Qubadlı ictimaiyyəti 31 mart - Azərbaycanlıların Soyqırımı Günü ilə bağlı tədbir keçirib

Bakı:

14 °C

82 %

8 m/s

Əlaqə

AZ RU EN

Ana səhifə / Sosial / Qubadlı ictimaiyyəti 31 mart - Azərbaycanlıların Soyqırımı Günü ilə bağlı tədbir keçirib

Qubadlı ictimaiyyəti 31 mart - Azərbaycanlıların Soyqırımı Günü ilə bağlı tədbir keçirib

31.03.2015 [10:05]

Qubadlı rayon İcra Hakimiyyəti və Yeni Azərbaycan Partiyası (YAP) Qubadlı rayon təşkilatının təşəbbüsü ilə rayon İcra Hakimiyyətinin (RİH) Sumqayıt şəhərində yerləşən inzibati binasında 31 mart - Azərbaycanlıların Soyqırımı Günü ilə bağlı tədbir keçirilib. Tədbiri giriş sözü ilə açan Qubadlı rayon İcra Hakimiyyətinin başçısı Malik İsaqov 1918-ci ilin martında baş verən hadisələr haqqında geniş məlumat verib. İcra Hakimiyyətinin başçısı bildirib ki, həmin hadisələr, əslində bolşeviklərin daşnaklarla birlikdə azərbaycanlılara qarşı həyata keçirdikləri milli qırğın siyasəti idi. 1918-ci ili mart-aprel aylarında Bakı, Şamaxı, Quba, Lənkəran, o cümlədən, Qərbi Azərbaycanda həyata keçirilən bu soyqırımı nəticəsində erməni terrorçuları on minlərlə günahsız azərbaycanlını qətlə yetirib, öz dədə-baba yurdlarından didərgin salıblar.
Daha sonra RİH-nin məsul işçisi Məhəmməd Həsənov “Soyqırım: Qubadlı bölgəsində erməni vəhşilikləri”, Yuxarı Mollu kənd tam orta məktəbinin müəllimi Vahid Quliyev “1920-ci il aprel işğalına qədər ermənilərin Azərbaycan xalqına qarşı törətdikləri soyqırımlar”, Xıdırlı kənd tam orta məktəbinin tarix müəllimi Savalan İmanov “Azərbaycanlılara qarşı represiya və deportasiya aktlarının həyata keçirilməsi və ya soyqırımın yeni adı” və Zilanlı kənd tam orta məktəbinin müəllimi Ayna Həsənova “XX əsrin 80-ci illərin sonları 90-cı illərin əvvəllərində Azərbaycanın ərazi bütövlüyünə soyqırımla müşahidə olunan yeni qəsdlər” mövzularında məruzələrlə çıxış ediblər. Məruzəçilər diqqəti 1918-ci ilin martında ermənilərin xalqımıza qarşı törətdikləri soyqırımına yönəldərək bildiriblər ki, Azərbaycan xalqı baş verənləri unutmamalıdır. Qeyd edilib ki, xalqımızın Ümummilli lideri Heydər Əliyev tərəfindən imzalanmış “1948-1953-cü illərdə azərbaycanlıların Ermənistan SSR ərazisindəki tarixi-etnik torpaqlarından kütləvi surətdə deportasiyası haqqında” 18 dekabr 1997-ci il tarixli və “Azərbaycanlıların soyqırımı haqqında” 26 mart 1998-ci il tarixli fərmanlar hər birimiz üçün aktuallığını heç zaman itirməyən fəaliyyət proqramıdır. O da vurğulanıb ki, Azərbaycan həqiqətlərinin dünya ictimaiyyətinə çatdırılması istiqamətində Prezident İlham Əliyev tərəfindən ardıcıl və prinsipial siyasət həyata keçirilir.
Pərviz SADAYOĞLU

Paylaş:

Baxılıb: 870 dəfə