Heydər Əliyev
yeni azerbaycan logo

Ana səhifə / Sosial / “Azərsu” ASC-nin 4 müəssisəsi müsabiqənin qalibi olub

“Azərsu” ASC-nin 4 müəssisəsi müsabiqənin qalibi olub

29.04.2015 [10:12]

28 aprel - Ümumdünya əməyin mühafizəsi günü münasibəti ilə Azərbaycan Həmkarlar İttifaqları Konfederasiyası (AHİK) tərəfindən keçirilən “Sağlam və təhlükəsiz əmək şəraitinin yaradılması üzrə ilin ən yaxşı müəssisəsi (təşkilatı)” Respublika müsabiqəsi yekunlaşıb. Aprelin 27-də AHİK-də qaliblərin mükafatlandırılması mərasimi keçirilib.
AHİK-in sədri, millət vəkili Səttar Mehbalıyev çıxış edərək bildirib ki, müsabiqədə respublika üzrə müxtəlif fəaliyyət sahələrini təmsil edən 1650-dən çox müəssisə və təşkilat iştirak edib. Müsabiqə komissiyası tərəfindən 135-dən çox müəssisənin namizədliyi İcraiyyə Komitəsinin müzakirəsinə çıxarılıb. 20 sahə həmkarlar ittifaqını təmsil edən 39 müəssisə və təşkilat daim yüksək göstəricilərə nail olduğuna görə müsabiqənin qalibi elan olunub.
“Sağlam və təhlükəsiz əmək şəraitinin yaradılması üzrə ilin ən yaxşı müəssisəsi” Respublika müsabiqəsində “Azərsu” Açıq Səhmdar Cəmiyyətinin 4 müəssisəsi - Nəqliyyat və Xüsusi Texnika İdarəsi, “Sutikinti” Müəssisəsi, “Ceyranbatan Su kəmərləri” İdarəsi, “Oğuz-Qəbələ-Bakı Su kəməri” idarəsi də 39 təşkilat sırasında olub. Həmin müəssisələrdə işçilərin fərdi mühafizə vasitələri ilə təminatı, normal iş şəraitinin yaradılması, təhlükəsizlik qaydalarına əməl edilməsi, istehsalatda bədbəxt hadisələrin baş verməməsi, əmək münasibətləri sahəsində qanunvericiliyə əməl olunması sahəsindəki işlər yüksək qiymətləndirilib.
Tədbirin sonunda müsabiqənin qaliblərinə AHİK-in diplomları və qiymətli hədiyyələr təqdim olunub.

Paylaş:
Baxılıb: 726 dəfə

Xəbər lenti

Hamısına bax

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30