Ağdam şəhəri günü – dirçəlişin, qayıdışın və zəfərin rəmzi

Bakı:

19 °C

79 %

12 m/s

Əlaqə

AZ RU EN

Ana səhifə / YAP xəbərləri / Ağdam şəhəri günü – dirçəlişin, qayıdışın və zəfərin rəmzi

Ağdam şəhəri günü – dirçəlişin, qayıdışın və zəfərin rəmzi

20.11.2025 [12:07]

Azərbaycanın Qarabağ bölgəsinin incisi, tarixin, mədəniyyətin və qəhrəmanlıq səhifələrinin qovuşduğu Ağdam şəhəri uzun illər boyu hüznlü taleyi, dağıdılmış küçələri və işğal altında qalan torpaqları ilə yaddaşlara həkk olunmuşdu. Lakin 2023-cü ildən etibarən hər il qeyd edilən Ağdam Şəhəri Günü, artıq faciə və viranlıq simvolu kimi deyil, qayıdışın, yenidən doğuluşun və möhtəşəm quruculuğun rəmzinə çevrilmişdir.

Ağdam şəhərinin tarixi qədim dövrlərə dayanır. Qarabağın strateji məkanlarından biri olan bu şəhər əsrlər boyunca sənətkarlığı, ticarəti və mədəni həyatı ilə seçilib. Ağdamın simvollarından biri olan “Çörək Muzeyi” dünyanın ən nadir muzeylərindən biri idi. Şəhərdə səslənən muğamlar, qurulan sənət ocaqları və qədim yaşayış məskənləri bu torpağın zəngin mədəni irsini əks etdirirdi.

Lakin 1993-cü ildə Ağdamın işğalı şəhəri sözün əsl mənasında xəritədən silmişdi. Onilliklərlə davam edən viranlıq bu torpağı “Qafqazın Xirosiması” kimi təqdim edirdi.

2020-ci il Vətən müharibəsi və Azərbaycanın tarixi zəfəri Ağdamın taleyini dəyişdi. Şanlı ordumuzun qələbəsi və diplomatik uğurlar nəticəsində Ağdam döyüşsüz şəkildə azad edildi. Bu, həm insan itkisinin qarşısının alınması baxımından, həm də regionun gələcək inkişafı üçün strateji üstünlük baxımından mühüm hadisə idi.

Azad edildiyi gündən etibarən Ağdamda genişmiqyaslı quruculuq və bərpa işləri başladı.

Bu gün Ağdamda yeni şəhər mərkəzi, geniş prospektlər və müasir infrastruktur inşa edilir, sənaye parkı, logistika zonası və iqtisadi mərkəz yaradılır,“Ağdam Konqres Mərkəzi”, musiqi məktəbi, idman kompleksi, yaşayış massivləri və parklar tikilir, Ağdamın mədəni irsi – məscidlər, türbələr, tarixi abidələr ardıcıl şəkildə bərpa olunur, elektrik, su, qaz və kommunikasiya infrastrukturu sıfırdan qurulur, Böyük Qayıdış çərçivəsində ilk sakinlər artıq öz ata-baba yurduna köçürülür.

Bu layihələr Ağdamı yalnız Qarabağın deyil, bütün regionun ən müasir şəhərlərindən birinə çevirməyi hədəfləyir.

Ağdam Şəhəri Gününün təsis olunması yalnız bir tarix deyil, həm də milli yaddaşda mühüm dönüş nöqtəsidir. Bu gün şəhərin tarixi və mədəni kimliyi yad edilir, şəhidlərin xatirəsi uca tutulur, azadlıq və qayıdış sevincinin təntənəsi yaşanır, bərpa və quruculuq işlərinin nəticələri cəmiyyətə təqdim olunur. Bu gün həm də Ağdamın yeni həyatının başlanğıcını simvolizə edir – illərlə dağıntı içində olan torpağın yenidən çiçəklənməsi, dirçəlməsi və inkişafı kimi.

Bu gün artıq hər bir azərbaycanlı inamla deyə bilər ki, Ağdam öz əvvəlki günlərinə qayıdır – həm tarixi siması, həm mədəni həyatı, həm də iqtisadi qüdrəti ilə.

Ağdam Şəhəri Günü bizə xatırladır ki, iradəsi sarsılmazdır, dövlətin gücü torpaqları dirçəltməyə qadirdir, xalq–dövlət birliyi möcüzələr yaradır.

Ağdam bu gün Zəfərin, Qayıdışın və Yenidənqurmanın canlı simvoludur.

Elnur Qəhrəmanov,

YAP Gədəbəy rayon təşkilatının əməkdaşı

Paylaş:

Baxılıb: 377 dəfə