qarşı xəyanətdən başqa heç bir “xidməti” ilə yadda qalmayan, AXCP sədri Əli Kərimlinin Fransadakı əlaltısı, “pul kisəsi” Qən?mət Zahid bu mənada daha çox “fərqlənir”.

Belə bir deyim var - bioqrafiya insanı hər addımda təqib edir, izləyir. Bu gün ermənipərəst xora qoşulub Azərbaycana qarşı boş hay-küy yaradan Qənimət Zahid də özünün bioqrafiyasındakı “izləyici ştrixlər”i unutmuş kimi görünür. Azərbaycan haqqında, Azərbaycan xalqı haqqında hansısa bir fikri belə dilə gətirməyə mənəvi haqqı olmayan bu şəxs başqa-başqa ölkələrə satıldığını, onların xüsusi xidmət orqanları ilə əməkdaşlıq etdiyini etiraf etmiş birisidir. Yəqin ki, 1998-ci ildə qəfildən İrana “səfərı edən” və qayıtdıqdan sonra isə İranın xüsusi xidmət orqanları ilə işbirliyinə razılaşdığını bəyan edən Qənimət Zahid həmin günləri unutmayıb. Həmin dövrdə keçirdiyi mətbuat konfransında bu faktı etiraf edən Q.Zahid sonradan bu işbirliyindən “imtina etdiyini” demişdi. Bu, birtərəfli imtina olmuşdu - yəni, İran xüsusi xidmət orqanları Q.Zahidlə “işləməkdən” imtina etməmişdi.

Beləliklə, onun siması(zlığı) Azərbaycan cəmiyyətinə yaxşı tanışdır. İndi də Azərbaycana qarşı hər zaman qərəzi ilə seçilən Fransada oturub gəlib-gedən karvanlara “maraq göstərən” Q.Zahid erməni lobbisinin pulu və sifarişi ilə Azərbaycana tərəf “səs salır”. Əslində Q.Zahidin “siyasi mühacirət” etdiyi zaman niyə məhz Fransanı seçməsinin də sirri hər kəsə bəllidir. Q.Zahid bir zamanların ən populyar “mühacirət alverində” adı hallanan AXCP sədri Əli Kərimlinin bu biznesdəki əsas adamlarından sayılır. Q.Zahidin məhz Fransada yerləşdirilməsi də xidmət etdiyi xarici agentura şəbəkəsinin “arzusundan” qaynaqlanıb. Görünür, Q.Zahidin Fransada “fəaliyyət” göstərməsi Azərbaycana qarşı olan erməni lobbisinin, onlarla işbirliyində olanların işinə daha çox yarayır.

SADİQ

Paylaş:

Baxılıb: 478 dəfə