Heydər Əliyev
yeni azerbaycan logo

Ana səhifə / Siyasət / Azərbaycanın müdafiə naziri İranda bir sıra görüşlər keçirib

Azərbaycanın müdafiə naziri İranda bir sıra görüşlər keçirib

16.04.2014 [09:25]

İranın müdafiə və Silahlı Qüvvələrə dəstək naziri Hüseyn Dehqanın dəvəti ilə Tehranda rəsmi səfərdə olan Azərbaycanın müdafiə naziri, general-polkovnik Zakir Həsənovun başçılıq etdiyi nümayəndə heyəti bu ölkənin vitse-prezidenti İshaq Cahangiri ilə görüşüb.
Görüşdə İ.Cahangiri deyib ki, Azərbaycan Prezidenti İlham Əliyevin ötən həftə Tehrana rəsmi səfəri ikitərəfli əlaqələrin inkişafında yeni mərhələnin başlanğıcı olub. İran istəyir ki, qonşuluqda ortaq tarixi, mədəni və dini dəyərləri paylaşan Azərbaycan kimi güclü dövlət olsun. Hər iki dövlət iqtisadi və ticarət əlaqələrini gücləndirmək əzmindədir. Prezidentlər İlham Əliyevin və Həsən Ruhaninin iştirakı ilə imzalanmış sənədlər bu prosesə böyük təkan verəcək.
General-polkovnik Z.Həsənov bildirib ki, əlaqələrimizin bütün istiqamətlərdə, o cümlədən təhlükəsizlik sahəsində inkişafı hər iki ölkənin maraqlarına cavab verir.
Həmin gün Azərbaycanın müdafiə nazirinin başçılıq etdiyi nümayəndə heyəti İran Silahlı Qüvvələrinin baş qərargah rəisi, general-mayor Həsən Firuzobadi ilə görüşüb.
Görüşdə İran ilə Azərbaycan arasında təhlükəsizlik məsələlərinə dair fikir mübadiləsi aparılıb.
Azərbaycanın İrandakı səfiri Cavanşir Axundov görüşlərdə iştirak edib.
Müdafiə naziri, general-polkovnik Zakir Həsənovun başçılıq etdiyi nümayəndə heyətinin Tehrana səfəri aprelin 15-də başa çatıb.

Paylaş:
Baxılıb: 782 dəfə

Xəbər lenti

Hamısına bax

Mədəniyyət

Dünya

YAP xəbərləri

İqtisadiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31