Heydər Əliyev
yeni azerbaycan logo

Ana səhifə / Siyasət / Van şəhərində Azərbaycan, Türkiyə və İran xarici işlər nazirlərinin üçtərəfli toplantısı keçirilib

Van şəhərində Azərbaycan, Türkiyə və İran xarici işlər nazirlərinin üçtərəfli toplantısı keçirilib

15.03.2014 [10:45]

Martın 14-də Türkiyənin Van şəhərində Azərbaycanın, Türkiyənin və İranın xarici işlər nazirləri Elmar Məmmədyarovun, Əhməd Davudoğlunun və Məhəmməd Cavad Zərifin iştirakı ilə üçtərəfli toplantı keçirilib.  
Xarici İşlər Nazirliyinin mətbuat xidmətindən AzərTAc-a bildirilib ki, toplantıda beynəlxalq və regional məsələlər müzakirə edilib, regional əməkdaşlığa dair fikir mübadiləsi aparılıb. Növbəti toplantının İranda keçirilməsi barədə qərar qəbul olunub.
Görüşdən sonra nazirlər birgə mətbuat konfransı keçiriblər.
Əhməd Davudoğlu ölkələrimiz arasında əlaqələrin hər zaman dostluq, qardaşlıq, iqtisadi və mədəni inkişaf istiqamətində irəliləməsini arzu etdiklərini söyləyib.  
Elmar Məmmədyarov bildirib ki, toplantıda 2014-2016-cı illər üçün fəaliyyət planı qəbul edilib. Bununla yanaşı, Dağlıq Qarabağ münaqişəsi ilə bağlı fikir mübadiləsi aparılıb.
Məhəmməd Cavad Zərif 2014-2016-cı illər üçün fəaliyyət planının həyata keçirilməsinin bütövlükdə regionun inkişafı üçün faydalı olacağını qeyd edib.
Mətbuat konfransında hər üç ölkənin heç bir etnik və məzhəb ayrı-seçkiliyi olmadan regionun sülh, əmin-amanlıq və rifah bölgəsi olması məsələsində güclü iradəyə malik olduğu bildirilib.

Paylaş:
Baxılıb: 941 dəfə

Xəbər lenti

Hamısına bax

Dünya

YAP xəbərləri

İqtisadiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31