Azərbaycan cənab İlham Əliyevin rəhbərliyi ilə inkişafın zirvəsinə yüksəlib

Bakı:

13 °C

88 %

6 m/s

Əlaqə

AZ RU EN

Ana səhifə / YAP xəbərləri / Azərbaycan cənab İlham Əliyevin rəhbərliyi ilə inkişafın zirvəsinə yüksəlib

Azərbaycan cənab İlham Əliyevin rəhbərliyi ilə inkişafın zirvəsinə yüksəlib

01.10.2013 [09:53]

Goranboy rayonunun Gürzallar və Quşçular kəndlərində seçicilərlə görüşlər keçirilib
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası çərçivəsində YAP Goranboy rayon təşkilatı seçicilərlə görüşlərini davam etdirir. Növbəti görüşlər rayonun Gürzallar və Quşçular kəndlərində keçirilib.
YAP Goranboy rayon təşkilatının sədri Elçin İsmayılov oktyabrın 9-da keçiriləcək prezident seçkilərinin əhəmiyyətindən bəhs edib. O qeyd edib ki, Azərbaycan sabitlik və inkişafın fonunda növbəti prezident seçkilərinə gedir: “Azərbaycan ictimaiyyəti Prezident İlham Əliyevin siyasətini təqdir edir, ölkəmizin uğurlu inkişafından məmnunluq ifadə olunur. Təsadüfi deyil ki, Goranboy seçicisi də cənab İlham Əliyevin siyasətini dəstəkləyir. Mən hər bir seçicini prezident seçkilərində fəal iştirak etməyə və Yeni Azərbaycan Partiyasının namizədi cənab İlham Əliyevə səs verməyə çağırıram”.
Təşkilat sədri əlavə edib ki, Ulu öndər Heydər Əliyevin əsasını qoyduğu milli inkişaf siyasəti bu gün cənab Prezident İlham Əliyev tərəfindən uğurla davam etdirilir. O, Prezident İlham Əliyevin növbəti möhtəşəm qələbə qazanacağına əmin olduğunu bildirib. “Prezident İlham Əliyevin rəhbərliyi ilə həyata keçirilən inkişaf siyasəti Azərbaycanı parlaq gələcəyə aparır. Hər bir Azərbaycan seçicisi ölkəmizin gələcək inkişafı, tərəqqisi üçün seçkilərdə aktiv iştirak etməlidir. Əminəm ki, bu seçkilər də möhtərəm Prezident İlham Əliyevin qələbəsi ilə nəticələnəcək” - deyə, E.İsmayılov bildirib.
Azərbaycan Respublikası Kibernetika İnstitutunun direktoru, akademik Telman Əliyev isə prezident seçkilərinin əhəmiyyətindən bəhs edib. Akademik Prezident İlham Əliyevin rəhbərliyi ilə həyata keçirilən siyasətin Azərbaycanı inkişafın zirvəsinə çıxardığını bildirib və əlavə edib ki, ölkəmizin dinamik inkişafı gələcəyə ümidlə baxmağa əsas verir: “Prezident İlham Əliyevin sosial-iqtisadi siyasətinin uğurları hər bir Azərbaycan vətəndaşının həyatında hiss edilir. Ümumilikdə, qarşıya qoyulan bütün iqtisadi və sosial vəzifələr öz həllini tapıb, ölkəmizin uğurlu inkişafı davam edib. Əminliklə deyə bilərəm ki, bütün bu nailiyyətləri mümkün edən cənab İlham Əliyev növbəti dəfə böyük səs çoxluğu ilə Prezident seçiləcək”.
Daha sonra çıxış edən qərargah üzvləri Şahin Allahverdiyev. Valəddin Əmiraslanov, Məzahir Zeynalov, seçicilər Yusif Novruzov, İnqilab Vəliyev, Yaşar Həsənov, Ruhiyyə Həmidova və digərləri Prezident İlham Əliyevin rəhbərliyi ilə həyata keçirilən siyasətin uğurlu nəticələrindən bəhs ediblər və Yeni Azərbaycan Partiyasının namizədinin növbəti dəfə əzəmətli qələbə qazanacağına inandıqlarını bildiriblər. Qeyd edilib ki, ötən 10 ilin nəticələri və yekunları bir daha sübut edir ki, möhtərəm Prezidentimizin rəhbərliyi ilə reallaşdırılan ümummilli inkişaf strategiyası hər bir sahənin paralel inkişafını ən yüksək səviyyədə təmin edib və bu tendensiya ardıcıl sürətdə davam etməkdədir.
Nurlan QƏLƏNDƏRLİ

Paylaş:

Baxılıb: 1235 dəfə