Dövlət Miqrasiya Xidməti ilə Beynəlxalq Miqrasiya Təşkilatı arasında əməkdaşlığın perspektivləri müzakirə edilib

Bakı:

13 °C

54 %

13 m/s

AZ RU EN

Ana səhifə / İqtisadiyyat / Dövlət Miqrasiya Xidməti ilə Beynəlxalq Miqrasiya Təşkilatı arasında əməkdaşlığın perspektivləri müzakirə edilib

Dövlət Miqrasiya Xidməti ilə Beynəlxalq Miqrasiya Təşkilatı arasında əməkdaşlığın perspektivləri müzakirə edilib

04.05.2018 [10:21]

Dövlət Miqrasiya Xidmətinin (DMX) inzibati binasında Xidmət rəisi Vüsal Hüseynov Beynəlxalq Miqrasiya Təşkilatının (BMqT) Azərbaycandakı nümayəndəliyinin rəhbəri Serhan Aktoprak ilə görüşüb.
DMX-dən AZƏRTAC-a bildiriblər ki, görüşün məqsədi DMX ilə BMqT arasında əməkdaşlığın perspektivlərinin müzakirəsi olub.
Əvvəlcə Serhan Aktoprak Vüsal Hüseynovu yeni təyinatı münasibətilə təbrik edib və ona uğurlar arzulayıb.
Vüsal Hüseynov qonağa təşəkkürünü bildirərək Azərbaycanın qapısı olan Xidmətin qarşısında duran vəzifələrin icrası istiqamətində müəyyənləşdirilmiş strategiyaya uyğun olaraq planlaşdırılan və tərəfdaş beynəlxalq qurum olan BMqT ilə münasibətlərin daha da dərinləşdirilməsinin zərurətinə toxunub. V.Hüseynov Xidmətin fəaliyyətinin bütün istiqamətlərinin ən mütərəqqi beynəlxalq təcrübəyə uyğun olaraq təkmilləşdirilməsi, şəffaflığın tam təmin edilməsi ilə bağlı konkret əməli addımların atılacağını açıqlayıb. O, humanist və nizamlı miqrasiyanın miqrantlar, habelə cəmiyyət üçün faydalılığından söhbət açıb.
Söhbət zamanı respublikamızın miqrasiya sahəsində çətinliklərlə üzləşmək ehtimalının əvvəlcədən müəyyənləşdirilərək qarşısının alınmasının vacibliyi vurğulanıb. Bildirilib ki, miqrasiya qanunvericiliyində bu sahə üzrə məsələlər tam şəkildə əksini tapıb.
Görüşdə “Dövlət Miqrasiya Xidməti ilə Beynəlxalq Miqrasiya Təşkilatı arasında Azərbaycandan miqrantların könüllü qayıdışına yardım üzrə pilot layihənin həyata keçirilməsinə dair Əməkdaşlıq Sazişi”nin icrası ilə bağlı məsələlər barədə geniş fikir mübadiləsi aparılıb.
Xidmət rəisi Dövlət Miqrasiya Xidmətinin və Beynəlxalq Miqrasiya Təşkilatının ümumi maraq kəsb edən məsələlər üzrə müsbət və konstruktiv əlaqələrindən danışıb.
Qeyd edib ki, hazırda, təşkilatla əməkdaşlıq şəraitində dörd beynəlxalq layihə həyata keçirilməkdədir. Bunlar “Azərbaycanda miqrasiya və sərhəd idarəçiliyi üzrə potensialların gücləndirilməsi”, “Azərbaycanda insan alverinə qarşı mübarizə üzrə potensialların gücləndirilməsi”, “Azərbaycanda potensialların artırılması və texniki dəstək vasitəsilə insan alverinə qarşı mübarizənin səmərəliliyi üçün əməkdaşlığın gücləndirilməsi - VI faza” və “Azərbaycandan miqrantların könüllü qayıdışına yardım üzrə pilot layihə”sidir.
BMqT-nin ölkəmizdəki nümayəndəliyinin rəhbəri Serhan Aktoprak Azərbaycanın müvafiq dövlət qurumları, xüsusən DMX ilə səmərəli əməkdaşlıqdan təmsil etdiyi təşkilatın məmnunluğunu ifadə edib. Bildirib ki, Azərbaycanda miqrasiya sahəsi üzrə məşğul olan dövlət qurumları çox diqqətli və proqressiv iş görür.
Görüşdə qarşılıqlı maraq doğuran digər məsələlər barədə fikir mübadiləsi aparılıb.

Paylaş:

Baxılıb: 883 dəfə