Heydər Əliyev
yeni azerbaycan logo

Ana səhifə / YAP xəbərləri / Gədəbəy seçicilərinin seçimi Prezident İlham Əliyevdir

Gədəbəy seçicilərinin seçimi Prezident İlham Əliyevdir

24.03.2018 [10:20]

Rayonun Novosaratovka və Novoivanovka kəndlərində seçicilərlə görüşlər keçirilib
11 aprel 2018-ci il tarixində keçiriləcək prezident seçkilərinin təbliğat-təşviqat kampaniyası çərçivəsində keçirilən kütləvi tədbirlər davam edir. Yeni Azərbaycan Partiyasının (YAP) Sədri, Prezident İlham Əliyevin təbliğatına həsr olunmuş növbəti tədbir Gədəbəy rayonunun Novosaratovka və Novoivanovka kəndlərində keçirilib.
İlk olaraq qarşıdan gələn prezident seçkilərinin olduqca əlamətdar bir hadisə olduğunu qeyd edən YAP Gədəbəy rayon təşkilatının sədri Rüstəm Nağıyev Prezident İlham Əliyevin xalqımızın alternativsiz lideri olduğunu deyib. Son illər Gədəbəy rayonunda aparılan yenidənqurma işlərindən bəhs edən partiya rayon təşkilatının sədri Prezident İlham Əliyevin apardığı sosial siyasətin ölkəmizin inkişafında əsaslı rol oynadığını söyləyib. Prezident İlham Əliyev tərəfindən həyata keçirilən uğurlu daxili və xarici siyasət kursundan danışan R.Nağıyev gədəbəylilərin daim dövlətçiliyə və milli maraqlara sədaqətli olduğunu önə çəkib. O, Gədəbəy seçicilərinin Ümummilli liderimiz, müstəqil Azərbaycanın memarı Heydər Əliyev siyasətinin davamçısı İlham Əliyevə səs verəcəyinə inandığını deyib.
Daha sonra çıxış edən millət vəkili Rafiq Məmmədhəsənov bildirib ki, son 15 ildə yeni iş yerlərinin açılması, ölkənin valyuta ehtiyatlarının artırılması, səhiyyəyə, təhsilə, mədəniyyətə və digər sahələrə paralel qayğının göstərilməsi və diqqətin artırılması hamının gözünün önündə baş verib: “Mən inanıram ki, xalqımız 2003-cü ildə, 2008-ci ildə, 2013-cü ildə olduğu kimi müstəqilliyin sarsılmazlığına, inkişafa, yüksəlişə - İlham Əliyevə səs verəcək”.
Çıxış edən YAP Gədəbəy rayon təşkilatı seçki qərargahının üzvləri Alim Verdiyev, Baxış Nağıyev və başqaları vətəndaşların seçkidə fəal iştirakının ölkəmizin sabahı naminə vacib bir şərt olduğunu önə çəkiblər. Çıxış edən kənd sakinləri bildiriblər ki, hər bir rayon sakini ölkəmizdəki siyasi-iqtisadi sabitliyi dəstəkləyir və bu dəstəyi aprelin 11-də YAP-ın namizədi cənab İlham Əliyevə səs verməklə növbəti dəfə nümayiş etdirəcəklər.

Paylaş:
Baxılıb: 671 dəfə

Xəbər lenti

Hamısına bax

Ədəbiyyat

Analitik

Ədəbiyyat

Serial oxucusu

25 Aprel 08:50

Ədəbiyyat

Şənbə üçün nəzm

25 Aprel 08:38  

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30