Heydər Əliyev
yeni azerbaycan logo

Ana səhifə / İdman / Britaniyalı gimnastlar: Birinci Avropa Oyunları bizim üçün böyük təcrübə oldu

Britaniyalı gimnastlar: Birinci Avropa Oyunları bizim üçün böyük təcrübə oldu

23.06.2015 [09:27]

“Birinci Avropa Oyunları bizim üçün böyük təcrübə oldu. Azərbaycanın uğurla ev sahibliyi etdiyi bu Oyunlar Avropa idmanının inkişafına yeni bir töhfə verəcək”. Bunu AZƏRTAC-a müsahibəsində ilk Avropa Oyunlarında gimnastika yarışlarında iştirak edən Böyük Britaniyanın akrobatlardan ibarət qadın qrupunun üzvü Cenifer Bailey deyib.
“İdmançının rahatlığı onun qələbəsində mühüm rol oynayır. Bu baxımdan Bakıda idmançılara yaradılan şərait, yarışların keçirildiyi arenalarda gördüyümüz yüksək təşkilatçılıq işləri ancaq alqışlana bilər”, - deyə C.Bailey vurğulayıb.
Qrupun digər üzvü Jozefina Russel isə Avropa Oyunlarının onun karyerası üçün əhəmiyyətini və burada iştirakından məmnun qaldığını diqqətə çatdıraraq deyib: “Bakıya Avropanın ən güclü atletləri gəliblər. Gərgin mübarizə gedir. Buna baxmayaraq, medal qazanmağa iddialıyıq”.
O, Bakının gecələrindən xüsusi zövq aldığını, imkan tapan kimi şəhərlə daha yaxından tanış olacağını qeyd edib.
Sisli İrvin də komanda yoldaşlarının fikirləri ilə şərik olduğunu bildirərək Avropa Oyunlarının onlar üçün böyük bir təcrübə olduğunu vurğulayıb.
“Hələ şəhərinizi gəzməyə imkan tapmamışıq. Ancaq fürsət düşən kimi paytaxtınızla daha yaxından tanış olacağıq. Burada olduğumuz müddətdə bizə göstərilən qonaqpərvərliyi heç bir yerdə görməmişik”, - deyə o bildirib.

 
Paylaş:
Baxılıb: 880 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30