Ötən dövr ərzində ölkəmizdə baş verən dinamik inkişaf şabranlıları sevindirir

Bakı:

18°C

77%

4m/s

Əlaqə

AZ RU EN

Ana səhifə / YAP xəbərləri / Ötən dövr ərzində ölkəmizdə baş verən dinamik inkişaf şabranlıları sevindirir

Ötən dövr ərzində ölkəmizdə baş verən dinamik inkişaf şabranlıları sevindirir

05.10.2013 [11:25]

Şabran rayonunda seçicilərlə növbəti görüşlər keçirilib
Yeni Azərbaycan Partiyası (YAP) Şabran rayon təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Növbəti görüşlər Şabran rayon səhiyyə işçiləri və Gəndov kəndində kənd sakinləri ilə keçirilib.
Tədbiri giriş sözü ilə açan YAP Şabran rayon təşkilatının sədri Mehdi Balabəyov bildirib ki, hələ 2003-cü ildə prezident seçkiləri zamanı cənab İlham Əliyev Azərbaycanın bölgələrində güclü insan potensialının olduğunu bəyan edərək, regionların inkişafının sürətləndirilməsini Özünün sosial-iqtisadi platformasının başlıca hədəflərdən biri kimi müəyyənləşdirmişdi: “Dövlət başçısı regionlarda yeni iş yerləri yaratmaqla ölkənin, xüsusilə, regionların investisiya cəlbediciliyinə nail olmaq məqsədi ilə 2004-cü ildə “Azərbaycan Respublikası regionlarının sosial-iqtisadi inkişafı (2004-2008-ci illər üzrə) Dövlət Proqramı”nı təsdiq etmişdir. Bu proqramın icrasından dərhal sonra isə ikinci proqram “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı” qəbul edildi. Bütün bunlar xalqımızın gələcəyə atdığı mühüm addımlardandır. Xalq da bunu görür və ölkə başçısını dəstəkləyir”.
Tədbirdə çıxış edən millət vəkili Tahir Süleymanov qeyd edib ki, ölkəmizin hazırki sosial-iqtisadi inkişafı göz önündədir: “Zəngin yeraltı və yerüstü sərvətlərə malik olan Azərbaycanda bütün sahələrdə inkişafı sürətləndirmək üçün lazımi tədbirlər planı işlənib hazırlanır. Rayonumuzda iqtisadiyyatın əsas sahələrindən biri olan aqrar sahənin inkişafı daim diqqət mərkəzindədir. Ötən dövr ərzində konkret tədbirlərin həyata keçirilməsi və onların icrası nəticəsində aqrar sahədə istehsalın dinamik inkişafı təmin edilib, məhsul istehsalının artırılmasında əhəmiyyətli nailiyyətlər əldə edilib. Xalq da ona qayğı göstərəni seçir. Mən inanıram ki, 9 oktyabrda da belə olacaq”.
YAP İdarə Heyətinin üzvü, Azərbaycan Dövlət Pedaqoji Universitetinin kafedra müdiri Nizami Xudiyev tədbirdə çıxış edərək bildirib ki, bu gün elm və təhsil müəssisələrinin kompüterləşdirilməsi, beləliklə də gənclərin müasir texnologiyalardan istifadə vərdişlərinə yiyələnməsinə şərait yaradılması ölkədə müasir intellektual səviyyəyə malik gənclərin formalaşdırılması istiqamətində atılmış məqsədyönlü addımlardır: “Məhz bu baxımdan İlham Əliyevin Sərəncamı ilə təsdiq edilən “Azərbaycan gənclərinin xarici ölkələrdə təhsil almasına dair” Dövlət Proqramı xüsusi əhəmiyyət kəsb edir. Dövlət başçısının da vurğuladığı kimi, bu proqram 5-10 ildən sonra, bəlkə də, daha da gec bəhrə verəcək, amma intellektual gələcəyə yönəldilən investisiya kimi mütləq özünü doğruldacaq. Ali təhsilli kadrların hazırlanması istiqamətində atılan bu məqsədyönlü addımlar, həm də elm sahəsində görülən işlərlə, həyata keçirilən islahatlarla müşayiət edilir. Məhz bunun bariz nümunəsidir ki, elmin inkişaf etdirilməsi məqsədilə “Azərbaycan Respublikasında 2009-2015-ci illərdə elmin inkişafı üzrə Milli Strategiya və bu strategiyanın həyata keçirilməsi ilə bağlı proqram” qəbul edilib. Bu əsasda, 2009-cu ildə Elmin İnkişafı Fondu yaradılıb. Fond elmin müxtəlif sahələri ilə bağlı qrant müsabiqələri keçirir ki, bu da ölkəmizdə elmin inkişafı baxımından mühüm əhəmiyyət kəsb edir. Elm adamları, o cümlədən, səhiyyə işçiləri də elmdə əldə olunan uğurlara görə cənab İlham Əliyevə dəstək verirlər”.
Daha sonra çıxış edən sakinlər 9 oktyabrda cənab Prezident İlham Əliyevə səs verəcəklərini bildiriblər.
Oktay

Paylaş:

Baxılıb: 1084 dəfə