Türkiyənin Uşaq Təcili Tibbi Yardım və Reanimasiya Təcrübəsi TİKA vasitəsilə Azərbaycana gətirildi

Bakı:

12°C

87%

2m/s

AZ RU EN

Ana səhifə / Xəbər lenti / Türkiyənin Uşaq Təcili Tibbi Yardım və Reanimasiya Təcrübəsi TİKA vasitəsilə Azərbaycana gətirildi

Türkiyənin Uşaq Təcili Tibbi Yardım və Reanimasiya Təcrübəsi TİKA vasitəsilə Azərbaycana gətirildi

09.04.2025 [17:16]

Türk Əməkdaşlıq və Koordinasiya Agentliyinin (TİKA) dəstəyi ilə keçirilən I Azərbaycan-Türkiyə Uşaq Təcili Tibbi Yardım və Reanimasiya Konqresi Azərbaycanın paytaxtı Bakı şəhərində təşkil olundu.

Azərbaycan Respublikasının Pediatriya Mərkəzi və Türkiyə Uşaq Təcili Tibbi Yardım və Reanimasiya Dərnəyinin təşkilatçılığı, Azərbaycan İcbari Tibbi Sığorta Dövlət Agentliyi, Tibb Ərazi Bölmələrini İdarəetmə Birliyi (TƏBİB) və TİKA-nın tərəfdaşlığı ilə 07-09 aprel 2025-ci il tarixlərində Bakı şəhərində baş tutan bu konqres geniş miqyaslı iştirakla keçdi.

Konqresin açılış mərasimində çıxış edən Azərbaycan Respublikasının Pediatriya Mərkəzinin direktoru, uzman həkim Dr. Azər Əhmədov qeyd etdi ki, son illərdə Azərbaycan pediatriya sahəsində əhəmiyyətli inkişaf mərhələsinə qədəm qoyub. Onun sözlərinə görə, mərkəzə tabe olan xəstəxanalarda yenidoğulmuşlara və uşaqlara göstərilən təcili tibbi müdaxilələrin uğur faizi nəzərəçarpacaq dərəcədə artıb.

Ankara Universiteti Cəbcəbi Xəstəxanasının baş həkimi və Konqresin sədri professor Dr. Tanıl Kendirli isə azərbaycanlı həmkarlarının konqresə və çərçivəsində təşkil olunan kurslara göstərdikləri böyük maraqdan məmnun qaldıqlarını ifadə edərək, tədbirin təşkilinə verdiyi dəstəyə görə TİKA-ya təşəkkürünü bildirdi.

TİKA-nın Azərbaycandakı layihələri barədə danışan TİKA Bakı Proqram Koordinatoru Hayrettin Özçelik bildirdi ki, qurum 1994-cü ildən bəri Azərbaycanda fəaliyyət göstərir və bu müddət ərzində 1500-dən çox layihə həyata keçirib. O qeyd etdi: “Təkcə səhiyyə sahəsində deyil, hər bir sahədə dost və qardaş iki ölkənin təcrübə və biliklərini paylaşması üçün çalışırıq.”

Ankara Universitetinin rektoru professor Dr. Nəcdət Ünüvar konqresdə onlayn iştirak etdi.

Konqresin açılış mərasimində çıxış edən Türkiyənin Azərbaycandakı səfiri professor Dr. Birol Akgün isə dedi:
“TİKA səhiyyə sektorunda Azərbaycanın nüfuzlu qurumları və həkimləri ilə birgə fəaliyyət göstərərək modulyar xəstəxanaların qurulmasından tutmuş tibbi müayinələrə, səhiyyə təhsillərindən təcrübə mübadiləsi proqramlarına, tibbi avadanlıqların təminindən səhiyyə sahəsində keçirilən konfrans, sərgi və konqreslərin dəstəklənməsinə qədər çox geniş bir sahədə işlərini davam etdirir.”

Üç gün davam edən konqresə 300-dən çox həkim, tibb bacısı və səhiyyə işçisi qatıldı. Konqres çərçivəsində səhiyyə işçiləri üçün “Uşaq Təcili Yardımı və Reanimasiya”, “Mexaniki Ventilyasiya”, “Pediatrik Təcili Yardım və Reanimasiya üzrə Tibb Bacısı Hazırlığı” mövzularında kurslar təşkil olundu. Tədbir sonunda iştirakçılara sertifikatlar təqdim edildi.

Paylaş:

Baxılıb: 293 dəfə