Həyata keçirilən siyasət ölkəmizin daha da güclənməsini təmin edib

Bakı:

17°C

77%

5m/s

Əlaqə

AZ RU EN

Ana səhifə / YAP xəbərləri / Həyata keçirilən siyasət ölkəmizin daha da güclənməsini təmin edib

Həyata keçirilən siyasət ölkəmizin daha da güclənməsini təmin edib

27.09.2013 [10:12]

YAP-ın prezidentliyə namizədi cənab İlham Əliyevin təbliğat-təşviqat kampaniyası çərçivəsində Ağcabədi rayonunda seçicilərlə görüşlər davam edir
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş İlham Əliyevin təbliğat-təşviqat kampaniyası çərçivəsində Ağcabədi rayonunda seçicilərlə görüşlər davam edir. Belə ki, sentyabrın 25-də rayonun Kürdlər, Minəxorlu və Sarvanlar, sentyabrın 26-da isə Yuxarı Qiyamədinli, Mirzəhaqverdili və Arazbar kəndlərində seçicilərlə görüşlər keçirilib.
Görüşləri giriş sözü ilə açan YAP Ağcabədi rayon təşkilatının sədri Rövşən Əhmədov deyib ki, cənab İlham Əliyevin rəhbərliyi ilə həyata keçirilən sosial-iqtisadi islahatlar nəticəsində Azərbaycanın hər bir guşəsi abadlaşır, gözəlləşir. Onun sözlərinə görə, regionların sosial-iqtisadi inkişafına dair Dövlət proqramlarının həyata keçirilməsi nəticəsində Azərbaycanın bütün bölgələri keyfiyyətcə yeni inkişaf erasını yaşamaqdadır. Rayon təşkilatının sədri deyib ki, bu proqramlar nəticəsində yeni müəssisələr işə salınır, yeni iş yerləri açılır və regionlardan şəhərə axının qarşısı alınır: “Artıq yerli əhali açılan yeni müəssisələrdə işləməyə başlayıb. Eyni zamanda, sahibkarlığın dəstəklənməsi, fermerlərə güzəştli kreditlərin ayrılması, kəndlilərə fəaliyyət göstərmək üçün əlverişli şəraitin yaradılması insanların maddi rifah halını yüksəldir”.
Çıxışında ötən 10 il ərzində Ağcabədidə görülən işlər barədə də danışan natiq “Məhz Prezident İlham Əliyevin rəhbərliyi ilə ölkədə gedən abadlıq-quruculuq prosesinin tərkib hissəsi kimi Ağcabədidə də böyük işlər görülür. Rayonda yollar salınır, geniş quruculuq işləri həyata keçirilir. Əminəm ki, dövlətçiliyə sadiq Ağcabədi seçiciləri oktyabrın 9-da İlham Əliyevə səs verəcəklər” deyib.
Seçicilər qarşısında çıxış edən millət vəkili Tahir Rzayev isə deyib ki, Azərbaycanda həyata keçirilən siyasət ölkəmizin daha da güclənməsini təmin edib: “Rayonlarda aparılan quruculuq işləri, ölkədə həyata keçirilən islahatlar insanların həyatına müsbət mənada böyük təsir göstərib. Yollar çəkilir, körpülər salınır, səhiyyə ocaqları, məktəblər inşa edilir. Bütün bunlar isə onu deməyə əsas verir ki, oktyabrın 9-da xalqımız növbəti dəfə cənab İlham Əliyevə etimad göstərəcək”.
Çıxış edən millət vəkili Aqil Abbas həyata keçirilən sosial siyasətin vətəndaşlarımızın rifahına xidmət etdiyini deyib: “Azərbaycanda sürətli inkişaf təbii olaraq dövlət quruculuğunun bütün sahələrinə, o cümlədən, sosial sferaya ciddi sirayət edib və bir çox sosial proqram və layihələrdə real əksini tapıb. Sözsüz, ölkəmizin iqtisadi qüdrətinin artması vətəndaşların sosial rifahının yüksəldilməsinə yönəlmiş layihələrin həyata keçirilməsinə zəmin yaradıb”.
Öz növbəsində görüşlərdə çıxış edən adıçəkilən kənd sakinləri oktyabrın 9-da seçki məntəqələrinə gələrək inkişafın davamına səs verəcəklərini bəyan ediblər.
Nadir AZƏRİ

Paylaş:

Baxılıb: 945 dəfə