Azərbaycan bütün qərarlarını müstəqil şəkildə qəbul edir

Bakı:

26 °C

63 %

11 m/s

Əlaqə

AZ RU EN

Ana səhifə / Xəbər lenti / Azərbaycan bütün qərarlarını müstəqil şəkildə qəbul edir

Azərbaycan bütün qərarlarını müstəqil şəkildə qəbul edir

13.10.2023 [17:34]

Günel ABBAS

“Dünyada ikili standartlar çox təəssüf ki, mövcuddur. Zaman-zaman müxtəlif beynəlxalq təşkilatlar tərəfindən ölkələrin ikili standartlara məruz qaldığının şahidi oluruq. Azərbaycan da bu ölkələr sırasındadır”.

Bu fikirləri yeniazerbaycan.com-a açıqlamasında Milli Məclisin üzvü Cavid Osmanov deyib.

Deputat bildirib ki, bunun başlıca səbəbi Azərbaycanın müstəqil siyasət yürütməsidir, heç kimdən, heç bir ölkədən asılı olmamasıdır: “Kiminsə diktəsi altında Azərbaycan dövlətinin fəaliyyət göstərməməsidir, bütün qərarları müstəqil, milli maraqlara söykənərək verməsindən irəli gəlir. Çox təəssüf ki, Avropa Şurası Parlament Assambleyası sonuncu iclasında Azərbaycana qarşı növbəti dəfə əsassız bir qətnamə qəbul etdi. Əlbəttə ki, bu anti-Azərbaycan qətnaməsi ilə artıq bu formatda olan beynəlxalq təşkilatlara inam, etimad tamamilə sıfıra bərabərləşir. Bu, çox təhlükəli haldır və eyni zamanda bu hal onu göstərir ki, bu təşkilatlarda ədalət və düzgünlük yoxdur. Tam əksinə, kimlərinsə maraqlarına xidmət edən bir marginal qruplaşmaya, təsisata çevrilib. Əlbəttə, belə anti-Azərbaycan qətnamələr Azərbaycanı öz haqq yolundan döndərə bilməyəcək. Bundan sonra da Azərbaycan dövləti öz haqlı və ədalətli yolunda gedəcək.

Belə yerdə bir sual yaranır ki, 30 il müddətində torpaqlarımız işğal altında saxlanılanda. həmin dövrdə bir milyondan çox soydaşımız məcburi köçkün və qaçqın həyatı sürdükdə, yüzlərlə şəhərlərimiz, kəndlərimiz, qəsəbələrimiz yerlə yeksan olunanda, tarixi, dini, mədəni abidələrimiz tamamilə təhqir olunaraq darmadağın edildikdə, ekologiyamız məhv edildikdə belə qətnamələr nəyə görə Ermənistana qarşı tətbiq olunmurdu? Əlbəttə ki, bu, bir daha onu göstərir ki, bu əsassız qətnamə yalnız və yalnız kimlərinsə marağına uyğun hazırlanır. Azərbaycan, necə ki, ədaləti özü bərpa etdi, torpaqlarımızı işğaldan azad etdi, Müzəffər Ali Baş Komandanımızın rəhbərliyi ilə bu gün də Böyük Qayıdış proqramı çərçivəsində çox nəhəng işlər görülür. Eyni zamanda müharibənin özü çox ədalətli şəkildə aparıldı. Güclü tərəf olaraq bölgədə sülhün, əmin-amanlığın olması üçün Ermənistana üç il müddətində sülh müqaviləsinin imzalanmasını təklif edilir. Ermənistan bundan boyun qaçırır. Amma bütün bunların fonunda Azərbaycana qarşı belə əsassız qətnamə qəbul olunur. Əlbəttə ki, belə qətnamələr Azərbaycanı haqq yolundan döndərə bilməyəcək. Azərbaycan bundan sonra da öz hədəflərinə çatacaq. Burada ən vacib məqam ondan ibarətdir ki, Azərbaycan haqlıdır, Azərbaycan ədalətlidir və ədaləti bərpa edib”.

Paylaş:

Baxılıb: 478 dəfə