Dövlət Miqrasiya Xidməti əcnəbilərin, o cümlədən işəgötürənlərin rahatlığının təmin olunması üçün bir sıra işlər görüb

Bakı:

15 °C

94 %

2 m/s

AZ RU EN

Ana səhifə / Sosial / Dövlət Miqrasiya Xidməti əcnəbilərin, o cümlədən işəgötürənlərin rahatlığının təmin olunması üçün bir sıra işlər görüb

Dövlət Miqrasiya Xidməti əcnəbilərin, o cümlədən işəgötürənlərin rahatlığının təmin olunması üçün bir sıra işlər görüb

18.06.2020 [08:59]

Dövlət Miqrasiya Xidmətinin (DMX) rəisi ilə “Caspian European Club”un üzvləri arasında videokonfrans vasitəsilə görüş keçirilib.
DMX-dən AZƏRTAC-a bildiriblər ki, Xidmətin rəisi Vüsal Hüseynov “Caspian European Club”un üzvləri ilə keçirilən görüşlərin əhəmiyyətini diqqətə çatdırıb və bunun ölkəmizdə dövlət ilə özəl sektor arasında dialoqun inkişafına müsbət töhfə verdiyini vurğulayıb.
Qeyd edib ki, dünyanı bürüyən COVID-19 pandemiyası ilə mübarizə çərçivəsində dövlətlər tərəfindən beynəlxalq sərhədkeçmələrə tətbiq olunan məhdudiyyətlər mənşə ölkəsindən kənarda olan çoxsaylı əcnəbilərin və vətəndaşlığı olmayan şəxslərin çətinliklərlə üzləşməsinə gətirib çıxarıb. Xidmət rəisi deyib ki, bu dövrdə əməkçi miqrantların həyat və sağlamlıqlarının qorunması prioritet təşkil etməklə, onların olduqları təyinat ölkələrində qanuni yaşaması üçün imkanlar genişləndirilməlidir. Pandemiyaya qarşı mübarizədə özəl sektor, hökumətlər və digər maraqlı tərəflərin bu prosesdə miqrantların daha çətin vəziyyətə düşməsinin qarşısını almaq üçün birgə fəaliyyəti mühüm əhəmiyyətə malikdir.
Vüsal Hüseynov Azərbaycan Respublikası tərəfindən pandemiya ilə əlaqədar ölkədə qalan əcnəbilərin qanuni yaşamalarının sadələşdirilməsi istiqamətində həyata keçirilən tədbirləri diqqətə çatdırıb. Bildirib ki, Dövlət Miqrasiya Xidməti COVID-19 pandemiyasına qarşı mübarizədə Azərbaycan Respublikasının Nazirlər Kabineti yanında Operativ Qərargahın qərar və tövsiyələrini rəhbər tutaraq mütəmadi olaraq müraciətlərlə bağlı vəziyyəti təhlil edib və fəaliyyətini mövcud vəziyyətə uyğun təkmilləşdirilməsi, müvafiq prosedurların sadələşdirilməsi, əcnəbi və vətəndaşlığı olmayan şəxslərin, o cümlədən işəgötürənlərin rahatlığının təmin edilməsi istiqamətində bir sıra işlər görüb. Xidmət rəisi müvafiq məlumatların miqrantlara çatdırılmasında ticarət və biznes assosiasiyalarının rolunun vacibliyini qeyd edib.
“Caspian European Club”un sədri və baş icraçı direktoru Telman Əliyev DMX-nin pandemiya dövründə əcnəbilərə və vətəndaşlığı olmayan şəxslərə göstərdiyi xidmətləri qeyd edərək, klub üzvləri adından miqrasiya xidmətləri ilə bağlı fikirlərini bildirib.
Sonda “Caspian European Club”un üzvlərinin sualları cavablandırılıb və səmimi fikir mübadiləsi aparılıb.

Paylaş:

Baxılıb: 304 dəfə