Tovuz rayonunda da bələdiyyə seçkiləri yüksək standartlara uyğun, tam ədalətli və demokratik şəraitdə baş tutub

Bakı:

19°C

68%

4m/s

AZ RU EN

Ana səhifə / Sosial / Tovuz rayonunda da bələdiyyə seçkiləri yüksək standartlara uyğun, tam ədalətli və demokratik şəraitdə baş tutub

Tovuz rayonunda da bələdiyyə seçkiləri yüksək standartlara uyğun, tam ədalətli və demokratik şəraitdə baş tutub

24.12.2014 [09:35]

Tovuz rayonunda da bələdiyyə seçkiləri yüksək standartlara uyğun, tam ədalətli və demokratik şəraitdə baş tutub. Bunu seçkilərin gedişini izləyən müşahidəçilər və seçicilərin səsləndirdiyi fikirlər də təsdiq edir. Qeyd edək ki, Tovuz rayon ərazisində 3 dairə - 104 saylı Gədəbəy - Tovuz, 105 saylı Tovuz və 106 saylı Tovuz-Ağstafa-Qazax Seçki dairələri yerləşir.
105 saylı Tovuz Seçki Dairəsinin 4 saylı seçki məntəqəsinin sədri Nazim Hümbətov deyib ki, səsvermə prosesinə saat 08:00-da qutuların açılması ilə start verilib və seçkilərdə yüksək seçici fəallığı müşahidə edilməkdədir. O, bu məntəqə üzrə seçicilərin böyük həvəs və fəallıqla iştirakının təqdirəlayiq olduğunu söyləyib. Nazim Hümbətovun sözlərinə görə, seçicilərin azad və demokratik şəraitdə öz seçimlərini ifadə etməsi üçün hər cür şərait yaradılıb.
Komissiyanın katibi Rəşid Vəliyev də səsvermə prosesinin tam ədalətli və demokratik şəraitdə keçirildiyini, heç bir qanun pozuntusunun qeydə alınmadığını vurğulayıb. Onun sözlərinə görə, vətəndaşlar bələdiyyələrin fəaliyyəti və ümumiyyətlə, yerli özünüidarəetmə strukturlarının dövlətin inkişafındakı rolu haqqında daha çox məlumatlı olduğundan, prosesə ciddi maraq göstərirlər.
Komissiyanın üzvü Vəkil Abbasov da səsvermə prosesinin tam qanunvericiliyə uyğun şəkildə həyata keçirildiyini, prosesə hansısa qanunsuz müdaxilənin olmadığını, insanlara öz iradələrini ifadə etmək üçün hər cür şərait yaradıldığını vurğulayıb.
5 saylı məntəqə komissiyasının üzvü Qəzənfər Axundov da seçkilərin azad və demokratik şəraitdə baş tutduğunu vurğulayıb. Onun sözlərinə görə, bu seçkilərdə də yüksək seçici fəallığı müşahidə edilməkdədir. Müşahidəçilər Pakizə Xıdırova və Cavid Hacızadə seçkilərin gedişində heç bir qanun pozuntusuna rast gəlinmədiyini bildirib.
Seçicilər də yaradılan demokratik şəraitdən razılıqlarını bildiriblər. Onlar öz seçimlərinin səbəblərini də bizimlə bölüşüblər. Zaman Bayramov Azərbaycanda yüksək inkişaf siyasətinin həyata keçirilməsində Yeni Azərbaycan Partiyasının böyük rolu olduğunu vurğulayaraq bu seçkilərdə də YAP-ın namizədlərinə səs verdiyini söyləyib. Rafiq Musayev isə seçimini belə əsaslandırıb ki, YAP-ın irəli sürdüyü namizədlər əhali arasında hörmət və nüfuz sahibi olan, işgüzar insanlar olduqları üçün hakim partiyanın namizədlərinə səs verib.

Paylaş:

Baxılıb: 815 dəfə