RUHUN ŞAD OLSUN, QONŞU: İLHAM ƏLİYEV BACARDI!
04.03.2024 [11:28]
Alqiş Musayev
Həmin gün onun dediklərini, gözlərindəki dərin kədəri, ümidsiz, yorğun baxışlarını unuda bilmirəm.
Yəqin ki, heç vaxt da unutmayacağam.
Vaqif Səmədoğlu ilə qonşuyduq.
Milli Məclisin millət vəkilləri üçün inşa edilmiş binanın 2-ci mərtəbəsində biz, 3-cü mərtəbəsində Vaqif müəllim olurdu.
(İndi həmin mənzildə şairin həyat yoldaşı Nüşabə xanım yaşayır)
Demək olar ki, hər gün rastlaşırdıq.
Bir dəfə pilləkəndə üz-üzə gəldik.
Gülə-gülə “Qonşu, mənim də əlimə əsa verdilər”, - dedi.
Onda xəstəliyini bildim. Həkimlər nəsə xoşagəlməz bir şey tapıblar söyləyib, dərhal da üstündən keçdi.
-Arada bir niyə bizə qalxmırsan?
... Sonuncu dəfə görüşəndə xəstəxanadan, növbəti müalicə prosedurundan qayıdırdı.
Şuxluğunu, dəyanətini zərrə qədər itirməmişdi.
-Qonşu, qohum-əqrəbada yaxşı aş bişirən varmı?
-Neynəyirsiniz ki, Vaqif müəllim?
-Vaxt-vədə yetişib.
Bir qədər duruxub sonra amiranə şəkildə əlavə etdi.
-Mən ölümdən qorxmuram ha.
Amma torpaqlarımızı işğal altında qoyub, Şuşanın, Qarabağın azadlığını görmədən dünyadan köçmək çox ağırdır...
Nə qədər insan, dost-tanış, qohum-qardaş bütöv bir nəsil Vətən, torpaq, yurd, Qarabağ nisgili ilə ömrünü başa vurdu bu illər ərzində.
Məndən ən əzablı duyğu, ən ağır işgəncə nədir deyə soruşsalar düşünmədən cavab verərəm.
Ömrün və yaşın elə bir mərhələsi gəlir ki...
Doğulduğun yeri, kəndi, şəhəri görmək istəyirsən.
Ancaq mümkün deyil.
Babanın, atanın, ananın məzarını ziyarət etmək istəyirsən.
Heç cürə alınmır.
Səbəb isə bəllidir.
Erməni işğalı.
Ya da sənin özünlə, atanla, babanla bağlı nə varsa, erməni vandalları darmadağın edib, daş üstə daş qalmayıb.
Təkcə sənin evindən-eşiyindən yox, xatirələrindən də intiqam alıblar...
Mənim atam Nüvədiyə dönəcəyinə o qədər inanmırdı.
Zəngilanın azadlığını gözləyirdi, deyirdi ki, Zəngilan azad olsun atamın, qardaşımın məzarını Zəngilanda Nüvədiyə yaxın bir yerə köçürüb orada yurd salacağam.
Atama Zəngilanın xoş günlərini görmək nəsib olmadı.
Nüvədi nisgili, Zəngilan həsrətilə dünyaya əlvida dedi.
Anam Zəngilanın azadlığını görə bildi.
Arzulayırdı ki, heç olmasa Zəngilanın Vejnəli kəndinə gedib oradan Nüvədiyə baxa bilsin.
Çünki Vejnəlidən Nüvədi dağları görünür.
Təəssüf ki, anama da Vejnəlidən Nüvədiyə boylanmaq səadəti qismət deyilmiş.
Amma mən Vejnəliyə qədər gedə bildim.
Orada Nüvədi dağlarının havasını ciyərlərimə çəkdim.
Sonsuz inam və fövqəladə bir romantika ilə.
Mən 1969-cu ildə Nüvədi kənd məscidinin yanındakı baba evimizdə dünyaya göz açmışam.
1 il sonra atam Nüvədi kənd orta məktəbinin qonşuluğunda ev tikib və biz o evə köçmüşük.
Evimizin ətrafı nar bağlarıydı.
O dövrün imkanları çərçivəsi daxilində çox təmtəraqlı, yaraşıqlı bir eviydi.
Aprel-may aylarında nar ağacının çiçək açdığı vaxtlar ikinci mərtəbədən baxanda evimiz qırmızı dənizdə üzən gəmiyə oxşayırdı.
O ev mənim yadımda eləcə də qalıb.
Bakıda Təbriz küçəsində məhdud şəraitli bir mənzildə yaşayırdıq.
Bir dəfə atam ömrünün son günlərində mənə bir sual verdi:
“Biz o qəşəng, yaraşıqlı evimizi niyə qoruyub saxlaya bilmədik?”
Təbii ki, sual ritorik idi.
Özü də cavab verdi.
“Biz o yaxşı ev-eşiyimizi ona görə qoruya bilmədik ki, bizim yaxşı dövlətimiz yox idi.
