“Mədəniyyətlərarası əlaqələrdə incəsənət və irsin rolu”

Bakı:

26 °C

52 %

3 m/s

Əlaqə

AZ RU EN

Ana səhifə / Mədəniyyət / “Mədəniyyətlərarası əlaqələrdə incəsənət və irsin rolu”

“Mədəniyyətlərarası əlaqələrdə incəsənət və irsin rolu”

20.05.2015 [09:50]

Xəbər verdiyimiz kimi, rəsmi açılış mərasimindən sonra Üçüncü Ümumdünya Mədəniyyətlərarası Dialoq Forumu öz işini plenar iclaslarda və seminarlarda davam etdirib.
AZƏRTAC xəbər verir ki, mədəniyyət və turizm nazirinin müavini Sevda Məmmədəliyeva Gürcüstan Milli Muzeyinin baş direktoru, professor David Lordkipanidzenin moderatorluğu ilə keçən “Mədəniyyətlərarası əlaqələrdə incəsənət və irsin rolu” mövzusunda seminarı açaraq bildirib ki, xalqımızın çoxəsrlik tolerantlıq, dinc yanaşı yaşamaq mədəniyyəti sivilizasiyalar arasında münasibətlərin tənzimlənməsinə və inkişafına nümunə gətirilir. Sevda Məmmədəliyeva xatırladıb ki, Azərbaycan Prezidenti İlham Əliyev Avropa və qonşu regionların mədəniyyət nazirlərinin 2008-ci il dekabrın 2-3-də Bakıda keçirilən konfransındakı nitqində müxtəlif mədəniyyətlər və sivilizasiyalar arasında dialoqun inkişaf etdirilməsini nəzərdə tutan “Bakı prosesi” təşəbbüsünü irəli sürüb. Bir qədər sonra - 2009-cu il oktyabrın 13-15-də Bakıda bu mövzuda keçirilən digər nüfuzlu beynəlxalq forumda - İslam Konfransı Təşkilatına üzv dövlətlərin Mədəniyyət Nazirlərinin VI Konfransı çərçivəsində baş tutan “Mədəniyyətlərarası dialoq” mövzusunda “ dəyirmi masa”da “Bakı Prosesi -sivilizasiyalar arasında dialoqa yeni çağırış” adlı rəsmi sənəd qəbul edilib. Hazırda “Bakı prosesi” mədəniyyətlərarası və sivilizasiyalararası dialoq, multikulturalizm məsələlərini ehtiva edir.
Gürcüstan Milli Muzeyinin baş direktoru, professor David Lordkipanidze, İRSİKA-nın baş direktoru Halit Eren, Bakıda Avropa Şurası ofisinin rəhbəri Draqana Filipoviç, Avstraliyanın “Cultural Infusion - School Incursions, Workshops & Events” təşkilatının nümayəndəsi Piter Musaferiadis, Hindistanın Milli İncəsənət Mərkəzinin böyük elmi işçisi Kişor Kumar Tripati, Romualdo del Bianko Fondunun vitse-prezidenti Karlotta del Byanko, “Task Force”un keçmiş üzvü Katerina Stenu, “Qarabağ” Fondunun icraçı direktoru Diana Altman və Yunanıstanın mədəniyyət nazirinin keçmiş müavini Angela Gereku bildiriblər ki, müasir, dəyişən və qloballaşan dünyada mədəniyyətin təsiri daim artır və bu da bütün dünya ictimaiyyətinə aydın olur.
Müasir mərhələdə qarşılıqlı beynəlxalq humanitar fəaliyyətin öz spesifikası olan mühüm aspektlərindən biri, heç şübhəsiz, beynəlxalq muzey əlaqələridir. Muzey əməkdaşlığı sahəsində dialoqun beynəlxalq aləmdə dövlətin müsbət obrazının formalaşmasına, dəstəklənməsinə və möhkəmlənməsinə böyük təsiri var. Təsadüfi deyildir ki, muzeylər səviyyəsində beynəlxalq ünsiyyətin əhəmiyyəti dünya ölkələrinin əksəriyyətinin xarici siyasətində əks olunub. Onlar muzey əməkdaşlığını bu siyasətin prioritet istiqamətlərinə çeviriblər. Beynəlxalq əlaqələrin bu istiqaməti qarşılıqlı nüfuzetməyə, bundan çıxış edərək, dünya xalqlarının qarşılıqlı mədəni əlaqələrinin zənginləşməsinə, beynəlxalq mədəni münasibətlərin fəallaşmasına, dünyada mədəni müxtəlifliyin qorunub saxlanmasına, müxtəlif ölkələrin insanlarının mədəniyyət vasitəsilə birləşməsinə kömək edir.

Paylaş:

Baxılıb: 1117 dəfə