Mübariz Qurbanlı: Oğuz-Qəbələ-Bakı su kəmərinin istifadəyə verilməsi siyasi, iqtisadi və sosial baxımdan mühüm əhəmiyyət kəsb edən hadisədir

Bakı:

16°C

72%

5m/s

AZ RU EN

Ana səhifə / Siyasət / Mübariz Qurbanlı: Oğuz-Qəbələ-Bakı su kəmərinin istifadəyə verilməsi siyasi, iqtisadi və sosial baxımdan mühüm əhəmiyyət kəsb edən hadisədir

Mübariz Qurbanlı: Oğuz-Qəbələ-Bakı su kəmərinin istifadəyə verilməsi siyasi, iqtisadi və sosial baxımdan mühüm əhəmiyyət kəsb edən hadisədir

30.12.2010 [10:06]

“Oğuz-Qəbələ-Bakı su kəmərinin istifadəyə verilməsi siyasi, iqtisadi və sosial baxımdan mühüm əhəmiyyət kəsb edən hadisədir. Bu fakt onu göstərir ki, Prezident İlham Əliyevin Azərbaycanı zəngin, güclü və qüdrətli dövlətə çevirmək siyasəti uğurla davam edir. Belə layihələr gələcəkdə də həyata keçiriləcək və görülən bu işlərin kökündə xalqa və vətənə xidmət dayanır”. Bu fikirləri yap.org.az saytına açıqlamasında YAP İcra katibinin müavini, Milli Məclisin deputatı Mübariz Qurbanlı deyib.
M.Qurbanlı bu hadisənin siyasi əhəmiyyətinə toxunarkən bildirib ki, həmin su kəmərinin istifadəyə verilməsi Azərbaycanın bölgədə artan nüfuzunu və ölkəmizin müstəqil olaraq istənilən layihəni həyata keçirmək qabiliyyətinə malik olduğunu nümayiş etdirdi. Onun fikrincə, Azərbaycan dövləti bir daha göstərdi ki, sözün həqiqi mənasında Cənubi Qafqazda lider dövlətdir və ölkəmizin iqtisadi potensialı bu bölgədə həyata keçirilən infrastruktur layihələrində önəmli rol oynayır.
“Hesab edirəm ki, belə bir böyük layihənin müstəqil olaraq həyata keçirilməsi Azərbaycanın beynəlxalq miqyasdakı imicinə də müsbət təsir göstərəcək. Məsələnin iqtisadi tərəfinə gəldikdə, Bakı şəhəri Azərbaycanın paytaxtı olaraq böyük sənaye şəhəridir və şəhərdə əhalinin içməli su ilə təmin olunması, Bakının digər infrastruktur layihələrinin həyata keçirilməsi onun iqtisadi potensialının daha da artmasına müsbət təsir göstərir. Bu layihə nəticə etibarilə iqtisadi baxımdan əhəmiyyət kəsb edir” - deyə YAP İcra katibinin müavini vurğulayıb.
M.Qurbanlı Oğuz-Qəbələ-Bakı su kəmərinin sosial baxımdan da ciddi əhəmiyyətə malik olduğunu qeyd edib. Onun sözlərinə görə, kəmərin istifadəyə verilməsi ilə Bakı şəhər sakilərinin su ilə təchizatında əsaslı dönüş yaranacaq. “Məlumdur ki, Bakı şəhəri, bütövlükdə Abşeron yarımadasında həmişə içməli su təminatı ilə bağlı müəyyən çətinliklər olub. Zamanında bu əraziyə müxtəlif yollarla içməli su xətləri çəkilib. 1970-ci illərdə Ulu öndər Heydər Əliyevin birbaşa təşəbbüsü ilə Kür çayından böyük su kəməri Bakıya çəkilib. O dövrdə bu hadisə Bakının su təminatını həll edirdi. Lakin sonradan şəhərin inkişafı, əhalinin artması içməli suya ehtiyacı daha da artırdı. Bu gün isə Prezident İlham Əliyevin həyata keçirdiyi siyasət nəticəsində Bakıya yeni su kəmərinin çəkilməsi əhalinin içməli su ilə təminatına, şəhərin sosial infrastrukturunun daha da yaxşılaşdırılmasına çox ciddi təsir göstərəcək” - deyə o, bildirib.
Mübariz Qurbanlı bu yöndə qanun layihəsinin hazırlanmasını, müzakirələrə çıxarılmasını və qəbul olunmasını vacib saydığını bildirib.

Paylaş:

Baxılıb: 867 dəfə