Adamın yaxşı evi-eşiyindən öncə yaxşı və güclü dövləti olmalıdır.
Yaxşı, güclü dövlətimiz olacaqsa, hər şeyimiz olacaq”.
Mən yaxşı, güclü, bütöv dövlətin nə olduğunu bu il aprelin 23-də Laçın Postu qoyulanda, oktyabrın 15-də İlham Əliyev Xankəndidə üçrəngli bayrağımızı ucaldanda bütün parametirləriylə - müstəqilliyi, suverenliyi inzibati iradəsiylə birlikdə duya bildim.
Vaqif Səmədoğlu həm də Milli Məclisin AŞPA-dakı nümayəndə heyətinin üzvü idi.
Bir dəfə siz İlham Əliyevi mənim kimi tanıya bilməzsiniz, demişdi.
“Mən onu Brüsseldə müşahidə etmişəm.
Görmüşəm ki, Raqozin necə tələm-tələsik iclasdan çıxıb, “Qde İlham Əliyev, posovetovatsya nado”, - deyə onun üstünə yürüyür.
İlham Əliyev Böyük Liderdir.
O bacaracaq”
Ruhun şad olsun, Qonşu.
Sən deyən kimi də oldu.
Bu gün Azərbaycanın Ali Baş Komandanı Xankəndidə Zəfər Paradını qəbul edir.
İlham Əliyev bacardı!
Alqış Həsənoğlu
”Yeni Azərbaycan” qəzetinin baş redaktoru
Müəllifin digər məqalələri:
Xarici təzyiqlərə boyun əyməməyin qüruru və düsturu…
Vətəndaş öhdəliyindən irəli gələn...
26.09.2024 [16:17]
Xəbər lenti
Hamısına bax
Dünya
09 Noyabr 15:18
YAP xəbərləri
09 Noyabr 14:58
Siyasət
09 Noyabr 13:25
Gündəm
09 Noyabr 13:22
YAP xəbərləri
09 Noyabr 12:48
YAP xəbərləri
09 Noyabr 11:55
YAP xəbərləri
09 Noyabr 11:37
İdman
09 Noyabr 11:14
Gündəm
09 Noyabr 10:35
Siyasət
09 Noyabr 10:13
Siyasət
09 Noyabr 10:12
Gündəm
09 Noyabr 09:56
MEDİA
09 Noyabr 09:29
Sosial
08 Noyabr 23:19
Sosial
08 Noyabr 22:54
Hərbi
08 Noyabr 22:16
İqtisadiyyat
08 Noyabr 21:31
Siyasət
08 Noyabr 20:55
Dünya
08 Noyabr 20:32
Sosial
08 Noyabr 19:20
Siyasət
08 Noyabr 19:19
Siyasət
08 Noyabr 19:18
Sosial
08 Noyabr 19:17
Xəbər lenti
08 Noyabr 19:16
Gündəm
08 Noyabr 18:49
Dünya
08 Noyabr 18:25
Xəbər lenti
08 Noyabr 18:02
Dünya
08 Noyabr 17:42
Gündəm
08 Noyabr 17:24
Gündəm
08 Noyabr 17:13
Dünya
08 Noyabr 16:30
Dünya
08 Noyabr 15:26
Dünya
08 Noyabr 14:51
Dünya
08 Noyabr 14:39
Xəbər lenti
08 Noyabr 13:42
Dünya
08 Noyabr 13:14
Siyasət
08 Noyabr 13:11
Dünya
08 Noyabr 12:48
Gündəm
08 Noyabr 12:16
Gündəm
08 Noyabr 12:15
Gündəm
08 Noyabr 12:12
Gündəm
08 Noyabr 11:42
Gündəm
08 Noyabr 11:25
Siyasət
08 Noyabr 10:58
YAP xəbərləri
08 Noyabr 10:35
Sosial
08 Noyabr 10:12
İqtisadiyyat
08 Noyabr 09:56
Xəbər lenti
08 Noyabr 09:39
MEDİA
08 Noyabr 09:34
Analitik
08 Noyabr 09:12
Siyasət
08 Noyabr 08:52
Ədəbiyyat
08 Noyabr 08:28
Gündəm
08 Noyabr 00:26
YAP xəbərləri
07 Noyabr 23:52
Gündəm
07 Noyabr 21:41
Gündəm
07 Noyabr 21:10
YAP xəbərləri
07 Noyabr 21:08
Gündəm
07 Noyabr 20:24
YAP xəbərləri
07 Noyabr 18:30
Sosial
07 Noyabr 18:22
Dünya
07 Noyabr 17:51
Elanlar
07 Noyabr 16:51
Xəbər lenti
07 Noyabr 16:48
Hərbi
07 Noyabr 16:23
Hərbi
07 Noyabr 16:23
Hərbi
07 Noyabr 16:21
Sosial
07 Noyabr 16:20
Gündəm
07 Noyabr 16:18
Hərbi
07 Noyabr 16:18
Siyasət
07 Noyabr 16:11
