Xocalı soyqırımının 22-ci ildönümü ilə bağlı Binəqədi rayonunda silsilə tədbirlər keçirilib

Bakı:

28 °C

61 %

8 m/s

Əlaqə

AZ RU EN

Ana səhifə / Sosial / Xocalı soyqırımının 22-ci ildönümü ilə bağlı Binəqədi rayonunda silsilə tədbirlər keçirilib

Xocalı soyqırımının 22-ci ildönümü ilə bağlı Binəqədi rayonunda silsilə tədbirlər keçirilib

27.02.2014 [09:04]

Xocalı soyqırımının 22-ci il ildönümü ilə bağlı Binəqədi rayonunda silsilə tədbirlər keçirilib. Belə tədbirlərdən biri rayonun 135 saylı tam orta məktəbdə baş tutub. Tədbir çərçivəsində öncə, Milli Qəhrəmanları Tanıtma İctimai Birliyinin təşkil etdiyi XX əsrin əvvəllərindən etibarən, erməni qəsbkarlarının Azərbaycan xalqına qarşı törətdiyi qırğın və qətliamları, o cümlədən, Xocalı həqiqətlərini əks etdirən fotosərgiyə, eləcə də, Binəqədi rayon İcra Hakimiyyəti ilə rayonun Gənclər və İdman İdarəsinin “Xocalı Qan Yaddaşımız” mövzusunda rayon məktəbliləri arasında keçirdiyi rəsm müsabiqəsi iştirakçılarının əl işlərindən ibarət sərgiyə baxış olub. Sonra məktəbin akt zalında Binəqədi rayon Mədəniyyət Evinin təşkil etdiyi və şagirdlərin ifasında təqdim olunan bədii kompozisiya nümayiş etdirilib.
Anım tədbirində çıxış edən Binəqədi rayon İcra Hakimiyyəti başçısının müavini Aygün Əliyeva Xocalı faciəsinin milli mənsubiyyətinə görə bir topluma qarşı törədilmiş soyqırımı olduğunu bildirib. Vurğulanıb ki, bu gün Azərbaycanın müstəqil, suveren dövlət kimi regional və beynəlxalq miqyasda böyük uğurlara imza ataraq tərəqqi edən ölkələr sırasında yer alması belə qəsdlərin xalqımızın əzmini qıra bilmədiyinin göstəricisidir.
Daha sonra Xocalı soyqırımının canlı şahidi, erməni vəhşiliyini öz gözləri ilə görmüş Sahil Həsənov insanlıq əleyhinə yönəlmiş bu cinayət barədə acı xatirələrini tədbir iştirakçıları ilə bölüşüb.
Milli Qəhrəmanları Tanıtma İctimai Birliyinin sədri Elşən Uluxanlının çıxışından sonra tədbir Binəqədi rayon Gənclər və İdman İdarəsinin keçirdiyi rəsm və inşa müsabiqələrinin qaliblərinin fəxri fərmanlarla təltif olunması ilə yekunlaşıb.
Bundan başqa, Binəqədi rayonu Biləcəri qəsəbəsi Dəmiryolçuların Mədəniyyət Evində Azərbaycan Dövlət Akademik Milli Dram Teatrının ifasında tanınmış yazıçı, millət vəkili Hüseynbala Mirələmovun Xocalı soyqırımına həsr olunmuş “Xəcalət” pyesi əsasında səhnələşdirilmiş eyniadlı tamaşa nümayiş etdirilib. Tamaşa Binəqədi rayon İcra Hakimiyyətinin təşkilatçılığı ilə hazırlanıb.
Eyni zamanda, Binəqədi rayon İcra Hakimiyyəti tərəfindən Goradil bağlar massivində yerləşən 2 saylı Evtikmə Kombinatının istirahət zonasında məskunlaşmış Xocalıdan olan sakinlərlə görüş keçirilib. Görüş zamanı Xocalı soyqırımında şəhid olmuş insanların ailələrinə Binəqədi rayon İcra Hakimiyyəti başçısının adından başsağlığı verilib. Xocalıdan olan məcburi köçkünlər mütəmadi olaraq dövlət qayğısı ilə əhatə olunduqlarını qeyd edib, onlara göstərinən diqqət və qayğıya, maddi və mənəvi dəstəyə görə dövlət başçısı cənab İlham Əliyevə öz minnətdarlıqlarını bildiriblər. Sonda rayon İcra Hakimiyyəti tərəfindən Xocalıdan olan 150 şəhid və aztəminatlı ailəyə maddi və humanitar yardım göstərilib.

Paylaş:

Baxılıb: 1376 dəfə