Dördüncü çağırış Milli Məclisin növbəti iclası keçirilib

Bakı:

25 °C

53 %

3 m/s

Əlaqə

AZ RU EN

Ana səhifə / Siyasət / Dördüncü çağırış Milli Məclisin növbəti iclası keçirilib

Dördüncü çağırış Milli Məclisin növbəti iclası keçirilib

08.12.2010 [10:05]

Dünən dördüncü çağırış Milli Məclisin növbəti iclası keçirilib. AzərTAc xəbər verir ki, iclasda Mərkəzi Seçki Komissiyasının sədri, müavini, üzvləri və MSK Aparatının işçiləri də iştirak ediblər.
Milli Məclisin sədri Oqtay Əsədov bildirib ki, Prezident İlham Əliyevin rəhbərliyi altında həyata keçirilmiş islahatlar, ölkəmizin demokratik inkişafı parlament seçkilərinin də azad və ədalətli keçirilməsinə münbit şərait yaradıb.
Dövlətimizin başçısının da qeyd etdiyi kimi, dördüncü çağırış Azərbaycan Respublikasının Milli Məclisi öz qanunvericilik fəaliyyətində ölkəmizin demokratik inkişafına əsaslı töhfələr verəcək.
O.Əsədov deputatlar adından parlament seçkilərinin yüksək səviyyədə keçirilməsinə görə MSK rəhbərliyinə və üzvlərinə minnətdarlığını bildirib.
Qeyd olunub ki, Azərbaycanın seçki tarixində ilk dəfə olaraq 2010-cu ilin parlament seçkilərində heç bir seçki dairəsində nəticələr ləğv edilməyib. Bu, bir daha onu göstərir ki, Azərbaycanda seçki təcrübəsi çox yüksək səviyyədədir.
Deputat vəsiqələrinin ilk dəfə olaraq 2005-ci ildə Milli Məclisdə deputatlara təqdim olunduğunu xatırladan O.Əsədov bu ənənənin davam etdirildiyini bildirib.
İclasda çıxış edən MSK-nın sədri Məzahir Pənahov dördüncü çağırış Milli Məclisin ölkəmizin inkişafına töhfə verəcəyinə əminliyini ifadə edib. O deyib ki, demokratik prinsiplər əsasında şəffaf və ədalətli seçkilərin keçirilməsi üçün ən əsas məqamlardan biri dövlətimizin başçısının siyasi iradəsidir. Bütün dünyada artıq özünə vətəndaşlıq qazanmış bu amil seçkilərin keçirilməsində mühüm rol oynayır. İstənilən ölkədə demokratik seçkilərin keçirilməsi üçün orada ölkə rəhbərliyinin siyasi iradəsi olmalıdır. MSK sədri ardıcıl olaraq nümayiş etdirdiyi siyasi iradəyə görə, Prezident İlham Əliyevə minnətdarlığını bildirib.
Parlamentin işinə uğurlar arzulayan Məzahir Pənahov əmin olduğunu bildirib ki, dördüncü çağırış Milli Məclis də Azərbaycan xalqına layiqincə xidmət edəcək.
M.Pənahov Milli Məclisin sədri Oqtay Əsədova, sədrin birinci müavini Ziyafət Əsgərova, müavinlər Bahar Muradovaya, Valeh Ələsgərova və seçki dairələrinin ardıcıllığı ilə deputatlara deputat vəsiqələrini təqdim edib.
Sonra gündəlikdəki məsələlərə baxılıb.
Əvvəlcə, Milli Məclisin intizam komissiyası təşkil olunub. Sonra Milli Məclisin komitələrinin sədr müavinləri və komitələrin üzvləri seçiliblər.
Bununla yanaşı İntizam Komissiyasının sədrinin seçilməsi məsələsinə baxılıb. Millət vəkili Siyavuş Novruzov komissiyanın sədri seçilib. Millət vəkilləri Gülər Əhmədova, Fəttah Heydərov, Mirkazım Kazımov, Səttar Mehbalıyev, Fazil Mustafa, Sədaqət Vəliyeva isə komissiyanın üzvü seçiliblər.
Bununla da, Milli Məclisin iclası başa çatıb.

Paylaş:

Baxılıb: 1106 dəfə