Azərbaycan dövlətinin növbəti humanist addımı

Bakı:

21 °C

73 %

4 m/s

Əlaqə

AZ RU EN

Ana səhifə / Sosial / Azərbaycan dövlətinin növbəti humanist addımı

Azərbaycan dövlətinin növbəti humanist addımı

07.05.2021 [08:32]

Məlum olduğu kimi, Azərbaycan Prezidenti İlham Əliyevin növbəti dəfə humanizm nümayiş etdirməsinin nəticəsi olaraq bu günlərdə daha üç erməni hərbçi Ermənistana qaytarılıb. Ermənistan isə hələ də minalanmış ərazilərin xəritələrini təqdim etməməklə müharibə cinayətlərini davam etdirir. Eyni zamanda, Birinci Qarabağ müharibəsində itkin düşmüş 4 min azərbaycanlı haqqında bilgi verməkdən yayınır.
Məsələyə münasibət bildirən Milli Məclisin deputatı, Yeni Azərbaycan Partiyası Nizami rayon təşkilatının sədri Sədaqət Vəliyeva deyib ki, Azərbaycan indiyə qədər də humanistlik nümayiş etdirərək, xeyli mülki ermənini və hərbçini qarşı tərəfə qaytarıb: “Ermənistan isə bunun əksinə olaraq, Birinci Qarabağ müharibəsində itkin düşmüş 4 min nəfərə yaxın Azərbaycan vətəndaşı barədə informasiya verməkdən yayınır. Eyni zamanda, həmin dövrdə əsir götürülmüş Azərbaycan vətəndaşları barədə məlumatları da gizlədir”.
S.Vəliyeva onu əlavə edib ki, bu gün regionda uzunmüddətli sülhün, əməkdaşlığın və təhlükəsizliyin təmin olunması üçün real şərait yaransa da, qarşı tərəfin buna hazır olmadığı ortadadır: “Azərbaycan bu prosesə tam hazırdır. İndi növbə Ermənistanındır. Lakin Ermənistan faşizm və işğalçılıq niyyətindən əl çəkdiyini sübut etmək üçün, ilk növbədə, Birinci Qarabağ müharibəsi zamanı itkin düşmüş və əsir götürülmüş vətəndaşlarımız haqqında məlumatları Azərbaycan tərəfinə təqdim etməlidir”.
Milli Məclisin deputatı Anar Məmmədov isə deyib ki, atılan addım Azərbaycan dövlətinin daim humanizm prinsiplərindən çıxış etməsinin nəticəsidir: “Prezident İlham Əliyev üç erməni hərbçini Ermənistana qaytarmaqla ölkəmizdə təşəkkül tapmış humanizm ənənələrinə həssaslıqla yanaşdığını bir daha ortaya qoyub. Onu da qeyd edək ki, Azərbaycanda həmişə hərbi əsirlərə qarşı humanist münasibət göstərilib. Ölkəmizin humanist addımlarının qarşısında beynəlxalq humanitar hüquq çərçivəsində götürdüyü öhdəliklərə məhəl qoymayan Ermənistan isə torpaqlarımızı işğal altında saxladığı dövrdə hər yeri, hətta hərbi təyinatı olmayan əraziləri də minalayıb. Məqsəd mümkün qədər çoxlu sayda mülki şəxsin həlak olmasıdır ki, bu da ərazilərə sakinlərimizin qayıdışını çətinləşdirməyə, uzatmağa yönəlmiş cinayətdir. Üstəlik, işğaldan azad edilmiş ərazilərin mina xəritələrini verməkdən imtina edən Ermənistan müharibə cinayəti törədir”.
Qaşqay ZİYƏDDİNOĞLU

Paylaş:

Baxılıb: 776 dəfə