Redikül müxalifətin erməni sevgisi...

Bakı:

26 °C

65 %

9 m/s

Əlaqə

AZ RU EN

Ana səhifə / Xəbər lenti / Redikül müxalifətin erməni sevgisi...

Redikül müxalifətin erməni sevgisi...

27.02.2024 [10:30]

Əli Kərimli yeni yalanlarla gündəmə gəlməyə çalışır

Münxen Təhlükəsizlik Konransında ortaya çıxan siyasi mənzərə əsl reallıqları özündə əks etdirdi. Prezident İlham Əliyev 2 gün ərzində 24 görüş keçirdi və bu görüşlərin hər biri qarşı tərəfin müraciəti əsasında baş tutdu. Daha 10 görüş üçün Azərbaycan tərəfinə müraciətlər olsa da, fiziki olaraq vaxt baxımından onları reallaşdırmaq mümkün olmadı. Bu, Azərbaycan Prezidentinin, Azərbaycan dövlətinin qlobal siyasi palitradakı yerini və nüfuzunu müəyyənləşdirən əsas amil kimi gözə çarpır. Mənzərəni daha da aydınlaşdırmaq üçün bir xüsusu vurğulamaq lazımdır - müraciət edənlər sırasında Almaniya kanslerinin, ABŞ dövlət katibinin, ABŞ prezidentinin xüsusi nümayəndəsi və koordinatorunun, bir çox dövlətlərin başçılarının və rəsmi nümayəndələrinin, dünyanın apracı iqtisadi-ticari korporasiyalarının təmsilçilərinin yer alması mühüm məqamlardan xəbər verir.

Təbii ki, bu reallıqlar həm də Azərbaycan haqqında şər-böhtan kampaniyası aparmağa çalışanların fiaskosunu rəsmiləşdirir. Erməni lobbisi Qərbdəki “dayaqları”nın da sıradan çıxdığının fərqindədir. Dünyanın aparıcı dövlətləri Azərbaycanın qərarlarını dəstəkləyir, apardığı siyasətin ədalətli və beynəlxalq hüquqa istinad etdiyini görür. Ermənipərəst mərkəzlər və onların ayrı-ayrı yançıları isə bundan təşviş keçirir.

Redikül müxalifətin də ermənipərəst mərkəzlərin əlaltısı qismində çıxış etməsi sirr deyil. Bu mənada, ən ön sırada yer alan AXCP sədri Əli Kərimli də Almaniyada keçirilən ən böyük qlobal təhlükəsizlik konfransında ölkəmizə göstərilən ehtiramı pərdələmək üçün “sifarişlər alıb”. Təsadüfi deyil ki, min bir yalanla sosial şəbəkə “qəhrəmanına” çevrilmək istəyən Kərimli bu dəfə “alman narahatlığını” büruzə verir. Almaniyanın Azərbaycana münasibəti bu ölkənin rəhbərinin ortaya qoyduğu mövqedən bəllidir: Şoltsun Prezident İlham Əliyev ilə görüşmək üçün müraciət etməsi, ikitərəfli görüşlə bağlı təşəbbüs irəli sürməsi rəsmi Berlinin mövqeyinə aydınlıq gətirir. Əli Kərimli isə Almaniya kanslerinin davranışını bir kənara qoyaraq hanısa bir ermənipərəst azlığın bəlkə də etmədiyi bir təxribatçı hərəkəti “qabartmağa” çalışır. Halbuki, Münxen görüşləri, Azərbaycanın qətiyyətinin hər bir görüşdə açıq şəkildə hiss etdirilməsi, maraqlarının qorunması Qərb-Azərbaycan, eləcə də Almaniya-Azərbaycan münastibətləri üçün əsas yaradan amillərdir. Olmayan, qondarma və artıq alver predmetinə çevrilmiş “siyasi məhbus” kartına “istinad cəhdi” Kərimli və onu maliyyələşdirən erməni qruplarını ələ verir. Ermənipərəst Kərimli və himayədarları qlobal gündəliyin əsas müzakirə predmeti kimi ortaya çıxan yeni münasibətlər sisteminin inkişafı, COP29 mövzusu, Azərbaycanın demokratik dəyərlərə qarşı sadiqliyi və ardıcıllığı kimi mövzulardan diqqəti yayındırmağa çalışsa da, buna nail ola bilmirlər. Kərimlinin ermənipərəst “sifarişi” daldan atılan daşa bənzəyir...

MƏNSUR

Paylaş:

Baxılıb: 566 dəfə