Heydər Əliyev
yeni azerbaycan logo

Ana səhifə / YAP xəbərləri / Azərbaycanın və Türkiyənin hakim partiyalarının gəncləri görüşüblər

Azərbaycanın və Türkiyənin hakim partiyalarının gəncləri görüşüblər

26.11.2013 [09:18]

Yeni Azərbaycan Partiyası (YAP) Gənclər Birliyinin və Türkiyənin hakim Ədalət və İnkişaf Partiyasının (AKP) gənclər qanadının nümayəndələri görüşüblər.
AzərTAc xəbər verir ki, YAP Gənclər Birliyinin sədri Seymur Orucov görüşdə Azərbaycan ilə Türkiyə arasında dostluq və qardaşlıq münasibətlərinin strateji tərəfdaşlığa çevrildiyini bildirib. Bu münasibətlərin inkişafının regionun sabitliyinə də töhfə baxımından əhəmiyyəti qeyd edilib. S.Orucov hər iki ölkənin bütün sahələrdə əlaqələrin güclənməsinə böyük önəm verdiyini diqqətə çatdırıb.
Ədalət və İnkişaf Partiyasının gənclər qanadının sədr müavini Əmrə Cəmil Ayvalı da ölkələrimiz arasında münasibətlərin inkişafından danışıb. O, qeyd edib ki, dövlətlər öz maraqlarına görə dosta və ya düşmənə çevrilə bilərlər, ancaq Türkiyə və Azərbaycan hər zaman bir-birinə qardaş gözü ilə baxıb və bu qardaşlıq əbədidir.
Tədbirdə hər iki partiyanın gənclər birliyinin birgə komissiyalarının yaradılması məsələsi müzakirə edilib. Qeyd edilib ki, yaxın gələcəkdə Türkiyə və Azərbaycan tələbələrinin mübadilə proqramının icrasına başlanılacaq və bu proqram hər iki ölkə üçün əhəmiyyətli olacaq.

Paylaş:
Baxılıb: 1026 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30