Baykot havası ilə “siyasi ömrünü” uzatmağa cəhd edən...

Bakı:

31 °C

35 %

6 m/s

Əlaqə

AZ RU EN

Ana səhifə / Xəbər lenti / Baykot havası ilə “siyasi ömrünü” uzatmağa cəhd edən...

Baykot havası ilə “siyasi ömrünü” uzatmağa cəhd edən...

04.05.2024 [09:50]

Rediküllər seçki prosesini “hədəfə alır”

Son dövrlərdə parlament seçkilərinin vaxtının dəyişdiriləcəyi, qlobal COP29 tədbiri ilə üst-üstə düşdüyü üçün qabağa çəkiləcəyi ilə bağlı müzakirələr aparılır. Hətta srağagün MSK sədri Məzahir Pənahov da bununla bağlı bir sıra fikirlərini bölüşdü - seçkilərin yayın sonuna çəkilməsi ehtimalından danışdı. Azərbaycanın sağlam siyasi qüvvələri prosesin qabağa çəkilməsini normal qarşılayır - onlar parlament seçkilərinə hazırlıq prosesinə uzun müddətdir ki, start verdiklərini bəyan edirlər. Redikül müxalifət isə hər zaman olduğu kimi, bu dəfə də “ənənəsinə” sadiq qaldı - onlar öz gücsüzlüklərini, xalq tərəfindən dəstəklənməmələri faktını ört-basdır etmək üçün artıq indidən əks kampaniyaya başlayıblar. Sosial şəbəkələrdə seçkiyə qədərki prosesə ləkə yaxmaq üçün “hay-həşir” qaldıran AXCP sədri Əli Kərimli köhnə yalanlarını “təkrarlamağa” başlayıb. Məqsəd isə bəllidir - o, bu yolla yenə seçki prosesdən kənarda qalmaq, beləliklə də, xarici ermənipərəst mərkəzlərə xidmətini davam etdirmək niyyətindədir. Əli Kərimli indidən seçki qanunvericiliyini, siyasi mühiti və başqa amilləri hədəfə almaqla özünü və başçılıq etdiyi dəstəni prosesdən kənarda saxlamaq istəyir, dövlətin, xalqın tarixinə yazılacaq bu böyük hadisədə yer almamaqla Əli Kərimli sanır ki, özünü “qoruya biləcək”.

Bəli, Ə.Kərimlinin bütün iddiaları yalan və şər-böhtandır. O indidən boykot havasına girməklə özünün “siyasi ömrünü” artıracağını fikirləşir ki, burada da səhv edir. Məğlubiyyətini əvvəlcədən planlaşdıran və öncədən özünü sığorta yolunu tutan Kərimli bu kimi şər-böhtan kampaniyası ilə demokratik inkişaf prosesinə ləkə vurmağa çalışır. Özünü “müxalifət” kimi qələmə verməyə çalışan bu xəyanətkar dəstə və onun başçısının unutduğu bir şey var - seçki siyasi təşkilatın varlığından xəbər verir, həmin təşkilatla xalq arasında körpü yaradır, etimadı yoxlayır və ən əsası məramı, niyyəti öyrənir. Əli Kərimli isə indidən bu cür siyasi aura yaratmaqla göstərir ki, başçılıq etdiyi “təşkilat” yalnız sənəd üstündə partiyadır, əsl siyasi missiya üçün yaranmayıb və şəxsi mənafeyə - Əli Kərimlinin maddi imkanlarını artırmağa xidmət edir. Digər tərəfdən, xalqın onu silib tarixin arxivinə atdığını bilir və bu cəhətdən də qarşıdan gələn siyasi hadisədən məhz bu yolla yayınmağa çalışır. Bütün bu komponentlərlə yanaşı, AXCP-nin məramsızlığı, konsepsiyasızlığı Əli Kərimlinin “ilgəyə keçən” yeridir. Onlar seçkidə iştirak etməməklə, seçki mühitinin yüksək səviyyədə olduğunu etiraf etməməklə özlərinin məramsızlıqlarını, konsepsiyasızlıqlarını Azərbaycan xalqına nümayiş etdirəcəklər. Bu isə onların siyasi sonudur.

Bəli, Azərbaycanın dövlət mənafeyini, milli maraqları satmağa hazır olan, yalnız şəxsi korporativ maraqlarını düşünən redikül azlıq maddi təminat qarşılığında yeni xəyanətlər üçün fürsət axtarmaqdadır. Amma onların bu arzuları sabun köpüyü kimi puç olur - hətta ermənipərəst mərkəzlər belə artıq onların yalanlarına inanmırlar. Çünki vaxtilə özünü “əsas müxalifət”, “ana müxalifət” adı ilə “bəzəyənlər” bu gün partiyasının seçkili orqanlarının iclasını keçirmək iqtidarında belə deyillər. Nəinki kütləvi aksiya keçirmək, hətta

üzvlərinin sayını müəyyənləşdirmək gücünə malik olmayan, heç bir strukturu fəaliyyət göstərməyən partiyaların fəaliyyəti sıfıra bərabərdir. “Siyasi meyid” statusu alan bu partiyalar artıq papka-partiyalara çevriliblər...

MƏNSUR

Paylaş:

Baxılıb: 736 dəfə