Azərbaycanda qadın siyasətinin effektivliyi: Hüquqi islahatlardan real nəticələrə

Bakı:

25 °C

53 %

1 m/s

Əlaqə

AZ RU EN

Ana səhifə / YAP xəbərləri / Azərbaycanda qadın siyasətinin effektivliyi: Hüquqi islahatlardan real nəticələrə

Azərbaycanda qadın siyasətinin effektivliyi: Hüquqi islahatlardan real nəticələrə

06.03.2026 [16:04]

Azərbaycan Respublikasında qadın siyasətinin effektivliyinin təmin olunması məqsədilə atılan addımlar ölkənin demokratik inkişaf strategiyasının mühüm tərkib hissəsidir. Dövlət səviyyəsində qəbul edilən hüquqi sənədlər qadınların siyasi, sosial, iqtisadi və mədəni həyatda rolunun artırılmasına güclü zəmin yaradıb.

Azərbaycanın 1995-ci il iyunun 30-da qoşulduğu BMT-nin Birləşmiş Millətlər Təşkilatı-nın “Qadınlara münasibətdə ayrı-seçkiliyin bütün formalarının ləğv olunması haqqında” Konvensiyası ölkəmizin gender bərabərliyi sahəsində beynəlxalq öhdəliklərini müəyyənləşdirdi. Bu sənəd qadın hüquqlarının qorunması istiqamətində dövlət siyasətinin formalaşmasına mühüm təsir göstərdi.

Həmin öhdəliklərin daha geniş miqyasda həyata keçirilməsi məqsədilə 1998-ci il 14 yanvar tarixində ümummilli lider Heydər Əliyev tərəfindən “Azərbaycanda qadınların rolunun artırılmasına dair tədbirlər haqqında” Sərəncam imzalandı. Bu sənəd qadınların dövlət idarəçiliyində, ictimai-siyasi proseslərdə və qərar qəbuletmə mexanizmlərində fəal iştirakını təşviq etdi. Sərəncam institusional mexanizmlərin yaradılmasına, qadın problemlərinin dövlət səviyyəsində sistemli şəkildə həllinə şərait yaratdı.

Gender siyasətinin hüquqi əsaslarının daha da möhkəmləndirilməsi istiqamətində mühüm addım isə 2006-cı il 10 oktyabr tarixində qəbul edilən “Gender (kişi və qadınların) bərabərliyinin təminatları haqqında” Azərbaycan Respublikasının Qanunu oldu. Bu qanun cinsi mənsubiyyətə görə ayrı-seçkiliyin bütün formalarının aradan qaldırılmasını, kişi və qadınlara ictimai həyatın bütün sahələrində bərabər imkanların yaradılmasını təmin edir. Qanun gender bərabərliyinin hüquqi mexanizmlərini müəyyənləşdirərək dövlət orqanlarının bu sahədə məsuliyyətini konkretləşdirir.

Bu hüquqi baza nəticəsində qadınların parlamentdə, dövlət qulluğunda, təhsil və səhiyyə sektorunda, sahibkarlıq fəaliyyətində və vətəndaş cəmiyyəti institutlarında təmsilçiliyi artmışdır. Eyni zamanda, gender əsaslı zorakılıqla mübarizə, qadın sahibkarlığının təşviqi və sosial müdafiə tədbirləri dövlət siyasətinin prioritet istiqamətlərindən birinə çevrilmişdir.

Beləliklə, ölkəmizdə qadın siyasətinin effektivliyi ilk növbədə güclü hüquqi baza, beynəlxalq öhdəliklərə sadiqlik və siyasi iradə ilə təmin olunmuşdur. Qadınların cəmiyyət həyatında artan rolu Azərbaycanın davamlı inkişafına, sosial ədalətin möhkəmlənməsinə və demokratik dəyərlərin güclənməsinə mühüm töhfə verir.

Rauf Nəcəfov

YAP Sədərək rayon təşkilatının məsləhətçisi

Paylaş:

Baxılıb: 412 dəfə