Azərbaycan iqtisadiyyat sahəsində 2009-cu il üzrə MDB və region ölkələri arasında liderdir

Bakı:

4 °C

65 %

8 m/s

Əlaqə

AZ RU EN

Ana səhifə / Gündəm / Azərbaycan iqtisadiyyat sahəsində 2009-cu il üzrə MDB və region ölkələri arasında liderdir

Azərbaycan iqtisadiyyat sahəsində 2009-cu il üzrə MDB və region ölkələri arasında liderdir

08.01.2010 [01:27]

“İnternational Living”: Azərbaycan iqtisadi göstəricilərinə görə təkcə MDB və region ölkələrindən deyil, həmçinin, inkişaf etmiş və inkişaf etməkdə olan bəzi dövlətlərdən də irəlidədir
Dünyanın nüfuzlu nəşrlərindən hesab edilən “İnternational Living” jurnalı ölkələrin 2009-cu il üçün kateqoriyalar üzrə reytinq göstəricilərini açıqlayıb.
Hesabatda Azərbaycanın MDB və region ölkələri arasında ən güclü iqtisadiyyata malik olduğu bildirilir. Jurnalın həyat səviyyəsi, mədəniyyət, iqtisadiyyat, ekologiya, səhiyyə, infrastruktur, ictimai təhlükəsizlik və iqlim sahələri üzrə apardığı araşdırmalar 194 ölkəni əhatə edib. Bu sahələr üzrə hər bir ölkə 100 ballıq sistemlə qiymətləndirilib. Jurnalın bu il açıqladığı reytinq göstəricisində Azərbaycan iqtisadiyyat kateqoriyası üzrə 42 bala layiq görülüb. Bu, MDB və region ölkələri arasında iqtisadiyyat sahəsi üzrə ən yüksək nəticə hesab edilir.
İqtisadi göstəricilərinə görə Rusiya 38, Gürcüstan və İran 33, Türkiyə 32, Türkmənistan və Ukrayna isə 31 balla qiymətləndirilib. “İnternational Living”in hesablamalarında Azərbaycan iqtisadi göstəricilərinə görə təkcə MDB və region ölkələrindən deyil, həmçinin inkişaf etmiş və inkişaf etməkdə olan bəzi dövlətlərdən də irəlidədir.
Jurnalın açıqladığı reytinq siyahısında Avropa ölkələrindən Portuqaliya iqtisadiyyatı 35, Malta 36, Slovakiya 37, Yunanıstan isə 39 balla qiymətləndirilib. Dünyanın inkişaf etmiş ölkələrindən olan İspaniyanın iqtisadi göstəriciləri Azərbaycanla eyni səviyyədə qiymətləndirilib. İqtisadi göstəricilərinə görə ən yüksək qiymət-69 bal - ümumi siyahıda 79 balla ikinci yerdə olan İsveçrəyə verilib. Maliyyə böhranının davam etdiyi 2009-cu ildə dünyanın əksər ölkələrindən fərqli olaraq Azərbaycanda ümumi daxili məhsulun həcmi 8-9 faiz artıb. Halbuki bir çox inkişaf etmiş ölkələrdə ötən il iqtisadi artım müşahidə olunmayıb. Azərbaycanın iqtisadi artım tempinə görə dünyada ilk sıralarda olduğu beynəlxalq təşkilatların hesablamalarında da öz əksini tapıb. Avropa İnkişaf və Yenidənqurma Bankının hesabatında qeyd olunub ki, Azərbaycan iqtisadi artım tempinə görə Avropa və Mərkəzi Asiya ölkələri arasında ilk üçlüyə daxildir.
Qeyd edək ki, “İnternational Living”in təqdim etdiyi ümumi siyahıya 80 balla Fransa başçılıq edir. ABŞ 78 balla üçüncüdür.

Paylaş:

Baxılıb: 1143 dəfə