“Rossiya-1-Astraxan” kanalında Heydər Əliyev Fondunun 10 illik yubileyinin Həştərxanda bayram edilməsinə hazırlıq işlərinə həsr olunmuş süjet göstərilib

Bakı:

24 °C

41 %

3 m/s

AZ RU EN

Ana səhifə / Siyasət / “Rossiya-1-Astraxan” kanalında Heydər Əliyev Fondunun 10 illik yubileyinin Həştərxanda bayram edilməsinə hazırlıq işlərinə həsr olunmuş süjet göstərilib

“Rossiya-1-Astraxan” kanalında Heydər Əliyev Fondunun 10 illik yubileyinin Həştərxanda bayram edilməsinə hazırlıq işlərinə həsr olunmuş süjet göstərilib

18.04.2014 [10:41]

“Rossiya-1-Astraxan” kanalında Heydər Əliyev Fondunun 10 illik yubileyinin Həştərxanda bayram edilməsinə hazırlıq işlərinə həsr olunmuş süjet göstərilib.
Tatyana Kidyarovanın süjetində deyilir ki, Azərbaycan tərəfinin dəstəyi ilə vilayət mərkəzində Privoljskaya körfəzinin sahili abadlaşdırılıb, müqəddəs Knyaz Vladimirin abidəsinin açılışı olub, uşaq şəhərciyi tikilib və hazırda Azərbaycan xalqının Ümummilli lideri Heydər Əliyevin adını daşıyan 11 nömrəli orta məktəb bərpa edilib.
Həştərxan Kremli və Qız Qalası. Əbədi rəmzlər. Həştərxanı və Bakını həmişəlik birləşdirən dostluq körpüsünün sürahilərindəki ornamentlərdə bu rəmzlər təsvir olunub. Uzunluğu 50 metr olan körpü Heydər Əliyev adına bağçadan Anatoli Qujvin prospektinə qədər uzanır. Müasirlərimiz deyirlər: “Həştərxanda əsas dəyər - tarixən Xəzər dənizi sahillərində yaşayan çoxsaylı xalqlar arasında mehriban münasibətlər möhkəmlənmişdir”.
Heydər Əliyev Fondunun dəstəyi ilə tikilmiş dostluq körpüsü bir neçə il ərzində siması tamamilə dəyişmiş Privolskaya körfəzinin sahilində gözəl harmoniya yaradıb. Açılışı lap bu yaxınlarda olmuş müqəddəs Knyaz Vladimirin heykəli, uşaq şəhərciyi və əlbəttə, Azərbaycan xalqının Ümummilli liderinin tunc abidəsinin ucaldığı park vahid ansambl təşkil edir. Bu park yaşından, millətindən və dinindən asılı olmayaraq insanların daimi görüş yerinə çevrilib.
Dəfələrlə Bakıda olmuş və tez-tez Heydər Əliyev adına parkda istirahət edən Həştərxan sakini Vasili Nefedov deyib: “O, çox gözəl insan idi. Mən Onun oğlunu - Azərbaycan Prezidentini də tanıyıram. Azərbaycan xalqı adından edilən hər şey gözəldir”.
Ulu öndərin şərəfinə adlandırılmış 11 nömrəli Həştərxan məktəbinin şagirdləri də Heydər Əliyev Fondunun 10 illiyi münasibətilə tədbirlər barədə məlumatlıdırlar. Onlar regionun strateji tərəfdaşı olan Azərbaycan ilə münasibətlərin inkişafı ilə bağlı hər şeyə böyük maraq göstərirlər. Regionun beynəlxalq və xarici iqtisadi əlaqələr naziri Denis Afanasyev yuxarı sinif şagirdlərinə regional hakimiyyətin planlarından danışır: “Xəzərin sahilindəki paytaxt şəhəri və Azərbaycan arasında tezliklə bərə nəqliyyatı işə salınacaqdır. Artıq bu il Həştərxanda yeni uşaq bağçası istifadəyə veriləcəkdir”.
Nazir əlavə edib ki, Xəzərin sahilindəki dost ölkənin bu hədiyyəsi regionun vacib problemlərinin həlli istiqamətində atılan daha bir addımdır. Bir il əvvəl Həştərxan tərəfindən Bakıda Dostluq parkının açıldığını bildirən D.Afanasyev deyib: “Bilirəm ki, bu yerlər insanların sevimli istirahət guşəsinə çevrilmişdir”.
Heydər Əliyev Fondunun 10 illik yubileyinin bayram edilməsinin kulminasiyası may ayında olacaq. Azərbaycan Respublikasından Xəzərin sahilindəki şəhərə rəsmi nümayəndə heyəti gələcək. Denis Afanasyev bildirib ki, qonaqlar neçə illərdən sonra bərpa olunmuş birinci aviareyslə gələcəklər.

Paylaş:

Baxılıb: 810 dəfə