FHN-nin Qaradağ rayonunda yerləşən N saylı hərbi hissəsində Ulu öndər Heydər Əliyevin xatirəsi anılıb

Bakı:

12 °C

76 %

6 m/s

AZ RU EN

Ana səhifə / YAP xəbərləri / FHN-nin Qaradağ rayonunda yerləşən N saylı hərbi hissəsində Ulu öndər Heydər Əliyevin xatirəsi anılıb

FHN-nin Qaradağ rayonunda yerləşən N saylı hərbi hissəsində Ulu öndər Heydər Əliyevin xatirəsi anılıb

12.12.2025 [12:08]

2025-ci il dekabrın 11-də Fövqəladə Hallar Nazirliyinin Bakının Qaradağ rayonunda yerləşən N saylı hərbi hissəsində Ulu öndər Heydər Əliyevin xatirəsinin anılması ilə əlaqədar keçirilən tədbirdə YAP Qaradağ Rayon Təşkilatının sədri Qafar Əliyev, hərbi hissənin rəhbərliyi, zabit və əsgərləri iştirak ediblər.

Əvvəlcə Ümummilli lider Heydər Əliyevin hərbi hissənin həyətindəki abidəsi ziyarət olunub, önünə gül dəsətələri düzülərək Ulu öndərin xatirəsi ehtiramla anılıb.

Azərbaycanın Dövlət Himninin səsləndirilməsi ilə başlayan tədbirdə Ulu Öndər Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan hərbi hissənin komandiri, polkovnik-leytenant Cəsur Cəfərov müasir Azərbaycan dövlətinin xilaskarı və qurucusu olan Heydər Əliyevin müstəqilliyimizin formalaşmasında, ölkədə ictimai-siyasi sabitliyin əldə olunmasında, həmçinin, Azərbaycanın dünya ölkələri arasında böyük nüfuz qazanmasında müstəsna xidmətlər göstərdiyini qeyd edib. Məhz buna görə də, xalqımız Ümummilli Lider Heydər Əliyevi müasir müstəqil Azərbaycan dövlətinin memarı adlandırıb.

Daha sonra YAP Qaradağ rayon təşkilatının sədri Qafar Əliyev Ulu öndər Heydər Əliyev haqqında öz xatirələrini bölüşərək onun Azərbaycan xalqı və dövləti qarşısında göstərdiyi misilsiz xidmətlər barədə geniş məruzə ilə çıxış edib. O qeyd edib ki, Ümummilli lider Heydər Əliyevin və onun siyasi kursunun ən layiqli davamçısı olan Azərbaycan Prezidenti İlham Əliyevin Azərbaycana rəhbərlik etdiyi 50 ildən çox davam edən dövr yalnız bu tarixi şəxsiyyətlərin deyil, bütöv bir ölkənin və xalqın tarixidir. Ona görə də bu şərəfli tarixin hər anı diqqətlə öyrənilməli və bu haqda tarixi elmi əsərlər yazılmalıdır. Məhz bu siyasi xəttin Prezident İlham Əliyevin uğurla davam etdirilməsi nəticəsində ölkəmiz ərazi bütövlüyünü və suverenliyini bərpa etdi. Bu uğurların əsasını qoyan Ulu öndər Heydər Əliyevin adı Azərbaycan xalqının qəlbində daim yaşayacaqdır.

Hərbi hissənin komandirinin şəxsi heyətlə iş üzrə müavini, polkovnik-leytenant Ələsgər Sadiqov Ulu öndərin keçdiyi həyat yolunun mərhələləri və dövlətçilik fəaliyyəti ilə bağlı çıxış edərək onun Azərbaycan tarixində və xalqımızın xatirəsində əbədi yaşayacağını bildirib.

Paylaş:

Baxılıb: 472 dəfə