Son 10 ildə ölkəmizdə uğurlu siyasət aparılır

Bakı:

23 °C

72 %

12 m/s

Əlaqə

AZ RU EN

Ana səhifə / YAP xəbərləri / Son 10 ildə ölkəmizdə uğurlu siyasət aparılır

Son 10 ildə ölkəmizdə uğurlu siyasət aparılır

02.10.2013 [10:12]

Kəlbəcərlilər də bu uğurlu siyasətə səs verəcəklər
Yeni Azərbaycan Partiyası (YAP) Kəlbəcər rayon təşkilatı prezident seçkiləri ilə bağlı təbliğat-təşviqat kampaniyasını uğurla davam etdirir. Yeni Azərbaycan Partiyası tərəfindən prezidentliyə namizədliyi irəli sürülmüş cənab İlham Əliyevin Kəlbəcər rayonu üzrə seçki qərargahının üzvləri dünən növbəti görüşlərini kəlbəcərli məcburi köçkünlər üçün Göygöl rayonu ərazisində salınmış qəsəbədə keçiriblər. Tədbiri giriş sözü ilə açan YAP Kəlbəcər rayon təşkilatının sədri Akif Əsgərov bildirib ki, Ümummilli lider Heydər Əliyevin müəyyənləşdirdiyi siyasi kurs bu gün dəyişən dünyanın reallıqlarına adekvat olaraq ölkə Prezidenti tərəfindən innovativ şəkildə davam etdirilir: “2004-2008-ci illər üçün nəzərdə tutulan regionların sosial-iqtisadi inkişafına dair Dövlət Proqramı”nın uğurlu icrası, 5 il üçün nəzərdə tutulan vəzifələrin lazımi səviyyədə yerinə yetirilməsi növbəti proqramın- 2009-2013-cü illəri əhatə edən regionların sosial-iqtisadi inkişafına dair Dövlət Proqramının qəbulunu şərtləndirdi. Liberal iqtisadi islahatların davam etdirilməsi ilə bütün sahələr üzrə qanunvericilik bazası formalaşdırılıb, təkmilləşdirilərək beynəlxalq standartlara uyğunlaşdırılıb. İqtisadiyyatda keçid mərhələsini başa vuran Azərbaycan bir sıra zəruri məhsullarla özünü tam təmin edən ölkəyə çevrilib. Son 10 ildə Azərbaycan iqtisadiyyatı 3 dəfə, dövlət büdcəsi 20 dəfə artıb ki, bu da cənab Prezident İlham Əliyevin uzaqgörən siyasətinin nəticəsində baş verib. Bu gün kəlbəcərlilər məcburi köçkün həyatı yaşasalar da, qətiyyən ümidlərini itirmirlər. Onlar dövlətimizin yürütdüyü daxili və xarici kursa güvənirlər. Elə ona görə də, 9 oktyabrda növbəti dəfə cənab İlham Əliyevə səs verəcəklər”.
Tədbirdə çıxış edən YAP rayon təşkilatı Gənclər Birliyinin sədr müavini Səlim Səlimov bildirib ki, bu gün Azərbaycanda ölkə Prezidentinin gənclərə olan qayğısı göz önündədir: “Dövlət səviyyəsində qəbul olunan Dövlət Proqramları buna sübutdur. Bu gün Azərbaycan gəncliyi Azərbaycanın inkişaf etdirilməsində cənab Prezident İlham Əliyevin siyasətini dəstəkləyirlər. Artıq Azərbaycan gəncliyinin səsi dünyanın müxtəlif elmi auditoriyalarından gəlir. Qarabağ həqiqətlərinin dünyaya çatdırılmasında gənclik bu gün əzmlə çalışır. Ən vacibi isə bu gün güclənməkdə olan ordumuzun zabit heyəti müstəqil Azərbaycanımızın hərbi məktəblərində yetişən gənclərimizdir. Məhz onların arasında Xankəndinə, Şuşaya, Kəlbəcərə bayraq sancacaq gəncliyimiz yetişir. Bu gənclik cənab Prezidentə inanır və Ona səs verəcək”.
Daha sonra tədbirdə çıxış edən təqaüdçü Şahin Muxtarov, 107 saylı məktəbin müəllimi Raqif Cəfərov Prezident İlham Əliyevin son 10 ildə respublikamıza qazandırdığı böyük nailiyyətlərdən bəhs edib və bildiriblər ki, hər bir kəlbəcərli 9 oktyabrda seçki məntəqələrinə gedib Yeni Azərbaycan Partiyasının namizədi cənab İlham Əliyevə səs verəcək.
Oktay

Paylaş:

Baxılıb: 1306 dəfə